السبت، 28 مايو 2011

أجمل زهره ... كل سنة وأنتى طيبه

ندعو من الله عمره مقبوله ان شاء الله يا زهره وترجعى لنا بألف سلامه ... تقبل الله عمرتك وكتب الله لكى أجرها وثوابها  بأذن الله وغفر الله  ذنبك  وتقبل منك صالح الأعمال وخير الدعاء وعقبال الحج إن شاء المولى 
وجعله فى ميزان حسناتك يارب العالمين



ووخده لى بالك من حتة الدعاء دى 
ههههههههههههه طبعا أنتى فاهمه 
ورقتك معاكى والأسامى فى إيديكى 
وكترى الدعاء الله يخليكى 
ههههههههههههههه

يا بنت بلدى يا إسكندرانيه يا اصيله 
كل سنه وإنتى طيبه وبخير يارب دايما 
عيد ميلاد سعيد عليكى السنه دى 
والسنه الجايه وكل سنين عمرك اللى جايه 
يأم قلب حنين

بس يارب متنسيش تدعيلى برضو 
هههههههههههههههه

وعقباااااااااااااااال 100  سنه فى حب وهنا 
والسنه دى  نفرح فيكى 
يوووووووووه 
أقصد نفرح بيكى 
ههههههههههههههههههه

وبما أن أحتفلنا بيكم فى بيت المدونين بيكون بنشر بوست يوم عيد الميلاد 
وغيابك عننا ربنا يرجعك بالسلامه يارب 
طلبنا من لولا نصك التانى الحلو 
تختار لنا بوست ليكى 
وأختارت لنا 


افتـــــــح قلـــبـــــك








منذ عدة ايام كنت ابحث عن كتاب





لا تحزن للدكتور عائض القرنى


وقد اهداه لى خالى منذ فتره


ليست بقليله وما ان وجدت الكتاب حتى فتحت اول


صفحه فيه لكى اقرا الاهداء لانه من عادتى


حينما يهدينى اى شخص كتاب فلابد ان يكتب لى اهداء


على اول صفحاته ووجدت هذه الجمله


" اذا وهبنى الله قطعه اخرى من الحياه

فسوف اكتب احقادى


على قطع من الثلج

وانتظر ظهور الشمس

لكى تذيب تلك الاحقاد "


حينما فكرت فى هذه الجمله جلست اتحدث مع نفسى

لبعض الوقت


لما انتظر ان يهبنى الله قطعه اخرى من الحياه

لكى افعل


اشياء كثيره


لماذا لا ابدأ من الان ربما لا يكفى عمرى


ان افعل شئ غدا او بعد ساعه


لماذا لا افتح قلبى لمن احببت واتحدث معه


لماذا لا اسامح كل ما اخطأ فى حقى


لماذا لا اعتذر لمن اخطئت فى حقهم


لماذا انتظر الغد حتى اصلح حالى


لماذا لا ابدأ من الان


انها دعوه لنفسى كى افتح قلبى


واطلب من الله العفو والغفران


ان اطلب من كل من اخطئت فى حقهم


ان يسامحنى ولنبدا من جديد


ان اطلب من كل احبابى ان يظلوا


معى فى حياتى ويتذكرونى بعد الرحيل


افتح قلبك لله ولا تخشى فى الحق لومة لائم


افتح قلبك للدنيا وانتظر الخير




كانت معاكم : زهــــراء
يارب معانا دايما يا زهره 

مش هاين عليا الصراحه أنزل تورت وهى مش موجوده 
عشان  زهره مش هتاكل منها 
هههههههههههههههههه
على العموم هننزل بالتورت والمشروبات 
بس أوعوا ها وبقول تانى اهو أوعوا حد يقرب منها 
إلا لما زهره توصل بالسلامه تفتتح البوفيه وتطفى الشمعه وتقطع التورته 

مااااااااااااااااااشى 
شاطورين وبتسمعوا الكلام 

هههههههههههههههههههههه





















كل سنه وانتى طيوبه زى ما أنتى 
عيد ميلاد سعيد 
ربنا يرجعك بالسلامه 
يااااارب


هدية بيت المدونين لأحلى زهره


الاثنين، 23 مايو 2011

اســـــــــــتراحه ....... فاصل ونواصل


من باب الترويح عن النفس اللى اتخنقت خلاص من زحمة الاخبار .....

