الاثنين، 12 سبتمبر 2011

أخر أخبار البلوجريه فى لقاء الإسكندريه








بناء على طلب الجماهير البلوجريه ومعرفه أهم الأحداث والشخصيات اللى حضرت معانا اللقاء السكندرى
قد حضر الأتـــــــى 

دودو عاشقة الرومانسيه ( المنظم للقاء ) 
فاتيما روح قلب ماما 
مارو قلب القطه 
مرمر ابتسامات 
رانيا ليس فقيرا من يحب 
إيمان الحب الجميل 
محمد متولى رحلة حياة 
أسامه ناصر باب مقفول 
أحمد أسير الجراح
أسامه الأزهرى
عمرو يسرى مصطفى ريان 
نور
أسامه حواديت
إسلام نور مدونة دعوة للتفكير

الأحـــــــــداث

توجهنا على نادى التطبيقين حسب الخطه الموضوعه من قبل الريس دودو عاشقة الرومانسيه وتقبلنا كلنا ومع ان عدد الناس كان قليل إلا ان كانت القاعده اجمل وأروع ودا عشان قدرنا نتواصل مع بعض بالكلام والحديث

وبدخلتى النادى طبعا دودو هانم أستقبلتنى بزفه ههههههه طبعا مش هقولكم ليه هى عارفه .... وبعدين أتعرفت على المجموعه الجميله اللى كانت موجوده
محمد متولى وأسامه ناصر ونور وإسلام ورانيا حبيبت قلبى المكسوفه على طول هههههههههه وإللى بحب فيها كسوفها وخجلها  وأحمد أسير الجراح ميرسيى لك يا أحمد بجد أنت ومحمد متولى على حركة الجدعنه دى .. برضو مش هقولكم عليها
ههههههههههه معليش أستحملونى هى طلبت معايا رخامه

وهببببب الاقى دودو بتجرى فى ايه يا بنتى .. فاتيما وصلت يا إيمان ههههههههههههه
توصل الحبيبه فاتيما و مصطفى ريان وأسامه الأزهرى وعمرو يسرى
ويتم التعارف أللى مش عارف بعض أتعرف على التانى وهكذا ... حلوة هكذا دى صح ههههههه
والجميله رونى جابت لنا معاها الكحك والغريبه والشوكولاته  تسلم ايديكى يا قمرى وطبعا الشوكولاته أتصدرت 
 أول ما وصل الازهرى أستحوذ عليها كلها ههههههههههه 
وبما إنى فى الشغل وشكلى هنطرد إلا إنى مصممه أكمل أحداث اللقاء

وبعد جلسه مش مطوله أوى يعنى ....  وكونى مش عارفه أقعد  إلا لما يوصل  نصى التانى وأطمن عليها ....  أتصالات شغالة لحد ما إللى توقعته حصل ومكنتش متوقعه يحصل منك كدا أبدا بجد بجد يعنى ولا بلاش خليها فى سرى
وفجأة يرن موبايلى ... هاتيلى كوبايه  قهوة كبيررررررررررررررررره وهو دا أللى حصل ههههههههههههههههه مش بقدر أخبى حاجه أهو ...
حااااااااااضر يا مارو
وبعد ثوان بل دقائق بل مش عارفه أد إيه شرفتناوطلت علينا بطلتها الجميله وأستقبالها الاروع للجروب مارو حبيبت قلبى ومعاها الجميله مريهان وحبيب خالتو مروان
وبعد ما شربنا السخن والساقع أتفقوا على أننا نروح متحف المجوهرات ونعمل سطو مسلح ماهى هيصه بقا محدش هياخد باله ومشوناااااااااااااااااااااااااااااااااااااا لحد ما تعبنا ههههههههه قال إيه المتحف مقفول من أيام الثورة وكونى إسكندرانيه انا ومارو واحمد أسير الجراح توهنا اللى معانا هههههههههههههه مكناش عرفين المكان فين بالضبط طبعا إسكندرانيه على حق يعنى
وبعدييييييييييييييين  دودو مع فاتيما سبقونا على الزعيم  والكل راااااح على هناك وأتغدينا وأتصورنا وضحكنا وأتكلمنا  وكانت فعلا القاعده مش يتشبع منها والكل مرسوم على وشه إبتسامه جميله ....

وبعديييييييييييين كان نفسى أغرق قولتلهم عايزة أركب مركب هههههههههههههه
وفقونى على الحال طبعا شكلهم كانوا عايزبن يخلصوا منى ههههههههههههههههههههههههه
ركبنا المركب وما أروعها ساعة ما بين الخوف من البحر طبعا وإنى أغرق هههههههه والضحك والهزار الجميل
وطبعا كانت فى مقدمة السفينه فاتيما  وأسامه الأزهرى واللى عملوا تيتنك مارو ودودو هو أنتم مش كنت خايفين ههههههه أصلى كنت مرعوبه ألا تقعوا وكدا لازم أنقذكم وعشان أنقذكم لازم البورد بتاعى يبقه معايا ومكنش معايا وبما أنى إسكندرانيه مش بعرف أعوم ههههههههههه يعنى هغرق معاكم  والصراحه هتبقى فرصه جميله بس حصل خير ومش وقعتكم هههههههههههههههههه

