الأحد، 24 أكتوبر، 2010

يــوم عيــد ميلادك + شوية طلبــات + الشعـــار



ـــــــــــــــــــــــــــــــــــــــــــــــــــــــــــــــــــــــــــــ
يلا نضيف شعار بيتنا الجديد فى مدونتنا
شعـــار بيت المدونين

صباح الخير يا أهل الدار
هنطلب منكم شوية طلبات صغنتوتة
طلب صغنون أول
ــــــــــــــــــــ
هنطلب من كل واحد فينا يكتب تاريخ يوم ميلاده وطبعا بدون سنة الميلاد منعاً للإحراج وأنا أولكم هههههه ... ودا هيساعدنا لفكرة التقارب بين المدونين أكثر وأكتر ونشارك فرحتة ويشارك  فرحتنا... نلم هدايا لصاحب عيد الميلاد ...... ونقسمها معاه ... ههههه دا طبعا لو عايز ... والحمد لله أنا شايفه عيد ميلاد محمود (أول عيد ميلاد فى بيت المدونين) كان جميل وباين فيه روح الحب والترابط بين المدونين والهدايا كانت كتيررررر

طلب صغنون تانى
ـــــــــــــ
ياريت كلنا نضيف بيتنا بيت المدونين فى الريدار الخاص لكل منا عشان نقدر نتابع  أخبار بيت المدونين
وأن شاء الله الشعار هيكون جاهز ونحطة على مدونتنا عشان يكون بمثابة الريدار الخاص بكل مدون زى فهرس مدونات كدا يتابع منه كل جديد ويتعرف على مدونات أكتر وأكتر  والتواصل يزيد

طلب صغنون ثالث
ــــــــــــــــ
اللى عندة أى خبر(فرح - عيد جواز - مولد مدونة جديدة -  حالة وفاة بعد الشر -أو أى مناسبة ) أو أى فكرة ياريت يبلغنا بيها ...
وفريق العمل لسا مكتملش اللى يحب يدخل ضمن فريق العمل يبلغنا على الفور

وأستنوا المزيد من الأفكار
والمفأجات
مشرف تانى
ماما الحب الجميل
معكم من
بيت المدونين.

هناك 45 تعليقًا:

محمود(باحث عن حب) يقول...

صباح الخير
عليكو
حبايب قلبى اصحابى واخواتى
عيد ميلادى
خلاص بقه
فكره حلوه اننا نتجمع مع بعضنا
اكتر واكتر
فى البيت فعلا افراح لاقدر الله احزان
ونكون يد واحده
انا كان نفسى اكون من ضمن فريق العمل بس انا مضمنش نفسى لو لى طلب انا تحت امركو ا
اخواتى

Noha Saleh يقول...

ازيكم
انا ضيفت بيت المدونين فى المدونة من اول يوم
اما يوم عيد ميلادى فهو 23 فبراير

ويكا يقول...

انا انا انا

3/10 / .. بعينك

الحب الجميل يقول...

وأناااااا
5/3
ماشى يا ويكا
هههههههههههه
مش عايزة اعرف

Ramy يقول...

أزيكم أزيكم

أنا جى أضفنى عندكم (:

23 يوليو

عيد الثورة (:

Haytham Alsayes يقول...

كويسة الفكرة
22 \ 5
لسة بدري يعني
ههههه

تحياتي

جايدا العزيزي يقول...

ايه الافكار دى

عيد ميلادى 19 ابريل1972


عيد ميلاد زوجى 13 اكتوبر

عيد زواجى وده اقرب حاجه29 نوفمبر

عيد ميلاد كريم ابنى 8 يناير

عيد ميلادابنى التانى محمد10 ديسمبر

عيد ميلاد حسام ابنى التالت21 اغسطس

اى خدمه

عايزين عيد ميلاد الجيران كمان


ههههههههههههههههههه

عايزه احلى اعياد

ربنا يبارك فيكم

تحياتى

ويكا يقول...

رامى

هههههههههههه
انت مشكله بجد

ويكا يقول...

نهى صالح
طول عمرك شاطره يا بنتى وبتحلى الواجب قبل زمايلك :)

هيثم السايس
اى خدمه ، فكرة الحب

جايدا

يانهار احوسسسسس

كل ده ما شاء الله ولا حول ولا قوة الا بالله

طب فين باقى الجيران والقرايب ياماما ، ههههه

دا انا على ما خلصت التواريخ دى ، نسيت ايه الفكره اساساً.
:)

محمد التركى يقول...

