اعلان تم الاعلان عنه فى مدونة الزميله نوران الشاملى (بنت خيخه واى كلام )
عن حاله انسانيه وجب التنويه عنها هنا
الاعلان
يوم الجمعة الجاية
الموافق 31 ديسمبر
هايكون فيه تبرع بالدم اضطراري
لحالة طارئة فى اسكندرية
مريضة بالسرطان محتاجة تبرع بالدم
فبالتالى عايزين نروحلها نتبرع بالدم
وناخد شيكات دم باسمها
وهى تصرف الشيكات وتاخد بيهم فصيلة الدم بتاعتها
جوزها مديون للمستشفى بحوالى 30 الف جنيه
يعنى اللى عايز يتبرع بفلوس لجوزها يكون كويس برضه
التجمع هايكون الساعة 10 صباحا
قدام مركز التبرع بالدم بكوم الدكة
هانتبرع باسمها وهناخد شيكات دم من مركز التبرع بالدم
وهما هايغيروا الشيكات دى بفصيلة الدم بتاعتها
ويحولوها على مكان المستشفى اللى هى فيها
مستشفى معهد البحوث الطبية / قسم اورام
الحالة اللى هانتبرع لها
اسمها
نعمة محمد على خليفة
رقم تليفونى بتاع التجمعات
مفتوح طول الاسبوع علشان لو حد من القاهرة
عايز يبعت معايا تبرع مادي لزوج المريضة
0180004374
اللى عايز يبعت حوالة مادية يبعتلى ايميل على
وانا ابعتله البيانات المطلوبة
و لأى استفسار عن المكان
هايكون فيه رقم تليفون
مع دودو عاشقة الرومانسية
وده رقم تليفونها
0193139198
هايكون مفتوح يوم التبرع فقط
من الساعة 9 صباحا
ودودو هى اللى هاتستقبل المتبرعين
محدش يكلمنى يستفسر عن المكان
لانى مش من اسكندرية
***
اليوم هدفه محدد جداااااااا
وهو التبرع بالدم
يعنى اليوم لا يحتمل ان حد يجى علشان عايز يتعرف ويشوفنا
احنا ولا هانقعد مع بعض ندردش ولا هانتفسح بعد كدة
اللى هايروح يبقى عارف انه رايح علشان يتبرع فقط ويروح على بيته
لكن اللى هايجى علشان بس عايز يتعرف علينا ويدردش ويشوفنا
فانا بقول من دلوقتي
خليه فى بيته احسن
ولما نبقى نعمل ان شاء الله لقاء تدوينى
يبقى يشرفنا ويتعرف علينا
***
ملحوظة
اللى مش هايقدر يجى علشان يتبرع بالدم
يبقى يروح المنصورة لان يوم الجمعة الجاية
فيه لقاء خيري فى المنصورة
وانا بعتذر جدا لاصحاب دعوة المنصورة
على ان يوم التبرع بالدم هو نفس اليوم بتاع لقائهم الخيري
بس احنا كنا مضطرين نعمله الاسبوع الجاي
لان دى حالة لا تحتمل التأخير
****
بس خلاص
اشوفكم على خير ان شاء الله
انتهى
بت خيخة واى كلام
هناك 6 تعليقات:
لا حول ولا قوة الا بالله
اللهم اشفيه واعف عنه يا ارحم الرحمين
اللهم امين
ربنا يشفى كل مريض يارب
ربنا يعافي كل مريض ويقويكم على فعل الخير
ربنا يشفى
كل مريض
كان نفسى اروح بس الشهر مدمر معايا
ربنا معاهم
ربنا يشفيها
ويشفي كل مريض
جزاكم الله الف خير
سلامي ليكم.
ربنايشفى كل مريض
و يارب تكون السنة الجاية سعيدة على كل الناس
و ربنا معاكوا على فعل الخير
إرسال تعليق