الاثنين، 13 ديسمبر 2010

مواليـــد جدد



نبتات جديده نحتفل بها
*******
فى كل يوم جديد يولد مولود جديد ، يضاف الى اعضاء الاسره تكون به الاسره سعيده  من كل اعماق قلبها لوجوده وتشريفه ، فهو اكيد سيمثل لهم اضافة جديده ، سيُكمل العزوه ، ويزيد العز به بعد الله .
وسيكون ممن يحملون اسم العائله عالياً ليرتفع ويحلق فى سماء لا حدود لها يرفع من اسم عائلته ويعلو من شأنهم ......
 يجئ المولود الجديد ليزيد قوتهم قوة على قوه ، ويزيد من تأثيرهم فى من حولهم بلا شك  ، فهم الان اغلبيه وبدل الصوت اثنان وثلاثه .......

وهكذا اسرة التدوين ، يحتفل فيها بيت المدونين دائماً بكل مولود جديد يولد له ...
 يفرح به ويفتخر دائما ً انه ولد لهذه الاسره مولود جديد ، يسال الله فيه ان يكون خير ولد لخير اهل ، وخير خلف لمن سلف ......

اليوم نحب ان نتشارك الفرح فى افتتاح ثلاث مدونات جديده.
منها من مارست نشاطها بالفعل بسرعة الضوء ولم تتمهل او تنتظر احد ، والاخرى لازالت وليده لم تقترف غير اخذ انفاس بسيطه من عبق التدوين

المدونه الأولى
وقد تأخرنا قليلا فى الاعلان عنها وتهنئة صاحبها الذى (اخذ الناقه وشرخ)  كما يقولون ، ولم يمهل اهل البيت لاعطائه الوصايا العشر مثله كمثل اى مولود جديد ، بل انطلق فى سماءه ليُخرج قليلاً من كثير مما تحويه جعبته ، وانا اعلم ان لديه الكثير والكثير ، فلقد نهل من الكتب الكثير والكثير وقد آن الاوان ان يمتعنا بما رأى وقرأ .......
وبالرغم من ان مدونته تحمل اسماً يوحى انها دينيه الا ان محتواها نجده مختلف كثيراً عن اسمها فالمدونه تحمل اسم لا اله الا الله الا ان ما بداخلها الكثير من السياسه والاجتماع وان كان الجميع يصب فة بوتقه واحده فى النهايه .....
ومع ذلك فاننا سنترك الرأى النهائى لكم لكى تحكموا عليها بأنفسكم .

المدونه هى :      لا الــه إلا الله


أما المولود الجديد الثانى

 الذى لم يتبين ملامحه بعد فلقد تلقفناه قبل ان يستطيع ان يفعل اى حركه هكذا او هكذا ، ( قفشناه على طول ) اى انه  ( brand new ) لم تقترف يداه الا بوست واحد فقط الا انه ينذر بميلاد مدون ذو جودة خاصه.....

المدونه تحمل اسم اجنبى معناه ملك النجوم    the king of the stars


اما المدونه الثالثه والاخيره 

 فهى لهواة الادب الاجنبى ولهواة التحدث باللغة الانجليزيه فالمدونه من الالف للياء باللغه الانجليزيه (الانجلش يا مرسى) ، اى ( مش لنا يعنى)   :))  -  انا بهرج طبعا .
المدونه اسمها     Eternity    ( الخلود / الابد )

ونتوقع انها تكون طيبه ان شاء الله


نتمنى للزملاء التوفيق والتسديد

ونقول لهم ، اهلا بكم فى عالمكم الجديد ، عالم التدوين ، وشرفتم بيتنا بيت المدونين



ملحوظه :

 لا ننسى ابداً ان ندبسهم فى أولى تدبيسات اهل التدوين الا وهى:  الواجب التدوينى الذى لا مفر منه .

