السبت، 7 مايو، 2011

كل سنة وإنتى طيبه يا بنت الإسلام



هو قلمى يكتب ما يريد ,, يعبر عن رأي ,, وضعت له خطوطاً حمراء لا يتجاوزها
ليس لأي كان سلطه عليه ,, ليس المهم أن يرضى الناس ,, الاهم أن يرضى ضميرى .

كلام من مدونة



كل سنه وأنتِ طيبه يا هدير
عيد ميلاد سعيد

ربنا يحقق لك كل اللى تتمنيه ودايما مبسوطه وفرحانه
والسنه دى تحققى كل اللى نفسك فيه

وبصراحه ملقتش كلام أجمل ولا أرق يوم عيد ميلادك
غير كلامك ....... جبناه هنا عشان كلنا نحتفل بيكى معانا ووسطينا





السلام عليكم ورحمه الله وبركاته احلى صباح واحلى مسى لاجمل ناس واجدع ناس كويسه




 وحشتونى كتير كتير كتير
 خلونى ابداء انهارده بانى احمدربنا
اللهم لك احمد كماينبغى لجلال وجهك وعظيم سلطانك




اكيد انتم سمعتوا الاشعه اللى انا سمعتها وهى
انهم بيقولو بيقول ونا مليش دعوه انانهارده عيد ميلادى
 واحلى عيد ميلاد لانكم معايا والله
 حبيت انهارده اكون معاكم انتم وبس
 وسط الناس الى بحبها
 قبل ماكلكم التورته واشربكم الساقع وننفخ البلالين ونهيص وكده
 انا بقول ان انهارده يوم فاصل فى حياتى
 بجد اللهم لك الحمد تميت 20 سنه
الله اكبرفى عين الحسود الله اكبر صلو على نبى كده
 يوم فاصل عدى فى حياتى عشرين سنه خلاص كبرت وعجزت ياجماعه وزعلانه جدا انى كبرت
كانى نفسى ارجع طفله مش اكبر
انا مشتاقه افتكر معاكم حاجات كده
فى عشرين سنه ولو بنظره سريع اوى اوى اوى
 بيمر شريط قدامى عينى  وافتكر مواقف كل موقف وموقف ؤدام عينى  فى عيد ميلاد يخلينى اقول انا كنت مفتريه جدا جدا  اولهم بعد مادخلت الابتدائى اول عيد ميلاد اتزكره فى تانيه ابتدائى ماما قالتى انهارده هعملك عيد ميلاد اعزمى صحباتك وكده على اساس انهم خمسه سته اماا انا مش هنسى الموقف ده
 طبعا وقفت فى الفصل وعزمت تقريبا 20  بنت وزمايلى الاولاد
  وجه بليل وكل مانيجىنقعد وخلاص هنطفى الشمع ماما تلاقى جرس الباب بيرن
ايوه ياطنط انا صاحبه هدير
  والبيت بقى مدرسه وكل بنت جايبه اختها كبيره وماما  اتقلبت الشغلانه من انها منظمه الحفله  الى انها قاعده على الباب بتستقبل اصحابى
 وطبعا مش عاوزه اقولك انا فى نهايه اليوم اتعمل فى ايه؟
 اتذكر برده عيد ميلاد ليه
كنت فى رابعه ابتدائى وجيت احتفل بيه ولسه هطفى الشمع سمعت صوت صويت جامد جدا اومى تفتح الباب وتطمن فى ايه نعرف ان جارتى الى تحت توفت
 ومن يوميها حرمت احتفل بعيد ميلادى




لحد يومنا هذا الى ان شعرت امبارح بشعور جميل واصحابى من على نت اول ناس افتكرونى وفكرونى بعيد ميلادى


