ده شعار المدونة الجديد يا ريت الكل يضيفه عنده فى المدونة
ولو فيه اى اضافات او تعديلات فى انتظاركم فى التعليقات
خالد همس الأحباب
************************
للناس اللى مش بتعرف تضيف الشعار
هتروح على المدونه بتاعتك من جوه وتدخل على خانة التصميم (اللى بتضيف فيها عناصر الصفحه بتاعتك)
من خانة التصميم هتختار اضافة اداة (add widget )
هتظهرلك قايمه فيها حاجات كتير كده
سيبك من الحاجات دى كلها (وحشه مالكشى دعوه بيها )
بس فيه واحده بس هى اللى كموله كده اسمها (صوره)
هتلاقيها غالبا الاداه رقم 9
المهم ياباشا
هتختار ( صوره)
هتتفتحلك صفحه جديده
هتلاقى خانه تكتب فيها عنوان الشعار
الخانه اللى وراها وصف الفكره (اختصر طبعاً)
الخانه اللى وراها مكتوب (وصل ) يعنى الواصله بتاعت المدونه هنا اللى هى دى:
بعد كده
هتلاقى كلمة (صوره) مختاره لوحدها وكلمة براوز Browse جنبها
هتلاقى كلمة (صوره) مختاره لوحدها وكلمة براوز Browse جنبها
اضغط على براوز واختار اللوجو من على جهازك (على اساس انك حفظته يعنى على الجهاز بتاعك من عندنا من هنا من الجنب
بس يا معلم
اعمل حفظ وفى امان الله
كده خلاص الصوره واللوجو واللنك اتحطوا
الصفحه هتتقفل لوحده
اعمل حفظ تانى من صفحة التصميم
وروح اعرض المدونه بتاعتك علشان تشوف اللى حصل
لو لقيتاها نزلت ، يبقى الف مبروك يا ريس
ما نزلتش ، انصحك ان لا تعيد هذه المحاوله مره اخرى ، وبلاها لوجو وبلاها ناديه
وبلاها سوسو كمان
لانى مش ناوى اشرحلك تانى الموضوع ده
ههههه
وهتوحشنا اوى على فكره
ملحوظه مهمه : اللوجو لا يعنى انكم لا تضيفوا المدونه فى الريدر بتاعكم يا جماعه على جنب لا طبعاً ، تنضاف برده.
*********************
ويكا
سلااام
