الجمعة، 29 أبريل 2011

مدون تحت المجهر........... شريف صابر

 

مع سلسلة حلقات  

مدون تحت المجهر 

سنعطى مساحه للمدونين للحديث عن انفسهم وقصتهم مع التدوين بشكل شخصى سردى دون توجيه اى اسئله منا لهم 

وذلك سيكون من خلال ارسالكم الينا ما تحبون نشرها عنكم 

وهذا سيكون مختلف عن حلقاتنا المستمره ان شاء الله 

"فى مضيفة بيت المدونين "

فهذا نوع اخر من افكارنا الجديده ان شاء الله 

والتى تخدم ايضاً نفس الفكره 

التى تتيح كثير من التعارف وكثير من التقارب 

بين المدونين بعضهم ببعض

وسنبدأ مع اول رساله اتت الينا فى هذه الفكره

 

رساله من مدونة  الحياه ... شريف صابـر

 

بدايتى مع التدوين

السلام عليكم ورحمه الله  مساء او صباح الورد عليكم كما تقول رحاب صالح
 فى بدايه حوارى احب اشكر صديقى عمرو يسرى صاحب مدونات خواطر وفضفضه  لانه هو السبب الرئيسى فى انى اصبحت من المدونين.

فى البدايه كنت بتابع مدونه صديقى عمرو يسرى على الفيس (خواطر) ولم اهتم بعمل مدونه مثله لانى بصراحه مكنش عندى شى اكتبه.

ولكن اثناء الثوره التى تاثرنا بها جميعا اصبح هناك هدف اكتب من اجله استفذنى وقتها الاحداث والاعلام المصرى الكاذب والفناين المؤيدين لمبارك الذين لم يحسوا باوجاع المواطن المصرى وقررت انى اعمل المدونه افضفض فيها معاكم واناقش قضايا بلدى وكمان شويه خواطر ورومانسيات وبجد مندمتش لحظه انى عملت المدونه.


بعد كده اشكر امل عبد الحميد شاهين صاحبه مدونه مصر حره

لانها من الاشخاص الذين رفعوا من معنوياتى فى بدايه مرحله التدوين وفى الوقت اللى كان عدد المتابعين ليا 4 فقط

هم طبعا انا وعمرو وامل ورشا (خواطرى مع الحياه)

وطبعا وقتها مكنتش ليا نفس اكتب والمتابعين كده

بعدها شجعنى عمرو وامل شاهين على الكتابه

بعد التشجيع ده قررت احترم هؤلاء المتابعين حتى لو كانوا قلائل.

بدايتى الحقيقه كانت بعد ثوره 25 ينايرعندما كتبت خاطره عن شباب 25 يناير بعنوان تحيا شباب خمسه وعشرين

 

 
بعدها اتعلقت بالموضوع وعرفت المدونين واتعلقت بيهم واحسست انهم اهلى لدرجه انى كل ما اقابل عمرو نتكلم عن المدونين

والحوار يطول مهما يطول لايمل احد منا

تحدثت عنكم ايها المدونون وكانى اعرفكم عن قرب

كنا نتحدث عن مدام جايدا والمدونه الخاصه بها( قد ايه رائعه ) وعلمت ايضا من عمرو ان زوجها مدون هو كمان(عقبال الاولاد يا مدام جايدا) 

وكل سنه وانتى طيبه بمناسبه عيد ميلادك

تحدثنا عن رشا (خواطرى مع الحياه)اللى باذن الله بلدها هتتحرر قريب

-تحدثنا عن امل عبد الحميد شاهين ربنا يرجعها بالسلامه وتذكرنا حوارت الاخوان مع امل والاستاذ نور الدين فى جروب المدونين

-تحدثنا عن كيمو صاحب مدونه صوت من مصر وبالرغم من وجود تحفظات على كيموالا ان عمرو شكر فيه جدا وقالى انه بجد قلبه طيب وهتحبه اول ماتشوفه 

-تحدثنا عن رحاب صالح وغاده محسن وسونى وايمان الحب الجميل ورامى اللى عمرو بيقول انه من اكتر الناس اللى حبهم

ربنا يديم المحبه بينا ان شاء الله

سلامى وتحياتى للجميع

هناك 39 تعليقًا:

BNT ELISLAM يقول...

فكره جميله جدا وحديث استمتعت بيه واكنى لم اقراءه بل اسمعه جيدا

ربنا يدوم المحبه يارب بين الجميع وتكون من افضل المدونين

Mahmoud Ahmed يقول...

يا اهــــلا بيك في عالم المدونين
^_^
و دخلوك للتدوين مرتبط بأغلي حدث لينا
عشان كده هتبقي من الناس الغاليه
^_^

غير معرف يقول...

اهلا بيك يا شريف
منور التدوين والبلوجر
ودايما يارب بالتوفيق

شريف صابر يقول...

