حداد و عزاء





بكل قلب يملأه الاسى والحزن على ما يحدث فى الوطن من اطلاق ايدى العابثين من الداخل والخارج .........
بكل قلب يملأه فراق وطن ...... يريد ان يخرج من القلوب بأشلاء الاوردة والشرايين ليجتثها من ارضه .....
بكل ما تحملها عبرات الالم على مستقبل وطن ....
يتوجه بيت المدونين وكل مدونين مصر والعرب مسلمين  ومسيحين بعزائهم الخالص على وطن ادماه الاعداء من الخارج بأيدى الابناء من الداخل ......... واب وصي فاسد


لا نعلم على اى شئ نرفع رايات الحداد  من كل تلك الاشياء ...... ارهاب شرطة  ام ارهاب ساسة  ام  ارهاب اعداء ........
وطن استباحت فيه الحكومة دماء ابنائه وقدمتها فى الداخل والخارج لاعدائنا قرباناً .........
لا لن نستسلم يا بلادى ............. وسنقدم ارواحنا الفداء ...............
سنرفع الراية السوداء ..............
وسنقول لكم يا اعداء بلادى ...... نعلم انه لا مسلم ولا مسيحى ولا حتى يهودى عاش على ارض هذا الوطن سينكس العلم ......
فكلنا نعلم اننا لن نقتل من بيننا ابرياء .......
نحن اهل وطن ولسنا  دخلاء .......
سنفتحها عليكم فى الخارج لا فى الداخل حملة شعواء .........

هناك 16 تعليقًا:

richardCatheart يقول...

ضربه موت جديده فى مقتل بناخدها ونمسح دمنا فى بعض

يارب يارب نفوق بقى يارب

الحــب الجميـــل يقول...

حسبى الله ونعم الوكيل
حسبى الله ونعم الوكيل
حسبى الله ونعم الوكيل

واحد من الناس يقول...

انا لله وانا اليه راجعون

ويكا يقول...

الموضوع فعلا مالوش علاقه بالديانه نهائى ، ومالوش علاقه بمسلمين ولا مسيحيين ، انا ممكن ببساطه شديده اقتنع ان اللى عملوا ده (يكونو من الاتنين مسلمين ومسيحيين ، باعو دينهم ووطنهم ، بالبخس من الفلوس ) ، زى ما فيه جاسوس مسيحى وجاسوس مسلم ، والاتنين بيخونوا البلد للاستخبارات الخارجيه لنقل معلومات ، فيه دلوقتى اللى بينفذوا عمليات
برده .

لو تلاحظوا اننا عمرنا ما سالنا عن ديانة اى جاسوس مسكوه قبل كده ، بالكتير اوى لو اهتمينا بنهتم بجنسيته وجنسه بس.
لاننا طول عمرنا عارفين ان البلد بتاعتنا كلنا ، فاللى بيخون بيخون الكل ما بيخونشى طرف واحد ، فمش بناخدها بحساسيه ونسال عن ديانته.

اتمنى اننا نهزمهم ونخيب املهم

Magdy Hatem يقول...

سلمتي يا مصر من كل يد اثيمة
سلمتي يا مصر وبقيتي يدا واحدة
سلمتي يا مصر ووقفتي لكل عابث
سلمتي يا مصر وكنتي للعدون سيفا
يدا واحدة نبقي مسلمين ومسيحين نحافظ علي مصرنا الحبيبة فما حصل بعيد عن الاسلام ولا يمت له بأي صلة من قريب او بعيد
فكيف وتحيتنا هي السلام وديننا هو الاسلام ان يخرج منا ما يفعل هذا
الاسلام برئ من افعال هؤلاء
سلمتي يا مصر من كل شر واذي

sony2000 يقول...

طب وبعدين؟
شكلها مش هتكن اول مره
بجد خايفه
يارررريت ياخدوا بالهم
السنادي الاستفتاء
علي تقسيم السودان جزء مسلم
جزء مسيحي
واحنا وراهم
خلوا بالكواااااااااااا
اللهم بلغت
اللهم فأشهد

مها البنا يقول...

حسبى الله ونعم الوكيل

مهما عملوا هتفضل مصر متوحده ، دم واحد وجنسيه واحده

كلنا مصريين

أما عن الحداد

فله العديد من الأسباب

حسبى الله ونعم الوكيل

لـــولا وزهـــراء يقول...

حسبي الله ونعم الوكيل ...عزائنا لاهل الضحايا المصريين
لولا

محمد التركى يقول...

حسبى الله ونعم الوكيل
حسبى الله ونعم الوكيل
من كل ظالم
من كل مفترى
ولا يعرف اسلام ولا مسيحيه ولا اى دين
ذنبهم ايه الابرياء
هما فكرين مصر ايه
العراق
لبنان
لالالالا
استرها يارب علينا
احمى مصر يارب
انا خسرت اعز اصحابى
لسه كنت مكلمه وبقوله عيد طيب عليكم وعلينا
دقايق واسمعه خبره
ليييييييييييه
يرضى مين بس

انا مش عارف اقول ايه
سامحونى على كلامى
منهم لله
منهم لله
يارب فوضنا امرنا ليك
يارب
ياااااااارب

حلم يقول...

حسبنا الله ونعم الوكيل
قلوبنا مع اهل الضحايا
مصر والمصريون اقوى من هذه الازمات
واليد التي احبت ان تزرع الفتنة بين المسلمين والمسيحيين لن تنجح ابدا

الحسينى يقول...

قال رسول الله صلى الله عليه وسلم
منآذى ذمياً فقد آذاني
صدق رسول الله صلى الله عليه وسلم

ألمــــــــــس قلـــــــــــــبى يقول...

ربنـــــــــــا موجــــــــود
يارب فوضنا امرنا ليك
يارب
ياااااااارب

أم هريرة (lolocat) يقول...

السلام عليكم ورحمة الله

انا لله وانا اليه راجعون

حسبنا الله ونعم الوكيل

فليحفظنا الله من اللى حاى

محمود(باحث عن حب) يقول...

حسبى الله ونعم الوكيل
حسبى الله ونعم الوكيل

Ahmed Helmy يقول...

إصحوا و فوقوا يا مصريين
عمر الكره ما كان من الدين

طول عمرنا كنا عايشين
مسيحي مسلم بهائيين

و ماحدش قال مش عايزين
و لا كان فيه كره و حاقدين

ليه القتل و ليه الدم ما هو ده دم المصريين
و ليه بدل ما يعم الفرح يبقى حقيقي القلب حزين

ليه الكل مش آمنين
و على حياتهم كده خايفين

ضرب و قتل و عنف مشين
و كأننا مش مصريين

و كل ده حاصل باسم الدين
بقه بالذمة دي ناس عاقلين

خلينا نرجع مصريين
متحابين متسامحين

خلينا دايماً متعاونين
و على الحب متعاهدين

خلينا نبني يا مصريين
و ما يبقاش كده حد حزين

و ساعتها رب العالمين
يرضى علينا قولوا آمين

جايدا العزيزي يقول...

خالص عزائنا للاخوة المسيحيين
وبنقولهم ربنا يرحم امواتنا جميعا