وبعد حرق الدم وطول انتظار ......

وحنى نعود لرفع ضغط الدم تانى بروح هاديه ونمنع الانتحار

فقد قررنا نحن بيت المدونين اننا لازم يبقى فيه حته كده فى البيت نرتاح فيها ونبعد عن الاخبار

انسى ................ وخدلك بريك

او ممكن تبقى

عبر مين قدك

او ممكن تبقى

ساعة الحظ ما تتعوضش

او ممكن تبقى حاجات كتيره تانيه 
المهم نتفك شويه ......

وما تخافوش هنرجع لحرقة الدم تانى والثوره والاعتصامات والاضرابات والتحليلات والخناقات .... والله العظيم

واطمنوا البيت فيه غرف كتيره للحاجات دى بردوا

بس الفكره ، ان احنا مش عايزين نمل من الملل والزهق وضغطت الاعصاب ..... عايزين ناخد بريك علشان نفك شويه قبل ما نرجع تانى للحرب النفسيه والضغطه العصبيه 
علشان نقدر نواصل حرقة الدم طبعاً (لعشاق ضغط الدم)

ولهذا كانت هذه الاستراحه.
((
))
((
))
((
))
((

حبه نكت 


واحد بيقول لصاحبة دخلت امبارح على مراتى لقيت معاها راجل..
صاحبة قاله وعملت ايه ؟ قاله دخلت المطبخ وجبت السكينة .....
وشقيت لمونة وعملت عصير علشان اهدى اعصابى ..
قاله ومعملتش حاجة للراجل .. قاله وانا مالى ما يقوم يعمل نفسه



 مرة ,واحد عصبى كان بيتكلم مع مراته قال لها انا هقول لك موضوع حصل معاى بس انتى مش هتصدقينى وهتقولى على كداب بس انا مش كداب انتى الكدابة واهلك كدابين روحى وانتى طالق



واحد غبى ... حط إيده في جردل فيه مية نار .... 
فحس ان صباع من اصابعه ناقصة .. فحط رأسه في الجردل عشان يدور عليه
وحدة تسأل جوزها : لو متّْ هتعمل إيه ؟؟ قال : ده أنا أتجنن .. قالت له :يعنى مش حتتتجوز بعديَ ؟؟ قاللها : المجنون يعمل أى حاجه !!




الزوجة : إنت دايما شايل صورتى معاك و رايح بيها المكتب ...ليه؟

الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.

الزوجة: شايف أنا أد إيه مهمة بالنسبالك.

الزوج: أيوة...ببص فى صورتك و أقول لنفسى " دا مشكلة ايه دى اللى ممكن تكون أكبر من دى؟




 
قالوله : التدخين يؤدي إلى الموت البطيء
قال : أنا أساسا مش مستعجل




مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط



منقول طبعاً ده كله

حبه فيديو


حالة زوجيه جدااااااً  ماحدش يدخل 
مالناش دعوه





واحد اسلم   بطريقه دمها خفيف





مشاركه من خيخه استجابه للفكره
بعتت الصوت وعمالنالها مونتاج واخراج 
معلش سماح على العك بس اهو كله تهييس




كان عندنا فقرة "قذافيات " 
بس  مارديناش نحطها علشان هتفكرنا برده بالسياسه 
فقلنا بلاش 


لكن عموماً عندنا السؤال المهم اللى محير الشعوب كلها الى الان
الا وهو
هل القذافى يلد ام يبيض ؟!!


