فى " مضيفة بيت المدونين" ... وضيف جديد

هو :

الكتب المفضلة


هو كما يقول عن نفسه :

"واحد كدة متخدش في بالك"

الا انك بكل تأكيد ستأخذ بالك ..... فهو انسان لافت  للانتباه بالفطره 
ليس لكثير حركه او لغرابة تصرف ، الا انه لهدوء طبع لا تجده كثيراً الا فى امثال من يهتمون بالتاريخ ويدرسون فلسفة وحياة السابقين
وخاصة هذا الصنف من العلوم 
دراسته التاريخ ........ ويعكف على التحضير لدرجة الماجستير ان شاء الله 
يعشق التاريخ كما اخبرنا  ...... وكما نرى من منطقه ومقاله 
هادئ الطبع ، سهل المعامله 
مدون جيد يحب التدوين خصب العقل والفكر
لا تجد له صوره على صفحات المدونات او المواقع الاجتماعيه الا تجده مبتسماً فيها
هل عرفتموه !!

نعم .....


هـــــــــو : هــــــــــــــيثم السايـــــــس



هو ضيف هذه المره فى " فى مضيفة بيت المدونين "

أتينا به لنتعرف عليه اكثر عن قرب 

فكما تعودنا ، ان هناك دائماً ما يوجد خلف تلك الشاشات لا نعلم عنه الكثير.
فمنا من نجده خجول على صفحة مدونته وهو فى الحقيقة (جبروووووت ) ومنا من نجده قمة ( القدره والافترى ) وهو فى الحقيقة قمة الطيبه واحياناً الخيبه اللى بالويبه.

البوست قلب عاميه كده ليه؟!!

معلش بقى يا ابو هيثم 

كان نفسنا نكمله لغه عربيه فصحى بما يتناسب مع مكانة التاريخ وعلمه الا ان القافيه حكمت بقى 

واكمننا هنا اخوان فمفيش تكليف بقى
.
.
.
.
.
عموماً الراجل قدامكم اهه يا رجاله 

اللى يعرف ياخد منه حاجه هو وشطارته

وكالعاده للى مش متابع معاناً ..... فى المضيفه بتبقى ثلاث حلقات هدفها استضافة مدون من المدونين نسأله الاسئله اللى احنا نحب نسألهاله بالاخص الناس القراء والمتابعين ليه ويحبوا يتعرفوا عليه عن قرب ويطلعوا عينه
ويذنقوه و يعصروه 
ويطلعوا منه بوستات صغيره

فهى تجربه الهدف منها التواصل اكتر ومد جذور التعارف بين المجتمع التدوينى وبعضه

عموماً هنسيبكم مع هيثم واسألتكم اللى هنحط عليها اشراف الى ان يتم تجميعها فى بوست مجمع فيه الاسئله بدون وضع هوية السائل مؤقتاً الى ان يتم نشرها مره اخرى بعد هذا البوست (الا فى حال وجود طلب عدم نشر من صاحب تعليق معين)
نسيب المايكم معاكم و
مع الضيف ............

هناك 21 تعليقًا:

لـــولا وزهـــراء يقول...

هيثم من الشخصيات الهادئه التى تشرفت بالتعرف عليه فى احدى اللقاءات التدوينيه ورغم اننى لم اتحدث معه غير مجرد تعارف وسلام لكن شعرت انه شخصيه مهذبه ومثقف وذلك من خلال قراءاتى له فى بعض البوستات
الاسئله بقى

ياترى ايه هو حلمك لمصر فى الايام القادمه

ايه هو حلمك على المستوى الشخصى

ايه الكلمه اللى بتحب تقولها لنفسك كل يوم او بلاش كلمه نقول جمله

كفايه كده اسئله

ربنا يوفقك


زهراء

ليس فقيرا من يحب يقول...