وبعد المركب دقت ساعة العمل هههههههههه أقصد ساعة الذهاب وكنت زعلانه بجد أنى همشى ومش هكمل معاهم لأن بجد بجد القاعده معاكم جميله ومريحه وكل الناس فى غاية الجمال والإحترام وبشكركم كلكم على اليوم الجميل والرائع دا وربنا يديم بينا كل خير وموده وحب
وباقى المجموعه راحوا على الشيخ وفيق ضربوا أقصد أكلوا  من غيرى هههههههههههههه
بس  على ميييييييين وصلت البيت كلمت مارو فون أعرف إيه الأخبار وقالتلى أنهم قاعدين ومبسوطين والحمد لله



مبسوطه جدااااا إنى شوفتكم كللللللللللللكم

إتصالات فونيه 

رامى صاحب مدونة بابى
 هنسمحك على عدم تواجدك عشان ظروف الشغل بس المره دى
ريـــم
 كان نفسى تحضرى معانا  بس تتعوض إن شاء الله مره تانيه
منى تخاريف قلب وعقل 
كان نفسى تحضرى بجد وأشوفك قبل المدارس
حنين
وإنتى هتروحى منى فين ؟؟
هههههه
اليكس مون
محمد بوكيه ورد
فاطمه الزهراء 
(زعلانه منك وأكيد إنتى عارفه ليه )
كان نفسى تحضرى معانا


وكانت معكم الحب الجميل  من بيت المدونين

الصور هتنزل إن شاء الله أنتظرونا
فاصل ونوااااصل

هناك 15 تعليقًا:

ويكا يقول...

جميل التقرير ده يا ايمان والله

بجد الله ينور
خفيف ومميز

مدونة رحلة حياه يقول...

السلام عليكم
ايمى احنا كلنا واحد
وبشكركم على استقبالكم وضيافتكم وذوفكم معنا واليوم الجميل اللى اسعدتونا فيه بكل شكل ولون
بجد شكرا لحد ما تقولوا بس

sony2000 يقول...

انا كان نفسي اجي بجد:(

وكنت عوزا اشوفكوا
بس اتصلت واتطنت علجميع
ربنا يارب يجمعنا علي خير
امين يارب

عاشقه الرومانسيه يقول...

صباح التهييييس والفضايح ياايمى ههههههههههههههههه
ايه يابنتى السياح ده؟
بس استمتعت جدا بالبوست وفكرتينى بحاجات جميله حصلت فى اليوم وبرضه مش هاقولك عليها P:P:

لــــ زهــــــراء ــــولا يقول...

ايمووووووووووووووو

ولا اقدر على زعلك بس انتى عارفه الظروف ومقدره اكيد
يارب كل ايامكم روعه وحلوه
ويارب عقبال الرمه الجايه واللى بعدها وان شاء الله اتواجد معاكم

عن جد كان نفسى اجى عشان اشوفكم كلكم

زهراء

غير معرف يقول...

ويكا
ربنا يخليك يا وئام
شكرا ليك يا فندم
والله ينور عليك

غير معرف يقول...

رحلة حياة
محمد
نورت اسكندريه يا محمد
ومبسوطين اننا شوفناك وتعرفنا على شخصيه مهذبه زيك
ربنا يديم كل الخير بين الجميع يارب
وشكرا لك انت على تعبك ومجهودك عشان تيجى وتشوفنا
ربنا يبارك لك يارب

غير معرف يقول...

سونى
إن شاء الله المرة الجايه تيجى وتنورينا
اللهم امين

غير معرف يقول...

عاشقة الرومانسيه
دودووووووووو
ههههههههههههههه شوفتينى وانا بهيس دا انا مرضتيش اهيس اكتر من كدا قولت ألم الدور هههههههههه

مش عايزة اعرف

بس هعرف برضو
هههههههههههههههه
ربنا يخليكى يا أجمل دودو ويجمعنا دايما فى الخير

غير معرف يقول...

زهراء
مقدرة يا حبيبتى بس بجد كنت متوقعه وجودك معانا
وان شاء الله المرة الجايه معانا بأذن الله

يارب كل ايامنا حلوة مع بعض يارب

mrmr يقول...

فعلا كان يوم جميل
يارب ديما متجمعين فى محبه
مرسى على اللقاء والاستضافه الجميله دى

Nour Sherif يقول...

كان يوم جااااامد جداااااا D :D:
بجد انا اتشرفت بمعرفتكو و بكوني كنت معاكو في اليوم التحفة ده D :D:

عمرو يسرى يقول...

كان يوم جميل

Unknown يقول...

تحياتي للجهد المميز و العمل الهادف ...

منجي


مدونة الزمن الجميل يسعدها دعوتك إلى جديدها !


/

الـسـيـدة نـون يقول...

ياريت القائمين على بيت المدونين يعملوا بوست عن الحملة النسائية للتبرع بالدم

ده اللينك عندى
http://nouranelshamly.blogspot.com/2011/09/blog-post_23.html


شكرا ليكم
وجزاكم الله خير


سلام
اختكم نورا