السلام على احلى مدونين
طبعا فى البدايه احب اقدم الشكر للاخت ايمان الحب الجميل على اهتمامها
وبجد انا فى غايه السعاده لان البوست بتاعى دعم فكره جديده وان شاء الله يكون دعم لك المدونين الجدد
البوست ده بجد طالع من القلب
واكيد اللى طالع من القلب هيوصل للقلب
اتمنى منكم زياده دعمى بالدخول المدونه وعمل متابعه لها
لا اريد التطويل عليكم
ويارب يديم المحبه بينا
تحياتى لكم جميعا

Unknown يقول...

السلام عليكم ورحمة الله وبركاته
نشكر بيت المدونين على الفكرة الطيبة
ومرحباً بالأخ الكريم : شريف صابر
وسعدنا بالتعرف على بدايتك مع التدوين
وشرفنا بتواجدك بيننا وندعو الله لك بمزيد من النجاح والتألق....
وتقبل تقديرى واحترامى
بارك الله فيك وأعزك

جايدا العزيزي يقول...

منووووووووووووور بيت المدونين شريف

اسمى موووووووووووووووجود طيب

بالتوفيق شريف انت تستاهل كل خير

تحياتى

حمدى جعوان يقول...

فكرة ممتازه ومنور فعلا والله ياشريف
ربنا يكرمك ويوفقك

عمرو يسرى يقول...

شريف صابر
شكرا لك على كلامك الجميل
مش عارف اقول ايه كنت هعلق على البوست دا عندك فى مدونتك لكن دائما لم اجد كلمات اقولها
شكرا لشكرك ليا واعطائى اكثر مما استحق
شكرا

شريف صابر يقول...

استاذ محمد الجرايحى
مدام جايدا
حمدى جعوان
ربنا يخليكوا وشكرا على الكلام الرائع
عمرو يسرى
دا اقل واجب يا عمرو وشكرا ليك بجد لانك عرفتنى ناس حلوه زى المدونين وادخلتنى عالم جديد
تحياتى للجميع

ويكا يقول...

شريف

نتمنى لك دور مهم ان شاء الله والتوفيق والسداد

واهلا بك معنا فى بيت المدونين

sony2000 يقول...

اتشهرت ياعممم
ربنا يسهلووووووو

شريف صابر يقول...

ويكا
ربنا يوفقنا جميعا ونقدم كل جديد
واشكرك اخى وبارك اله فيك
تحياتى

شريف صابر يقول...

سونى
من اولها كده نق ههههههه
على العموم يا ستى لسا بدرى على الشهره واكيد لما انزل البوست ده هنا دى هتكون اول خطوه للشهره
كمان لزياده التقارب مع المدونين
ربنا يوفقك انتى كمان يا سونى

الازهرى يقول...

أخييييييييييييييييرا
عمرو عمل حاجة صح فى حياته
إن شاء الله ما تكونش آخر لمسةمنه

أهلا بيك فى العالم الغريب بتاع التدوين وربنا يجعلك من حسناته

أما كيمو فهو طيب فعلا
بس هو صوت من مصر محتاجين نسكته
ولو نجحنا يبقى الثورةنجحت

تحياتى دايما
**********
نصيحة
احترس من نق سونى بيبهدل واسأل مجرب

Unknown يقول...

الاخ شريف
الموضوع جميل جدا وفعلا بدأت تكون ناشط في عالم التدوين
ان شاء الله عبعتلك قصتي اروق بس كدة واكتبها وابعتهالك
تحيات لك

sony2000 يقول...

ملكشي دعوا يااسامه

شريف صابر يقول...

الازهرى
عمرو حد يتساهل بجد
وكيمو اكيد طيب ومن كلام عمرو عنه حست كده بس تحفظى كان على بوست ليه
بالنسبه لسونى متقلقش انا عندى حصانه ضد النق
تحياتى ليك

رحاب صالح يقول...

فكرة حلوة كتير
بيتهيء لي انها هتخلينا نعرف بعض أكتر
سعيدة بمعرفتك يا شريف
وبرضه زي ما قلت لك ع الفيس انت اخويا الصغير
واعرف عمرو يسري من خلال المدونة وان شاء الله لو في لقاء مدونين قريب نتقابل كلنا واعرفكم اكتر
تحياتي

شريف صابر يقول...

استاذ على
شكرا على مشاركتك وكلامك الرائع
منتظر قصتك والى اظن انها عن بدايتك مع التدوين اعتقد انك ممكن تنشرها هنا فى بيت الدونين هيكون افضل ليك علشان انا اشوفها والكل يشوفها
تحياتى وربنا يوفقك

شريف صابر يقول...

سونى
استاذ اسامه بيهز بس نصيحته ليا طلع معاه حق فيها كنت منتظر تعليفات اكتر من كده خاصه اللى متابعين ليا اللى ذكرتهم فى جروب مدونين على الفيس

شريف صابر يقول...