وقد اختلفت الاجابات 
منهم من قال يلد ومنهم من قال يبيض 
ومنهم من قال يتم زراعته فينتج بطيخ 
ومنهم ايضاً من قال انه مكار ومن الممكن ان يلد وفجأه يبيض .... مكار بقى




عموماً دمتم بخير 


ونتمنى ان الجميع يضم علينا ويشارك فى حملة بيت المدونين .... خدلك بريك 



نحن نستمتع الان وبشده
لـــــعدم مواكبتنا الحدث 

:))


الأحد، 22 مايو 2011

عيد ميلاد ميييييييين الليلــــــه



استاذ التاريــــــــــــــخ فى عالمنا التدوينى
صاحب مدونة
هيثم السايس

كل سنـــــــــــــــه وأنت طيـــــــــب
عيد ميلاد سعيـــــــــد عليك يارب
السنه دى وكل سنين عمرك اللى جايه

عقبااااااااااااااااااال مليون سنه

ومعانا أحلى ما كتبه فيكى يا اسكندرية يا مرية

اسكندريــــــــة مريــــة


 

يقول في وصفه لمدينة الإسكندرية "ثم وصلنا في أول جمادى الأولى إلى مدينة الإسكندرية حرسها الله، وهي الثغر المحروس والقطر المأنوس، العجيبة الشأن الأصيلة البنيان، بها ما شئت من تحسين وتحصين، ومآثر دنيا ودين، كرمت مغانيها ولطفت معانيها وجمعت بين الضخامة والإحكام مبانيها"

هكذا بدأ ان بطوطة في وصف الاسكندرية عندما جاء الي مصر في سياحته في اراضي المسلمين ووصف هذه البلاد
علي اية حال لن اسرد حكاية ابن بطوطة فهذه التدوينة بقدر ما اسرد حكاياتي الجميلة مع المدينة والتي اعتبرها معشوقتي بين المدن اذا كانت دمنهور تمثل لي الجذور والام الرؤوم فالاسكندرية تمثل لي الحبيبة التي ارتاح اليها واريد ان افضفض اليها و..لن اتكلم عن نفسي فقلت قبل ذلك لم افتح هذه المدونة للكلام عن الجهبذ العلامة رفيع الشان المعي المخ صاحب المدونة اذا كنتم تظنون ذلك ولكن سأتكلم عن المدينة او جانبا منها في نطاق رحلة سياحية تاريخية من طراز خاص ولن تجدوا هذه الرحلة في مكان اخر ..ليس للرحلة شروط الا شرط واحد لن اذكره الان ..
امممم ..جاهزين ..ننطلق اذا


اول ما نبدأ الزيارة سنبدأ بسيدى جابر ..كما يسميه السكندريون ..دفن في الحي الذى يسمي باسمه هو في الاصل ليس شيخا ولا قطب من اقطاب الصوفية ولكنه كان رحالة كأبن بطوطة واسمه بالكامل ابو الحسين محمد بن جبير البلنسي الاندلسي ..وهو الرحالة الشهير الذى ترك الاندلس من اجل هدف واحد وهو ان يشاهد دول ومدن الاسلام ورحلته معروفة ولكنه في نهاية عمره احب الاسكندرية ربما لانه ذكرته بذكرياته في الاندلس واستقر في المكان الذى سمي بسيدى جابر وهو تحريف لاسمه المعروف بابن جبير ..

الترام الازرق ..يعني الرمل وفكتوريا
الترام الاصفر يعني راس التين والمنشية وبيعدى علي العطارين
متركبش مشروع ..وحش



لا افهم الحقيقة ارتباط الاندلسيون بالاسكندرية من الممكن ان نفسرها بتقبل السكندريون بهم او لان جو الاسكندرية يشبه الاندلس او ماذا مسأله تحتاج الي بحث ..لم يكن ابن جبير الوحيد من بني جلدته الاندلسيين من العيش في الاسكندرية فقد عاش اخروون منهم بالطبع الامام الشاطبي وهو ماينسب اليه حي الشاطبي الان ..
هو ابو عبد الله بن محمد بن سليمان المعافري الشاطبي الذي ينسب الي مدينة شاطبة ..وهو غير الامام ابو اسحاق الشاطبي دفين القاهرة ...
والشاطبي الان يضم عدة منشأت هامة من بينها مكتبة الاسكندرية ..مستشفي الشاطبي ..مبني الجامعة
المجمع النظرى الذى يضم كليات الاداب ..التربية ..السياحة..الحقوق ..التجارة
ويضم ايضا نادى الاتحاد السكندري

