الأحد، 25 سبتمبر 2011

عتاب ونصيحه



رسالة عتاب إلى الأخ العزيز المدون
 الذى تناول بيت المدونين بالنقد اللاذع


استاذنا العزيز

كان اولى بك ان كان  لديك أي اقتراحات او ملاحظات على البيت
 ان ترسلها الينا سواء بالايميل المعلن عنه او حتى فى تعليق هنا
بدلاً من كتابة تلك الإقتراحات والملاحظات فى مدونتك
 بهذا الشكل الهجومى الغير مبرر لنا الى الان
 فلو كانت تلك الملاحظات هى ما يزعجك فعلا بهذا القدر
 فقد كان حرياً بك ان ترسلها لنا وتنبهنا لها بالحسنى 
فمن أولى صفات رجل الفريق ان ينبه زملاءه
 الى اخطائهم بشكل ودود لائق
 وأن يفيدهم بما لديه من خبره
لا ان يقوم بنقدهم بهذا الشكل اللاذع الهجومى الحاد
 مما قد يعطى انطباع لدى من يقرأ بأننا جامدين
 لا نقبل النقد او الافكار الجديده

ثانياً كفى بالمرء فخراً ان تعد معايبه
فكون حضرتك عددت ( من وجهة نظرك ) أخطاء وقع فيها اعضاء فريق بيت المدونين
 وتكون هذه الاخطاء ( على حد قولك ) والتى تشمل تاريخ البيت كله هى ثلاثة اخطاء فقط
  فهذا شرف كبير لا نستحقه ..... ونظن ان اخطاءنا اكثر من ذلك
 فنحن بشر ولابد من وجود اخطاء كثيرة
وليس ثلاث اخطاء فقط على مدار عمر المدونة

لا نجد اى مبرر لهذا الكم من الهجوم والعصبيه والغضب
 بسبب ذكر كلمتى (نرحب او نشجع)
فلكل مكان نظام وتوجه وثقافه ... ونحن هنا يحكمنا الثقافه والقواعد والقيم الاسلاميه
و نعترف لك بكل شفافيه انه لا مكان عندنا لاى توجه منافى للقيم الدينيه.
قد نسمع .. نعم
نتناقش .. لاشك
نتقبل ان يدلي كل بدلوه .. أكيد
لكن ... في حدود تلك القيم

اما كلمة " فصل القوات "  التى وردت هى الاخرى فى مقال التبرع بالدم النسائى
فنحن فى عجب شديد من هذا الكم المبالغ فيه من الضيق بالكلمه
فالكلمه من الواضح انها كلمه عاديه جدا تم كتابتها بهدف كوميدى ليس اكثر
فنحن كثير ما نتحدث عن الجنسين وكأنهم فى حالة حرب .. وذلك من باب المداعبة طبعا
 والدليل على ذلك ان جميع المشرفين على بيت المونين
 قد حضروا كثير من اللقاءات التدوينيه المختلطه
 وان كان بعض المشرفين هنا يجد بعض
 التحفظات فيها قليلاً ولا يشارك فيها فى المطلق

عدم وجودك فى الريدر الخاص لدينا 
فذلك  يرجع إن حضرتك لم تقم بوضع اى تعليقات باسمك من قبل
 أو تطلب اضافتك الى الريدر لذلك لم يتم اضافتك  لدينا
وتهريج أحد المشرفين معك بالامس بخصوص توقعه بعدم وجودك فى الريدر و تحقق توقعه
فهو من باب تقليل حدة الاسلوب الذى وصلت اليه مع مشرفين البيت بدون اى داعي أو مبرر
فنحن إلى الان لا نعلم لما كل هذا التوتر والانفعال والعصبيه
 هل هو فعلا بسبب منع تواجد النساء مع الرجال فى هذا التجمع
  وان لم يكن كذلك
وكان بسبب اسلوب الاخت المدونه كما قال البعض
  فقد اعتذرت بالفعل عن ذلك وقالت فى صفحة تعليقاتها
 انها لم تقصد اى شئ مما رأه الناس
 ونظن ان هذا كفيل بحسن الظن بها
 فلما العصبيه والتوتر ؟