رحاب صالح
باذن الله هنتشرف بمعرفتك قريب يارحاب وصدقينى انا حاسس بجد انى اعرفك واعرف المدونين عن قرب
ربنا يديم المحبه اللى بينا
سعيد جدا بمشاركتك
تحياتى ليكى وبالتوفيق باذن الله

الازهرى يقول...

شريف

هى دى نقط خلافنا مع كيمو لسانة الفالت فى الكتابة


سونى
وشهد شاهد من أهلها
الراجل لسه جديد وغلبان خليه على قده
وبطلوا نق عليه يا جمعية خراب

مونتي بوكيه ورد يقول...

صباح الورد عليك و علي كل المدونين الحلوين .. بصراحه لاقيت الفكره جلوه و مشاركات جميله من كل ال بحبهم .. وقلت لازم اكون معاكم و كلنا نحس بالترابط الاسري للمدونين .. لان التدوين طابع خاص وحدث مختلف مبيدخلوش الا الراقيين .. في انتظار كل حكايات المدونين .. ربنا يوفقكم

محمد بركات يقول...

بالتوفيق يا شريف ان شاء الله واهلا بيك في عالم التدوين وقريبا بإذن الله هتصبح من اشهر المدونين

تقبل مروري
محمد بركات

كريمة سندي يقول...

فكرة طيبة جدا سعدت بالتعرف عليكم

شريف صابر يقول...

مونتي بوكيه ورد
شكرا لمشاركتك
وانا سعيد جدا انى متواصل معاكم وبرد عليكم فى بيتى (بيت المدونين)
وان شاء الله يوفق الجميع

شريف صابر يقول...

محمد بركات ( ورقه وقلم)
شكرا يا محمد انك شاركتينى اول بوست ليا فى بيت المدونين وباذن الله انا وانت وحباينا نكوم مشهورين
تحياتى وبالتوفيق

شريف صابر يقول...

كريمة سندي
انا بجد سعيد ان البوست بتاعى دعم فكره جديده تفيد كل المدونين اللى لسا فى بدايه المرحله
كمان انا سعيد انى متواصل معاكم وبرد على تعيلقاتكم
وبالتوفيق للجميع

شريف صابر يقول...

الاخت ايمان وويكا
اشكركم بجد على اهتمامكم وقبولكم برسالتى عن التدوين ويارب يجعله فى ميزان حسانتكم
انا عايز اكون متواصل معاكم اكتر وعضو نشط
ياريت تنزلو لينك مدونتى فى الجانب الايمن الخاص بالمدونات
ثانيا ان تاريخ ميلادى 7-7- 1987
اتمنى انه يوضع ايضا فى الجانب المخصص له
تحياتى ليكم بجد وبشكركم
اووووووووووى
شريف صابر

لــــ زهــــــراء ــــولا يقول...

هلاااااااا وسهلا فيك يا شريف في عالم التدوين ربنا يكتر حبايبك واصدقاءك
وان شاء الله تفيد وتستفيد

(:

لولا

بيت المدونين يقول...

شريف صابر

تم يا فندم المدونه نزلت فى الريدار
وتاريخ الميلاد كمان
ونورت كتير بيت المدونين اللى هو بيتنا كلنا والبلوجر
وان شاء الله فى تواصل مستمر

شريف صابر يقول...

لولا
بشكرك جدا على الكلام الحلو ده
تحياتى

شريف صابر يقول...

بيت المدونين
بشكركم جدا خاصه ويكا وايمان الحب الجميل المسئولين عن بيت المدونين
وايضا يسعدنى التواصل معكم دائما
شكرا جزيلا

mrmr يقول...

اهلا بيك يا شريف وسطينا
البلوجر كله منور بيك
بدايه موفقه باذن الله
ربنا يديم المحبه بين المدونين
تحياتى

شريف صابر يقول...

مرمر
انا دلوقتى مش زعلان منك
وشكرا ليكى ويارب يديم المحبه اللى بينا
تحياتى ليكى وبالتوفيق باذن الله

كلمات من نور يقول...

أهلا بك يا شريف في عالم التدوين وسط مدونين ومدونات بيجمعهم كل خير إن شاء الله

شريف صابر يقول...

كلمات من نور اكيد هيجمعنى كل خير بين المدونين خاصه المدونات البنانيت هههههه
انا اصلا ناوى اتجوز مدونه
شكرا على مشاركتك

رشيد أمديون يقول...

السلام عليكم

أهلا بك أخي الكريم
أتمنى أن يكون التواصل مثمرا.

غير معرف يقول...

القهوة رمز العروبة ومشروبنا الساحر اللذيذ، كنت أتصفح كي أعرف فوائد واضرار القهوة العربية ووجدت هذا الموقع الرائع عن [url=http://al-qahwa.com]القهوة[/url]