جدووو..مدد مدد الاتحاد سيد البلد
علي فكرة جدو من البحيرة
ولعب في دمنهور

واحد من اكبر اقطاب الصوفية في الاسكندرية ويقدره السكندريون كثيرا ولكن من العيوب الحلف به فهو خطأ اكاد اقول عليه شنيع ان تجد رجل يحلف بأنسان ويترك الحلف بالله من اجل انسان ولكن ليس كل السكندريين بالطبع
المرسي ابو العباس
ايضا اندلسي من مدينة مرسية الاندلسية
يقام في كل سنة مولد له ويحرص السكندريون علي حضور المولد والتبرك به وهذا ايضا من العيوب ولكن لسنا بصدد
الافتاء او ابداء الاراء الدينية في هذه القضية كلكم ادري بهذا مني

بخلاف ذلك كانت الاسكندرية في العصر الاسلامي تعتبر رباطا للمغاربة والاندلسيين الذين جاءوا اما للحج ثم الاستقرار بالمدينة او الجهاد في فترة الحروب الصليبية وتجند هؤلاء المغاربة والاندلسيين باعداد كبيرة في جيش صلاح الدين لدرجة بناء صلاح الدين لهم في المدينة بيمارستان (مستشفي )خاص بهم واوقف عليهم مأكلا يوميا ومع تزايد سقوط المدن الاندلسية جاء عدد كبير منهم الي المدينة ..
نستخلص من ذلك ان سكان الاسكندرية اليوم خليط من المغاربة والاندلسيين الي جانب العرب الفاتحين الذين استقروا بظاهرها واستقروا في بعض الاحياء مثل بركة جذام بكوم الدكة ..ابو قير وغيرها
جومة وفلافل
اخوووياااااااااااااا
ايووووووووو
نضرب بلانص
بعض الالفاظ السكندرية الخالصة

كما يوجد عالم كبير وامام كبير نزل الاسكندرية من الاندلس وهو ابو بكر الطرطوشي والذى دفن بحي الجمرك الان ويسميه اهالي الحي بسيدى الطرطوشي ..

عاوز فول وفلافل ..يبقي محمد احمد
عاوز سمك ....يبقي قدورة

من ضمن صفات السكندريون في العصر الاسلامي انهم كانوا مركز المعارضة السياسية لكل ظالم متجبر وذلك لاختلاط المغاربة والاندلسيون بهم وهم قوم اتتين من مناطق جبلية وعرة وصفاتهم الاساسية هي الثورة والانفصال
كانت الاسكندرية مركز معارضة شديدة علي ولاة العصر العباسي ومن بعدهم ايام الدولة الفاطمية حيث كانت المدينة الوحيدة التي احتفظت بسنيتها خلافا لكل مصر الذي بدأ التشيع ينتشر بها بفعل الدعوة الفاطمية خدمة للدولة الجديدة
وكان الاحتفاظ بالسنية كرد فعل طبيعي للمعارضة الكامنة في صدور اهالي المدينة ولذلك كانت بداية صلاح الدين في الاصلاح منها حيث احبها وزارها 4 مرات واصلحها واستعان بعلمائها لارجاع المذهب السني الي مصر

ثورات ومعارضة اممم
شدوا الهمة عاوزين نشوف

كما زارها بيبرس 4 مرات اسوة بصلاح الدين وانتهت المعارضة في عهد المماليك والايوبيين بسبب انشغال مصر بالجهاد ضد الصليبيين والمغول من بعدهم ثم الازدهار التجارى التي شهدته المدينة بعد كل هذه الحروب
والغريب ان الاسكندرية حافظت علي تجارتها واقتصاديتها القوية في ظل كل هذه الحروب ولم تتأثر اطلاقا بها