استاذنا العزيز 
عندما تحب ان تنصح فالنصح يكون فى السر لا فى العلن 
واذا انتقدت احد فأجعل انتقادك خالصاً لوجه الله ليكون لك لا عليك
ولا تكن مجرحاً فى احد ولا مشككاً فى احد واقبل الاخر كما هو .. مثلما تنادى دائما

واذا كان لك رأي وتنادى بالحوار وحرية الرأى
فإن الحريه ليست فى التخفى وراء التعليقات المجهولة المسيئة

ولكن دعنا ننحي خلافاتنا جانبا ولننسى مافات
فنحن اولا واخيرا زملاء
وكل منا  على درجة من التحضر الاخلاقي تجعلنا نترفع عن اخطاء بعضنا البعض

وفى النهاية لا يسعنا  إلا أن نرجو
الا نكون اثقلنا عليك بكلماتنا
ونسأل الله ان تلاقى لديك قبولا
ولتكن بداية جديدة بيننا
 وصفحة جديدة  نسطرها سويا
 اول كلمة فيها ... التسامح

وشكرا لك استاذنا العزيز


  ونعتذر عن تأخر نشر هذا العتب بالرغم من وجوده فى التحرير منذ ساعات طويله  بسبب مراجعته من قبل مصححنا اللغوى بدل ما نلاقى تعليق على الاخطاء اللغويه كمان
:))

مره اخرى شكراً لك ولك الاخوه الزملاء الذين آذرونا حالة احباطنا .....

هناك 12 تعليقًا:

مصطفى سيف الدين يقول...

الموضوع بيكبر يا اخوانا
انا اعرف ابراهيم رزق كويس وهو شخص محترم وخلوق
واعرف باشمهندس وئام وهو شخصية محترمة وخلوقة
وكل اللي بيحصل هنا هو اختلاف وجهات نظر يمكن اتسببت في مشادة لكن في الاول والآخر الموضوع بسيط واختلاف الرأي لا يفسد للود قضية ممكن يكون طريقة التعبير عن ارائنا هي المشكلة بس ده ميمحيش المعدن الطيب اللي جوانا
بقول نجلي القلوب عن صداها حتى يظهر نورها جليا ليعم كل اوصال عالم المدونين
وفقنا الله جميعا لما يحبه ويرتضيه
تحياتي

عمرو يسرى يقول...

اولا بالرغم من عتابى على استاذ ابراهيم رزق انه دخل وعلق عن طريق الغير معرف لكن هذا ليس ذنبه ذنب الاداره اللى تركت التعليق لغير المعرف
ثانيا عتابك له بانه نشر ملاحظاته او نقده على مدونته فهذا ايضا ليس ذنبه
ذنب الاخ العزيز ويكا
لان بعد ما كشف استاذ ابراهيم عن نفسه الاستاذ ويكا سخر منه واتهمه بالتلون
فى احد التعليقات ولذلك كان يجب مع البوست ده اللى هو عتاب ونصيحه كان المفروض معه اعتذار
ثالثا البوست دا مش عتاب ونصيحه دا جر شكل لان فيه اجزاء قد تفهم انك بتقوله ان عملت البوست ده عشان انت مش موجود فى الريدر وانك بتلكك لنا فركزنا علشان ماتقولش ان فى اخطاء املائيه فرجاء حذف هذه الاجزاء
رابعا الموضوع اخد اكثر من حجمه ويخلص باعتذار مثلما فعلت اختنا العزيزه نوران لاستاذه شرين
خامسا
هيبقى حاجه جميله لو تم نشر بوست استاذ ابراهيم اللى بينتقد فى البيت هنا فى بيت المدونين ويتم المناقشه بين المدونين ازاى يتم اصلاح هذه الملاحظات
سادسا
اعتذر على التطويل فى التعليق
واعتذر لو فى التعليق اساءه لاحد

ويكا يقول...

مصطفى سيف

شكراً لكلماتك الرقيقه واتمنى ان اكون عند حسن ظنك وظن اخوانا واخواتنا

والا يأخذ الامر اكثر من حجمه هكذا بدون اى داعى


شكراً ليك مره اخره

ويكا يقول...