هيثوم ازيك ازيك

والله وقعت ولا حدش سمى عليك

سؤالى بقى ليه الايام الاخيرة دى بقينا

نشوفك مكتئب كتير ونفسياتك مش متظبطه

ياترى ياهلترى الامر يتعلق بحب من اللى بيعمل اكلان فى القلب ومحدش يهرشه ولا ايه
هه
اييييييييييه يخربيتى حشريه ومتطفله بس ابن محافظتى بقى ولازم اغلس عليك

أم هريرة (lolocat) يقول...

السلام عليكم

هيثم السايس مدون مهذب ومحترف قلم له ثقلة فى ساحة التدوين وله ايضا مكانة فى قلوبنا جميعا لما يتمتع به من خلق طيب وثقافة عالية وذوق عالى فى التعامل مع الاصدقاء

اما لو الامر فيه اسئلة واجابات فسؤالى لهيثم لماذا تجعل اى عائق فى حياتك يثنيك عن طريق التدوين ويأخرك علينا كتير بمواضيعك الشيقة ذات الفائدة العظيمة ؟؟؟

شكرا لبيت المدونين على الجهد الطيب
تحياتى :)

sony2000 يقول...

منورررررررررر ياعمممممم

ماحدش بياكلها بالساااااااهل:)

مهاترات عاقل يقول...

بسم الله
بما أنى جديد ف البيت ومش عارف الكثيرين هنا ..ويدوب لسه بادىء أدخل مدونة هيثم

سؤالى فى التاريخ
- سمعت كثيرا عن أن التاريخ المصرى القديم مزور - وتاريخ الملوك ف العصر الاسلامى مزور - وحتى التاريخ الحديث مزور

بما انك راجل تاريخ وتخصصك
هل فيه كتب ومؤلفات موثوقة غير اللى درسناها واتعلمناها - ولا خلاص التاريخ الحقيقى مات مع أصحا

افروديت يقول...

حلوه الفكرة


وضيف محترم وذو قيمة بجد


بالتوفيق ان شاء الله

جايدا العزيزي يقول...

سعيده بالتعرف عليك اخ هيثم

وبتمنالك النجاح دائما

تحياتى

Haytham Alsayes يقول...

زنجا زنجا
ربنا يستر علي كل حال
ههههههههههه

محمود(باحث عن حب) يقول...

اانا مبهور بيه وبثقافته العاليه
يارب يستره
ويبارك فى عمره

لـــولا وزهـــراء يقول...

سين
اسمك
سنك
وعنوانك
وايه معلوماتك عن الجريمة ... اقصد عن التدوين ... وازاي دخلت العالم ده... وليه بتعشق مادة التاريخ يعني ايه السر عايزين نعرفه... بتحب تشرب الشاي بكم معلقة سكر هههه سؤال غريب شوية .مممم نغيره... بتحب تشرب الشاي ابو فتلة ولا السايب (:

بالتوفيق زمن الاجابة 3 ثوانِ ومتبصش جمبك

لولا

الحــب الجميـــل يقول...

انت ادها وأدود يا هيثم
ربنا معااااااااااااااك
ومش عايزه اقولك على الاسئله ربنا يكون فى عونك بجد ههههههههههههههه

ايه دا انا بخوفك ؟؟؟

لالالالالالالالالالالالالالا

دا انا برعبك بس هههههههههه

شيرين سامي يقول...

ليه كتاباتك قلت بعد الثوره؟

أنا حرة يقول...

السلام عليكم ورحمة الله وبركاته
أول تعرفى على الأخ هيثم كان سجال وجدال فى مدونة أخونا ماجد القاضى
لكن الحقيقة الأستاذ هيثم شخصية هادئة ومحترمة كما وصفتها بالضبط وكان راقى جدا فى خلافه
تحياتى لك وللضيف

الحــب الجميـــل يقول...

hافروديت
تعليقك موجود وهينزل ان شاء الله لما نجمع الاسئله ونزلها بوست ويجاوب عليها هيثم ان شاء الله

انتى بس اسئليه كام سؤال حلوين كدا

نورتى يا سمسمه

richardCatheart يقول...