مينا شرقي ..مينا غربي
اسكندرية مرية وترابها زعفران

قلعة قايتباى التي بناها السلطان الاشرف ابو النصر قايتباى 884 هجرية وهي مكان منارة الاسكندرية القديمة التي تهدمت في زلزال مدمر سنة 702 هجرية لتختفي من الوجود ويكون مكانها القلعة التي كان الغرض منها الدفاع عن سواحل مصر حيث كانت بثابة قاعدة بحرية قوية علي الشواطىء الشمالية وهي الان بحى الانفوشي

اسكندرية مرية
دائما ما نسمع هذه المقولة وهي ايضا لها اصل تاريخي حيث سماها الاندلسيون تشبها بمدينة المرية بشرق الاندلس

حمد الله بالسلامة
الرحلة انتهت
اه نسيت ان اذكر شرط الرحلة
ممنوع دخول الاسكندرانية

المعلومات الواردة
من بحوث د سحر عبد العزيز سالم عن مدينة الاسكندرية
 
ـــــــــــــــــــــــــــــــــــــ
 
نبتدى حفلنا الساهر الزاخر بخيرات بيت المدونين
بشوية جاتوهات وتورتات لأخونا هيثم
 
 
 
 
 
 
 
 
وشووووووووية ساقع لزوم الحفله
 
 
 
 
 
 
كل سنه وانت بألف خير يا هيثم
وتحقق كل أللى تتمناه
 
 
هدايا بيت المدونين
 
 
 
 
 
 
 
 
 
 
 
 
 
 
 
 
 

الخميس، 19 مايو 2011

الى كل المدونين .... خدولكم بريك




الى اصحابنا الاعزاء 


ايه رأيكم ناخد كلنا بريك ؟!

لا اخبار 
لا تحليلات سياسيه ولا حتى اقتصاديه 

لا جرايد ولا محلات ولا فضائيااااااات

لا فتنه طائفيه ولا حتى مهلبيه 

كفايه شويه بقى

عايزيييييين بريييييييييييييييك يا بشر

اه صحيح 


ولا حب حتى ولا شحتفه الله يخليكم 

عايزين نرجع شويه لورا قبل الثوره بسنه 

كنا دمنا خفيف بالرغم من الهم والحزن والقهر اللى كنا فيه  ....... يييييه 
هنقلب سياسه تانى ولا ايه !!

لا يا اخوانا 

بريك بقى 

والله لا السلفيين عايزين يموتوا المسيحيين ولا المسيحيين عايزين يخربوا البلد 

فككوا بقى ، اضحكوا على المغرضين وخدواااااا بــريــــك



بريك يا بشر

واللى عايز يتخانق ويحلل وينفسن ويبوظ اعصابه واعصابنا معاه

نقوله 

خدلك بريك برده 


علشان ترجع انشط فتعرف تتخانق بكامل لياقتك


دعوه الى اخوانا المدونين الذي يتأثر بهم كثيراً من الوسط الاعلامى الان 




فين المدونات الساخره يا اخوانا 


مش موجوده على الريدر بتاع البيت بقالها فتره 


فين ابتسامات ؟!!


فين الصباغ ؟!!

فين مهاترات عاقل وان كانت بدأت تندع عندها تانى اهه 


فين باقى المدونات اللى بتضحك ؟؟؟

خـــــدوا بــريـــــك بقى

اقولكم .......


اشربوا بريل




الثلاثاء، 17 مايو 2011

أفتتــــاح مـدونــة جـديـــــــده




تم أفتتــاح  مدونة جديده معطف من القيود أجزاء منفصله متصله بأقلام المدونين :

إبراهيم رزق

مصطفى سيف

شرين سامى

HUMAN


دوووس


بالتوفيق إن شاء الله


السبت، 14 مايو 2011

عـــــيد ميــــلاد ميــن الليـــــــــــــــلة ؟؟؟




وسع وسع وســـــــــــــــــــــــــــع
والكل يحضرنا
ويجى ويهنى

دا الليله عيد علينا كلنا
أجمل وأحن حد  عندنا كلنا حبيبتى فاتيما


 