السلامو عليكم
ويكا
الحب الجميل


الف مبروك وقد تم تنفيذ الفكره وفى تقدم ونجاح باهر بأذن الله

أولآ أنا اغيب شويه كام يوم ياعنى اجى الاقى نفسى ضايع
فين ياحب مدونتى ضمن المدونات المنوعه
ياخبر اسود ضعت انا ضعت خلاص

ثانيآ
أنا عيد ميلاد على الابواب
29 أكتوبر 1982
ياله انشاله ماحد حوش

ياجدعان انا بغيب كتير بسبب كثره سفرى فى الشغل
والنبى اوعو تنسونى خايف اغيب المره الجايه
اجاى ملقيش مدونتى

تحياتى للبيت الكبير بيت المدونين

محمــــد التركـــى
(مدونه ماضى صنع حـــــــب)

ELMOSTAFZ يقول...

خياا ا ا ا انه...
محدش جابلي سيرة عن بيت المدونين ده خالص...
انا حاسس ان غيابي خلاني بعدت عن البلوجر اوي...

كلام من قلبي يقول...

فعلا فكرة حلوة اوي
انا 1-4
وتحياتي لبيت المدونين

جايدا العزيزي يقول...

انا بصوت لمحمود

10 على 10

خلوه يمسك الحسابات

ولا المدير العام

اما انا فرئيس مجلس الادارة

هههههههههههههه

انا ما اقبلش اقل من كده


هههههههههههههههه

لا طبعا انا برشح محمود للانضمام معاكم

اما انا بحب اكون ضيفه

علشان اكل الجاتوة واشرب الشاى وبس

بالتوفيق لجميع اسرة بيت المدونين

وليا طبعا اكبركم اكيد فى السن

الكل يقول ماما جايدا

اولادى شوفوا شغلكم

ربنا يجمعنا دايما على الخير

اشوفكم على عيد ميلادى الجاى بس حد يفكرنى

هههههههههه

تحياتى

Ms Venus يقول...

فكرة جميلة اوى

وانا طبعا ضايفة بيت المدونين عندى

يوم ميلادى بقى هو

1 شهر يونيو


احلى تحية لاحلى بيت مدونين

(ست* جنى* الحسن) يقول...

السلام عليكم
متجمعين عند النبى

انا 6/1/1985
وعلى قلبكو فى البيت

sweet angel يقول...

ايه الاحراج ده

انا 7 مارس 1991

ولا السنه مش مهمه؟

BNT ELISLAM يقول...

معى انى جيت متاخره اوى اوى اوى
بس ياله الحمد لله هحاول الحقلى مكان
وعلى فكه انا هقول وبالسنه كمان ياعنى يبقالى احتفاليه زياده شويه
7/5/1991
لسه بدرى حوشوا من دلوقتى

mrmr يقول...

صباح الفل
انا جيييييييييييييييت اهووو اصبح وامسى على اجمل بيت
اما عن المناسبات يا روح قلبى انا مناسباتى كتيره وبحتفل بيها كلها
مش بس بعيد ميلادى اللى هو 1 فبراير لا
كمان بحتفل بذكرى اول يوم رات عينى حبيب قلبى
2 يوليو
وكمان ذكرى خطوبتى 3 سبتمبر
وذكرى زواجى 18 يوليو
ومناسبه عيد ميلاد زوجى 25 ابريل
وبناتى القمامير الكبيره 6 مايو
والصغيره 13 يونيه
وبس كده كفايه مناسبات احتفالات
انا مش طماعه
صباحووووووا ذى القشطه باذن الله

كلمات من نور يقول...

جميل

واحد سبتمبر

richardCatheart يقول...

ماما حب
ماما حب

انا مواليد سنه 78

والنبى اكتبيها علشان بحس انى ناقصه

والنهارده 10\24 عيد جوازى ال 14

هههههههههههههههههههههههه

عايزه تورته يا خالتى هههههههههههههههههه

صيدلانيه طالعه نازله يقول...

واااااااااااااو مس فينس عيد ميلادها معايا واحد يونيو بس انا 76 معرفش هيا امتى
شوفتى انا شطوره ازاى و بقول الحقيقه
عيد جوازى 4 سبتمبر
عيد ميلاد الهاسباند 5 سبتمبر
سيف 26 سبتمبر
شادن 27 سبتمبر
هههههههههههههههههههه
اصل احنا عيله سبتمبريه النزعه

كل سنه و الكل هنا و فى كل حته بخير وسلامه

Noha Saleh يقول...

ده الشعار المناسب

Ramy يقول...

لقد تمت الأضافة

(:

ويكا يقول...

محمود

ايه يعنى اكمنك اخدت الهدايا يعنى هتخلع ولا ايه؟!!!

هههه
حودا ، انت يبنى من البدايا لاعب اساسى مش احتياطى.

واحنا اساسا كلنا فريق واحد ، والا ما كناش عملنا المدونه دى ، احنا هنا هدفنا نلم بعض فى مكان واحد ، وما حدش بيفرض حاجه على حد .