هيثم يا ابو الهيثم يا شطه هههههههههههههه

صديقى العزيز جدااااااااااااااا
واخى الصغير الغالى جداااااااااااااااا جداااااااااا

ماكانش ينفع تيجى بيت المدونين وما اكونش موجده وازنوقك فى كام سؤال زنجه زنجه ههههههههههههههههه


انت عارف انى بعشق التاريخ وخصوصا لما اقرائه بقلم الماسى ورؤيتك المختلفه اللى ديما فيها تشويق واثاره ومتعه سنيمائيه واعتقادى انك لو كتبت عن التاريخ للسينما هاتكون من احسن من فعلو
احساسك مختلف فى الكتابه يا هيثم واروع مايكون دائما


نخش فى الجد بقى وورينى هاتشيل لغايه كام سؤال يا معلم


ايه سبب عشقك للتاريخ ؟؟؟؟؟؟؟؟؟؟


لو ماكنتش درست تاريخ كنت تحب تدرس ايه ؟؟؟؟؟؟؟؟؟؟؟؟


ايه اكتر حقبه زمانيه فى مصر شايف انها ظلمت سواء بالتزوير او عدم الحديث اساسا ؟؟؟؟؟؟؟؟؟؟؟

وايه اكتر حقبه زمانيه فى التاريخ العالمى تحب تتكلم عنها وشايفها ثريه جدااااااااااااا وما اخدتش حقها ؟؟؟؟؟؟؟؟؟؟؟؟؟

وايه اكتر الشخصيات التاريخيه اللى اثرت فيك انت شخصيا ؟؟؟؟؟؟؟؟؟؟؟؟

لو طلبت منك تعمل كتاب ياترى هاتتكلم عن ايه وهايكون اسمه ايه؟؟؟؟؟؟؟؟؟؟؟

عارفه ان ليك مزاج خااااااااااااص جداااااااااااا فى سماع الطرب قولنا بقى من اكتر حد بيخدك ويصير بعيد وانت بتسمعه ؟؟؟؟؟؟؟؟؟؟؟؟


ياترى بتحب المكرونه بالبشامل اكتر ولا المكرونه العاديه ههههههههههههه ؟؟؟؟؟؟؟؟؟؟؟ظ


كفايه كدا بقى احسن تزهق منى وماتعرفنيش تانى

تحياتى ليك يا اخى العزيز جدا يارب يكرمك ويسعدك ويسرلك امرك يا ابو الهيثم

غير معرف يقول...

ليه مقل فى كتاباتك الرومانسيه مع انك بتكتب رومانسى هايل ؟

غير معرف يقول...

ماهى اكثر امنياتك التى تتمناها كلما خليت الى نفسك ودائما ما تطمح الى تحققها ؟

غير معرف يقول...

لو جالك 50 مليون جنيه اول حاجه هاتعملها ايه من غير تفكير جاوب بسرعه

محمد الجرايحى يقول...

سعدنا بصحبة ضيفنا الكريم : هيثم
هنا فى بيتنا بيت المدونين
ونتمنى له كل التوفيق والسداد

بيت المدونين يقول...

بعض الاخوه المدونين الذين ارسلوا لنا بأن تعليقاتهم لم تصل

لا نعلم تحديداً ماذا حدث

وقد يكون عيب فنى فى البلوجر
فنحن نعتذر لهم بشده عن هذا الخطأ الغير مقصود من لدينا

شكراً

بيت المدونين يقول...

سيتم ان شاء الله مراجعة الايميل الخاص بالتعليقات فقد تم تمكين ارسال نسخه من التعليقات الى الايميل لذا سيتم مراجعته ان شاء الله ووضع تلك الاسئله اذا وجدت

شكراً لكم