وأرق وأحن  حد  البسكوته ريمو ريما العثوله


جمعتهم الصدفه فى تاريخ  واحد يوم عيد ميلادهم
قلبين من أجمل القلوب


 ريم
رسائل بلا بريد

كل سنة وأنتم طيبين مع بعض دايما متجمعين
عيد ميلاد سعيد

وعقباااااااااااااااااااااااااا مية سنه








وبالمناسبه دى معانا أحلى بوست بتحبه ريمو
وأقرب بوست لقلبها
هديتها يوم عيد ميلادها
لينا كلناااااا

قصرٌ وأكواخ








كان طريقها طويلا ً ولكنها كانت ذات بال أطول...
كانت تحمل حلماً جميلا ً في قلبها ويقيناً انها ستجده حتماً
... لم تكل يوماً او تيأس أو تفقد ايمانها بحلمها

سارت في طريقها الطوييييييل بخطوات واثقة ومتأنية باحثة عن ذلك الحلم
لم تعر أى انتباه الى الاصوات اللى تطالبها دوماً بالتوقف
والرضا بكوخ من الأكواخ اللى كانت تصطف على جانبي طريقها




وكلما اقتربت من أحدها فتح لها بابه على مصرعيه وحاول ادخالها بشتى الطرق
وفي كل مرة كانت ترفض




فلم تكن تستهويها الأكواخ الصغيرة المعتمة
وكانت تمقت المساحات الضيقة
آثرت المضي في طريق طويل مقفر ومرهق على أن تدخل كوخاً يجثم ظلامه على عقلها وقلبها


وبعد أن نال منها التعب وأرهقتها المسافات








رأته من بعيد

رأت نوراً مشعاً لامعاً
فسارت اليه كالمسحورة
وصدق حدسها فقد كان ذلك النور هو نور قصرها
الذى طالما حلمت به
قصرها الرحب الواسع

الذى تمنت دوما العيش فيه
والسير في جنباته
لم يفتح لها أبوابه ليجبرها على الدخول بل جعلها تدخله بكامل ارداتها ووعيها




دافعة ً بوابته الكبيرة بكلتا يديها
...








جعلها تشعر بأنه اختياراها
رغم ثقتها بأنه قدرها




....




وفور دخولها اليه




شعرت بأنها كانت على حق








وأن القصور تختلف تمام الاختلاف عن الأكواخ




ايقنت بأنها لن تحتاج أبدا الى الخروج منه يوما حتى لترفه عن نفسها




... فمساحاته الشاسعة




... وشرفاته المضيئة




.... وحدائقه الغنَاء




ستغنيها تماماً عمن سواه




.....




وقفت أرقبها وهى تنظر للأكواخ








ولسان حالها يقول :




وداعاً أيتها الأكواخ
فأنا الآن في أحضان قصري الحبيب





ونظر لظروف فاتيما وإنشغلها أخترت لكم بوست  من مدونتها


≈≈ عــروس النيــــل ≈≈





هى عــروس نيــلك أنـــا
وما كل عرائس الدنيـا سـواء
أزف إليك بكـــل الحــب نفــسى 
رغم إن بدايــة هـــذه القصــة انتهــــــاء.





و رغم انهم كثيراً أخــــبرونى 
بإنى فى عمق مياهك سأرقـد وحـيدة 
وأن أول ليـالّى هــى الأخـــــيرة 
وأن لحظة عرسى هـــى  وقــــت رحــيلى 
وإنى فى أوآن العطش سأرى
المـــاء يغـمرنى ولا إرتــــواء 
وستكــــون بداية الفرحة معك إنتهــــاء




ولكنى ما القيت لهم أى بال ولا سمعت  
 وفى أبهى صـــــورة لك .. تزينت
وأجمل أثوابى من أجـــلك .. أرتديت 
ونزعت كل الخـــوف من قلــــبى 
وبالخطـوات الثابتات نحــــوك مشــيت 
لأصل إلى حافة نهـرك
وأستحضـر كل شجاعتى وأقفــــز. 