 السنه دى انا بقول عليها فاصل لان السنه 19 من حياتى مريت بيها بالوحش والحلو ولكن اللهم لك الحمد حقا كان خاتمها مسك   وربنا اراد بجد انه يفرح قلبى فى اخرها الحمدلله
 بس اتعلمت فيها حاجات كتير اتعلمت ان مش كل ناس زى بعض مش كل حد هياخد حب ومعامله كويسه ده هيكون رد فعله الحب بس اتاكدت ان معاقبه هذا الشخص  انى افضل اتعامل كويس واكون احسن من كل
 اتاكدت بجد ان  كلمه صديق او صديقه كبيره اوى مش لازم اديها لا ى حد وحق اصحابى عليه انى اكرمهم بيها عن اى حد اخر
 احب انهى كلامى بانحنائى لابويه واومى
 هما الى وصلونى لكدا بنوته عندها عشرين سنه بتعرف تتعامل مع البشر بطريقه شبهما كويسه
 اصحابى اسفه على اى تعب تعبتكم فيه معايا واى شىء سبتهلكم من اذى
 ارفع الشابوه زى بيقولوا لشخص كده مع انه اقل ان يكو ن ان يذكر هنا
 اخواتى واحلى اخوات المدونين  بجد احلىصحبه انى فى ناس مشوفنهاش ولا نعرفها كشكل بتخاف علينا اوى وبتحبنا اوى بتبقى معانا فرحنا وفى حزنا فتحياتى لهم




 فاضل شخص واحد مش هقول حاجه عنه بس هقول نفسى بجد وهسكت......................

 نجيب بقى التورته  وكل واحد ياخد حته واحده بس






 دى الاساس ومعانا كمان واحده احتياطى  

 كل واحد يمد ايده ويقول بسمله وبعد التورته ايه اكيد طبعا هتكون شبعته مين قال لسه

 ماشى نقدم بقى الساقع كل واحد واحده بس والشرب هنا مش فى البيت





 محدش يسالنى فين الاكل   تورته وجبت  ساقع وشربنا ال ماشوفت حد رقعلى رزغوته
 هسيبكم بقى تشهيصوا وتهيصوا ونا انفرد بتورته العشرين سنه لانى جعانه جدا

قبل مامشى اتمنى انى عمر الى جاى بعد عشرين سنه اذا اتكتبلى انى اعيشهم اكون حققت حاجه كويسه بجد يوم ماامشى من الحياه تبقى موجودالى   وبجد الحمدلله ان ربنا مدينى الصحه والستر والعقل عن كتير غيرى مريض وتعبان ومعاق فاللهم لك الحمد كما ينبغى لجلال وجهك وعظيم سلطانكياااااااااااااااااااااااااااااااااااه عشرين سنه عدوا سبونى بقى مع نفسى  شويه واسيبكم تصلوا على نبى




هدية بيت المدونين

هناك 10 تعليقات:

لـــولا وزهـــراء يقول...

كل سنة والقمراية بخير وسعادة وحب
هابي بيرث داي تو يو
هابي بيرث داي تو يو
هابي بيرث داي تو يو بنوتة هابي بيرث داي تو يو
عقبال مليون سنة مش 20 بس

حمدى جعوان يقول...

كل سنه وانتى طيبه وادعو الله ان يجعل ايامك كلها اعياد

:)

خواطري مع الحياة يقول...

كل سنه والقمر بالف خير
ويارب تكون اجمل سنه عليك ^_^

Carmen يقول...

كل سنة وانت طيبة ياحبيبتي
وعقبال مليون سنة

مصطفى سيف يقول...

كل سنة وانتي بنت الاسلام
كل سنة وانتي معانا
كل سنة وانتي بخير وعقبال 100 سنة

كريمة سندي يقول...

كل سنة وأنتم طيبين يارب

وأرجوا إضافة مدونتي لديكم وشكرا

محمود(باحث عن حب) يقول...

كل سنه وانتى طيوبه
يا هدير
يارب
يحقق ليكى
لكل ما تتمنى
من خير

BNT ELISLAM يقول...

بجد
فرحانه كتير بوجودى هنا معاكم
بجد مرسى كتير لفريق بيت المدونين وعلى راسهمالحب الجميل ولكل الناس الجميله الى هنا


ويارب يديكم طوله العمر فى رضا الرحمن ويفرح قلب كل واحد فيكم ويحققله الى بيتمناه تحياتى للجميع

ويكا يقول...

كل سنه وانتى بخير وصحه وطاعه


كل سنه وانتى طيبه

قوس قزح يقول...

ياريت المسئولين عن البلوج يشاركوا معنا فى الاعلان عن بؤجة الخير
جزاكم الله خير

http://kouskoza7.blogspot.com/2011/05/blog-post.html