لكن اكمننا كلنا بنحب نتلم مع بعض فاكيد هنبقى تيم واحد.

بص ياباشا ، انا عايزك انت بس تسخن كده وتفتح ماسورة الافكار ومالكشى دعوه

خواطري مع الحياة يقول...

فكرة جميلة
بجد افكاركم جميلة
انا 6\يناير\88
بجد فكرة حلوة.
سلامي لافكاركم الحلوة.

لـــولا وزهـــراء يقول...

كل سنة وماروة ومحمد بخير وسعادة وحب وهنا
ويخليلهم اولادهم يارب
لـــولا

قول ياااارب يقول...

حب معلش انا عاوزة اعرف انزلها ازاى عندى ع المدونه ؟؟؟؟يعنى احط اللينك بتاعها عندى زى اى مدونه مضافه عندى ولا ايه؟
عموما انا مبسوطه اووى بالفكره
وانا ياستى عيد ميلادى1/10/86

آخر أيام الخريف يقول...

صباح الخير انا بقالى سنتين بادون .. بس جديدة هنا :)))


المدونة ضفتها عندى خلاص أما عيد ميلادى 20 ديسمبر .

تحياتى

الحب الجميل يقول...

محمد التركى
الله يبارك فيك
لا طبعا مضعتش
هههههههههههههه
مدونتك انضفت بالفعل يا تركى بس بيظهر خمس مدونات حسب التحديث لاحدث بوست
اعمل اظهار وانت تلاقيها
ربنا يقويك يارب على الشغل
كل سنة وانت طيب مقدما يا تركى
وانتظر المفـاجأة

الحب الجميل يقول...

حسنى باشا
يا باشا ما انت دايما هاجر المدونات وقاعد فى الفيس بوء
ونسينا خاااالص
ركز معانا هنا شووووووى
منور البيت الكبير

الحب الجميل يقول...

جايدا العزيزى
هههههههههههه
اكيد هنفتكرك يا حبيبت قلبى
اما محمود فمستنين منه افكار جديدة
ولولا كليتة وانا عارف اد اية مشغول ومش عايزة اعطلة
وهو معانا طبعا
بس يدينا الاوكية
ربنا يبارك له
يارب
اما انك تمسكى رئيس مجلس الادارة فــ الكلام دا معا ويكا بقا انا يادوبك مشرف صغنن
هههههههههههه
تنورنا طبعا وانتى فعلا معانا ومشاركنا

الحب الجميل يقول...

فينوس
وجوك يا فينوس هنا معانا الاجمل
مبسوطة اووووى انك معانا
تمت الاضافة

الحب الجميل يقول...

ست جنى الحسن
وعليكم السلام
يسمع من بوقك ربنا
يااااااااااارب
على قلبنا زى العثل
معانا اكيد يا حبيبتى
تمت الاضافة
منورة بيتك الجديد

الحب الجميل يقول...

سويت انجل
لا السنة مش مهمة
المهم يوم الميلاد والشهر بس
تمت الاضافه يا سويتى

الحب الجميل يقول...

بنت الاسلام
متحمليش هم الناس هنا كرماء اوووى
تمت الاضافه يا دودو

الحب الجميل يقول...

مرمر
مساء السكر
ايييييييييييية دا يا مرمورتى

لا الصراحة مش طماعة خاااااالص
ههههههههههههههههههه

ماااااااشى يا قمر

الحب الجميل يقول...

كلمات من نور
وجودك هنا الاجمل
تمت الاضافة

الحب الجميل يقول...

قلب القطة
نعم يا روح قلب ماما
ههههههههههههه
كل سنة انتى ومحمد طيبين يارب
تمت الاضافة يا ماااارو

الحب الجميل يقول...

صيدلانية طالعة نازلة
اية يا لولا انتى اتعديتى منهم
هههههههههههههههه
خليكى انتى الكبيرة وكفاية تاريخ عيد ميلادك
الا كدا مش هلاقى وقت اريح فيييييييييييية
ههههههههههههه
تمت الاضافة يا جميل
مبسوطة كتير انك معااانا

الحب الجميل يقول...

نهى صالح
ربنا يسهل يا نهى

الحب الجميل يقول...

رامى
تمام يا رامى

الحب الجميل يقول...

خواطرى مع الحياة
وجودك معانا الاجمل
يارب ترجعى لنا على خير
تمت الاضافة

الحب الجميل يقول...

لولا
يارب
نورتى يا لولا

الحب الجميل يقول...

قول ياااارب
تم شرح الاضافه فى البوست الجديد
تمت الاضافة

الحب الجميل يقول...

اخر ايام الخريف
اهلا بيكى معانا ووسطينا فى بيت المدونين
تمت اضافة مدونتك
وتم اضافة تاريخ ميلادك
مبسوطة انك هنا