على البعد 
احــتشد كثـــيرون كـــى يشهدوا لحظتى  
امى بالدمع تبكينى وإخـــوتى صامــتون 
الاصدقــــاء رافضــون جــــنونى
والغــــرباء يعتـــريهم فضـول 
عاشقات لك تراجعـــن عن المحــــاولة قـــبلى
ينتظـــرن مُـــر  هـزيمتى
والكل واقفــون
هنـــاك واجـمون 
يرقبـــوننى و عالمــــون
بإن الأمـــــر واقـع لا محــــالة
لكنهـم لا يدركــــون
ان بسقوطى .. سأعـــلو
و بموتى ... يكـــتب لى الخــلــود




عليـــك وحـــدك أغمــض 
عين قلـــبى
و بلا تردد القى بنفــسى
إلى قــــاعك 
يلفنى المــاء من كل صـــــوب 
فأذوب ويتفـتت جسدى الى ذرات 
تتـــوزع روحى فى كـل المطـارح 
فينقشـــع بعد الفــــناء حــــزنى و يرحـــل 
أدرك إن عذابـاتى معك كانت أقـــدار و سُطرت
ويتجــــلى ما كان عــلى الأبصــــار يخفي .. 
فأرى ماهـية انى كــــنت من البـدء 
جـــزءاً منك ... تابعـاً لك  ... متلاشـياً فيك 
و إن مصيرى التوحــــد بــك 
لأصــــير ألــف مليــون قطـــرة مــاء تنســـاب.






يُحــــفر اسمى للأبــــد فى مجـــراك 
وأتدفــــق
فتشـرب منى الطير و سائر المخلوقـات
يروى بى حقل فى هذه البـــلاد الطـــيبة 
و تنمو براعـــم خـــضر  على الضــــفتين 
تســــير المراكــــب محمــــلة بالغـــلال
و يتوضـــأ بى رجل خاشع يستعــــد للصلاة
تغسل امــــراءة فىّ أوانيهــــا 
ويصطاد منى احدهم السمك ليكـــون غذاءاً لأسرتـه 
يلهـــو معى الأطفال الصغـار واضـــعين مـراكبهــم الورقـية على صفحتى وقت الغـــروب.
و يشكو لى عاشق حـــزين من فراق المحبوبة 
يبكى امامى مكـروب إشتدت عليه مصــــيبته.
و يُفضـى خائف إلىّ بسره متلفتاً خشية أن يُفضح،
يعــترف لى نــادم بجـريمته راغباً رحمــة ربه 
ويسألنى الكل عن القـــادم 
راجــــيين بهجـــات فى الزوايا مخـــتبئة
وآملــــين فى  الصــفح عمـا مــضى
وباحثــــين عن البدايــــات.





يســـألوننى يا حـــبيب القلب  عن الغـــد 
و أنــا التى لا أمـــــل لــى فى 
أى صـــبح معـــك ستشــرق بعـــده شمسى ؟!!
أشـــفق عـــليهم 
و يحـــدثنى قــــلبى بألا أردهـــم خــــائبين
فإنـــا عــروس النيــل الـتى بالمــــوت
تـــدب حـــياة من بعــــدى
و برقـــدتى وسكــــونى تجـرى المـــياه المقدسة لعــــام جـديــد.  
انـــا التى كانت تعـــلم
إن أولـــى معك يا حــــبيبى .... انتهـــاء 
و أظـــل عـــلى الـــدوام أزهـــو 
بإنى عــروس نيــــلك
ولا كـــل عــرائس الدنيــــا ســــواء.
-------------------------------------
كـم من قـــصص حـــب
كان يمكن إنقـــاذها 
لو فكّــر العشـــاق 
بمنطــــق المــــوت 
لا بمنطــــق الحــــياة 
أحلام مستغانمى
---------------------------





نيجى بقا لإحتفلنا وعشان مش تقولونا جوعتووووووووووووووونا
هههههههههههههههه




تورتاية فاتيما



ودى تورتاية ريموووو



ودى بقا لنا إحناااااااااااا
ملناش نفس ولا إيه
هههههههههههههههه


وننزل بالساقع و والشوكولاته
















و كل واحد شوكولاتيه








كل سنة وأنتم طيبين
ريم
فاتيما
عيد ميلاد سعيد



هدية فاتيما 



هدية ريم

من بيت المدونين




ورد من فاتيما




ورد من فاتيما