علل ... لاااا لااااا لااا
ايه ده .... مش دى

نقصد

اذكر الاسباب والملابسات التى دعتك لعمل هذه المدونه ، ومن شجعك على هذه الفكره ، وهل انت متأكد انك مش هتندم ندمنا اللى احنا ندمانينه دلوقتى ده ولا لاء   :))  

كما نرجو توضيح خبراتك السابقه مع الكتابه عامة والتدوين خاصه مع ذكر المصادر والمراجع (لا ما تسألنيش مصادر ومراجع ايه ، لانها جات كده وخلاص ، القافيه حكمت) .
 هل لديكم اى اقوال اخرى ؟؟؟؟ !!!  قولوا اعترفوا الانكار مش هينفعكم .....

وعلى فكره اللى مش هيجاوب الاسئله هيتعلق ، وايده هتفضل مرفوعه طول السيزون التدوينى.

ايوه لقد اعظم من انذر ، او انذر من اعظم ، او اعمل من ..... يلاه

والسلام عليكم ورحمة الله وبركاته



 
مع تحيات
فريق عمل بيت المدونين

هناك 13 تعليقًا:

Unknown يقول...

يعني انت كنت السبب في اني اعمل مدونة وكنت السبب في اني اشترك في بيت المدونين ولما فكرت اوقف برده بتدفعني دفع لاني اكمل طيب اما اشوف اخرتها معاك ايه .
شكرا

غير معرف يقول...

مبروووك المدونات الجديدة
نورتم البلوجر

شمس النهار يقول...

الف مبروك

واتمني لهم الاستمرار بنفس النجاح والهمه

وبنبسط لمولد مدونه وبحزن لقفل مدونه وبنزعج من اللي بيهجر مدونته

eng_semsem يقول...

ربنا يوفقهم ونشوف ليهم مواضيع كويسه ويلاقوا اللي كان نفسهم فيه وهما داخلين يفتحوا المدونه

صيدلانيه طالعه نازله يقول...

مبروك للوجوه الجديده كلها
و يارب يفضلوا معانا و تكون ليهم اضافات جميييله

Flutterby يقول...

يا رب :)

Noha Saleh يقول...

الف مبروك للمدونات الجديدة
وان شاء الله نشوف لهم اجمل التدوينات

Flutterby يقول...

علي فكرة الناس اللي خلتني اعمل المدونة .. كلها ما شاء الله موجوده هنا بدون ذكر اساميهم بس كل واحد عارف نفسه ..... كل واحده فيكم :D
مفيش خبرات سابقة علي فكرة غير اني كنت بكتب علي ورق وقررت انقلها للفيس ومن الفيس للمدونة ...

علي فكرة الموضوع ده علي مسئوليتكم .. انا بقولكم اهو ...

ツSmiLeY AnGeLツ يقول...

السلام عليكم
الف مبروك على المدونات الجديده
ويار يكونوا اروع مدونات في عالم التدوين
ونشوف اجمل واحلى واروع الموضوعات فيها
تقبلوا مروري
سلامي لاجمل صحبه.

Ms Venus يقول...

الف مبروووك للمدونات الجديدة


منورين بلوجر وعالم التدويين


ربنا يوفقهم

كلمات من نور يقول...

ربي يكرمكم بالداتا اللي بتمدونا بيها عن المدونين الجدد

Carmen يقول...

اهلا بكم معانا نورتونا وباذن الله نقضي اجمل وقت سوا
تحياتي

ويكا يقول...

يا جماعه
اللى عنده اى خبر عن اى مدون سواء افتتاح مدونه جديده او خبر خاص بيه ليس لصاحبه مانع اننا ننشره ، يبلغنا بيه .

زى ما قلنا احنا هنا فى البيت هدفنا نبقى على تواصل باستمرار و اننا نعمل ربط اكثر واكثر بينا

علشان كده ، كل اللى عنده فكره ممكن تضيف للاتجاه ده ياريت لا يبخل علينا بيها

اما الشباب الجدد معانا دول ، نتمنالهم من قلوبنا انهم يوفقوا ، ويستغلوا المنابر اللى اتفتحتلهم دى لعمل الخير وطاعة الله عز وجل.