الثلاثاء، 18 يناير 2011

مـــــــــــارو فى المضيفه و علامــــات إستفهـــــام ؟؟؟ ...




الأسئلــــــــــــــه

المجموعه الأولـــــــــــــى (اختيارى)

اجب عن ما يقل عن 16 سؤالا من الاسئله الاتيه :
ههههههههههههههههه
 (16 سؤال فى المجموعه الاولى بس  !!! )  دا لو امتحان ثانويه عامه مش مكمل الامتحان وهسيبه
وان شالله ما نجحت ، بلا نيله مهى اخرتها الشارع برده او القهوه على انضف الاحتمالات

أسئله شخصيــــه

1.   الأسم ؟

2.   اللقب وسببه

3.   الســــــــــن ؟

4.       خريجة إيه  ؟ وإيه المواد اللي كنتى بتحبيها ؟

5.       ما هى  اكتر حاجة بتزعجك  ، وما هى أكتر حاجة بتبسطك ؟

6.       ما هو أكتر موقف بكيتى فيه من قلبك و ما هو أكتر موقف ضحكت فيه من قلبك ؟

7.       ما هى الصداقه من وجهه نظرك ؟

8.       هل تثقى فى صداقة النت ؟

9.       من هم أصدقائك المفضلين  ؟

10.   من هم أغلى الناس فى حياتك ؟

11.   إذا طعنك صديق قى ظهرك ....  ماذا ستفعلى ؟

12.   ما هى أحلامك للغد (بتحلمى بإيه )؟

13.   ماهو اللون المفضل لديكى ؟

14.   ماذا تعنى كلمة الأُمومه بالنسبه لكِ ؟

15.   من هو أكثر إنسان حزن قلبك على فراقه ؟

16.   ما هى أكتر أكله بتحبيها ؟ وهل تجيدين الطبخ ؟

17.   ما هو أصعب موقف قبلك فى حياتك ؟

18.   ما هى بداية حكايتك مع القطط ومدى حبك ليهم ؟

19.   أخبار الحاج ريتشارد إيه ؟

ريســـــت



المجموعه الثانيــــه

أسئلة تتعلق بالتدويــــن
 (هذه المجموعه الاسئله فيها كلها اجباريه ولا يحق للضيف الا يجاوب على ائ سؤال والا
هنسقطه وهنلبسه تهمة التحريض على ثورة تونس )

وتخيلى بقى لما تكونى فى مصر والمسئولين يسمعوا ان انتى اللى حرضت على ثورة تونس
هتبقى مسخره والله

الاسئله
1.      سر خفة دمك هل هي وراثة فنحيلك لأساتذة الوراثة يدرِسوكي ويستخلصوا خفة دمك كبسولات وعلى راي (طير انت ) لازم ماما نحلة كبيرة ، ولا خفة دمك نتيجة لنظرية فلسفية في الحياة الدنيا فنعرفها ونلتزمها ....
وما رد فعل مستر ريتشارد على خفة دمك
هل يتجاوب معها بخفة دم مماثلة ولا ظروفه ايه بالصلى ع النبي؟


2.      قالت له كلمنى عن الموت ترى ماذا ستكون اجابتك قالت له كلمنى عن اليأس فماذا ستكون اجابتك قالت له كلمنى عن الحزن قالت كلمنى عن الفشل قالت كلمنى عن الالم قالت كلمنى عن السراب قالت له كلمنى عن البلاء قالت له كلمنى عن الندم قالت له كلمنى عن الدموع قالت له كلمنى عن المرض قالت له كلمنى عن نفسك فياترى يا قلب قطة ماذا ستكون اجابتك ؟

3.      ما هى أكتر حاجه خلتك لجئتى للتدوين ؟

1.      4-هل أنتِ كنت مخططة تعرفينا الأول وبعدين تعملى مدونة ولا فكرة المدونة جاتلك ازاى ؟ 

4.      هل تستخدمين التدوين كترفيه و متعه ومكان لتجمع الأصدقاء الحلوين أم أنه رسالة يجب عليك توصيلها إلى الناس أم أنه طموح ما فى خيالك ؟

5.      لماذا تشعرين بالسعاده عندما تقرأين تعليقات بعض أصدقاءك رغم أنك تدركين تماما أنها من باب المجاملات فقط يعنى تجاملينى فى فرحى اجاملك فى فرحك وعادة معظم المدونات كده؟

6.      متى تتخذين القرار بالتوقف عن التدوين ؟ وما السبب؟

7.      لماذا لم تسجلى  الخواطر و الشعر بصوتك خاصه انى سمعتك وانتى بتقوليه كنتى ؟

8.      يا ترى  أول قصيدة كتبتيها كانت ايه و لمين؟

9.      ما هو رأيك فى جايدا العزيزى كمدونه ؟




بالتوفيق يا مارو
ربنا معاااااكى

أنتظروا إجابات قلب القطه 

 البوست الجاى إن شاء الله 

ربنا يستر وما يبقاش فيه ملاحق
حاكم أنا عارفها منيله طول عمرها ومفيش سنه تعدى إلا بتلات  اربع ملاحق
غلبنا فيها
نديها دروس مش نافع نديها براشيم (غش مش اللى فى نيتكم ) فى الامتحان مش نافع
نخلى أم اللمبى تلف على اللجنه بعربيه وتغششها فى ميكروفون برده مش نافع
عموماً ربنا يستر

ملحوظه

  مش هننشر دلوقتى التعليقات بتاعت البوست اللى فات علشان ما تعرفشى مين سائل إيه
 علشان الإجابات ما يبقاش فيها دبلوماسيه

ولا يبقى لها علاقة بصاحب السؤال





فريق عمل بيت المدونيين

هناك 10 تعليقات:

غير معرف يقول...

مارو مارو
ربنا معاكى
يارب
قلبى معاكى ياوختى
هههههههه
شوية اسئله فى الجون اهم اقعدوا اتسلى كدا فيهم
ههههههههههه

بس ملحوظه صغنونه كدا
لو محبتيش تجاوبى ثلاث اسئله من المجموعه الاولى الاختيارى اللى فى اول مجموعه متجوبيش واكتبى ادام السؤال pass
يعنى ليكى الحق انك متجاوبيش على 3 اسئله
فهمتى حاجه ؟؟
ولا أنا
اسيبك بقا
واحب اقولك من موكعى هذا
بالتوفيق
تصبحى على خير

من كل بستان زهرة يقول...

يانهار ابيض
انتوا بتسألوها ولا بتعذبوها؟؟؟؟؟؟؟؟؟؟؟
ربنا معاكي يا قطقوطه
وتنجحي بتقدير كمان

richardCatheart يقول...

ههههههههههههههه ماشى يايمو انا جاوبت عليهم كلهم علشان تعرفى انى مذاكره هههههههههههه


فلورا
شوفتى ياختى ابو غريب اللى انا فيه ههههههههههه

ربنا يخليكى ليا

لــــ زهــــــراء ــــولا يقول...

مارووووووووووو
بالتوفيق يارب

ياترى عرفتى سؤالى هو شبهى اوى ههههههههههه

ربنا معاكى وفى انتظار الاجوبه

زهراء

eng_semsem يقول...

الله يقويها ده امتحان ده لو جاوبت عليه تستهل اوسكار المدونات
منتظرين الاجابه

Ms Venus يقول...

يلا يا مارو عاوزين امتياااز مع مرتبة الشرف التدوينية البلوجرية

محب روفائيل يقول...

دى أسئلة طحن

الله يكون فى عونها :)

بجد صعبانة عليا :)

Carmen يقول...

انا عندي مشكلة
الكلام عندي بيظهر حروف منفصلة عن بعضها ماعرفش ليه كده ومش عارفة اتابعكو خالص:(

ويكا يقول...

احنا بننشر التعليقات اللى مفيهاش اسئله واللى فيها اسئله هنبقى ننشرها بعد نشر اجابات مارو ان شاء الله

ويكا يقول...

محمود باحث عن حب

محموووووود ، انشر السؤال ده ولا بلااااااش ؟؟
انا خايف لا تنضرب بصراحه

انت شكلك مش عارف انت بتلعب مع ميييينن

ههههههههه

بلغنى الله يكرمك لانى مشفق عليك