لا يا عمرو

الاخ العزيز المدون كتب انه هيعمل بوست يفضح فيه بيت المدونين وهو لسه مجهول ولم يكن قد عرف عن نفسه

وبدون دخول فى باقى التفاصيل ... الموضوع خلاص اتقفل علشان ما ياخدشى حجم اكبر من حجمه تانى .....

واحنا كلنا اخوان و كلنا بنغلط

واتمنى الموضوع فعلا ينتهى على كده ونبقى كلنا زملاء اعزاء

وننبذ الخلاف جانباً

ويكا يقول...

وعموماً


شكراً ليك يا عمرو

أحمد عبد الحميد يقول...

يا جدعان صلوا على النبى إهدوا كده
الموضوع مايستاهلش إننا نزعل من بعض
الجمعة الجاية فى لقاء فى المنصورة مش حتعلنوا عنه ولا إيه؟
ياريت نشوف الناس فى المنصورة ونصفى النفوس

أحمد عبد الحميد يقول...

نقول كمان
حصل خير وكله يسك (يعنى يقفل على الموضوع ده)
مش ناشرين ليه حاجة لقاء المنصورة التدوينى يوم 30-9؟؟؟

بيت المدونين يقول...

ابو حميد

وده اللى احنا بنقوله برده

اما لقاء المنصوره ماحدش بلغنا بيه نهائى

وهى دى النقطه اللى احنا عايزين نقولها هنا

يا جماعه احنا مش جريده او مؤسسه لنا مناديب ومراسلين فى كل مكان

احنا مجموعه من المدونين زملائكم اللى بيحاولوا يجتهدوا قدر المستطاع انهم يعملوا مكان مركزى للتواصل بين المدونين وبعضهم

لا فرض اراء ولا توجهات ولا الكلام ده خااااالص
( لكن اكيد فيه نظام للكلام ده اهمه القواعد الاخلاقيه والدينيه )


فكنا منتظرين من الجميع التعاون فى الموضوع ده لانجاحه
وكتير نوهنا للكلام ده وقولنا يا اخوانا لو حد عنده خبر او معلومه عن اى حد من المدونين زملاءنا ياريت يمدنا بيه بسرعه علشان ننشره


الا ان الجميع اكتفى بالفرجه للاسف واللى كانوا بيتعاونوا معانا ما رحم ربى

احنا مش بنلوم حد بس احنا بنحلم اننا نتلم فى مكان يجمعنا ونساعد كلنا فيه

عمر ماحدش طلب مننا شئ ومنعناه او فرضنا عليه شئ

نتمنى الفتره القادمه الناس كلها تشارك وتتعاون معانا

أحمد عبد الحميد يقول...

معلش بقى أنا اللى غلطان هنا
لأن إعلان اللقاء كان على الفيس
واللينك أهى
http://www.facebook.com/event.php?eid=162244500526734

Haytham Kilany يقول...

السلام عليكم
بصراحة انا سعيد باللى حصل ده
وياريت الدنيا ما تقفش عند كدة

لكل شخص فكره وأراؤه ولكل شخص الحق بان ينقد ما يراه غير موافق لرأيه

ويجب على بيت المدونين والادارة تقبل النقد بروح طيب

وعلى الاستاذ ابراهيم رزق كما أنتقد الادارة عليه ان يتقبل نقد الادارة له بروح طيبه

أظن سبب الازمة التعليق ب غير معروف



التوقيع
غير معروف

Emtiaz Zourob يقول...

والله الموضوع مش مستاهل كل القصة .. بعدين الاستاذ ابراهيم رزق انسان راقي وشخصية محترمة جدا .. وكلنا من محبي كتاباته ويبدو ان ما حدث كان مجرد سوء تفاهم بسيط .. ربنا ما يجيب شر وترجع المياه لمجاريها ..

حصل خير يا جماعة .. ومامحبة إلا بعد عداوة

مونتي بوكيه ورد يقول...

يا مساء الورد والياسمين علي أحلي مدونين في الدنيا
الحقيقه بعد مش شوفت فكره عن الموضووع وحسيت بمدي الاسي في قلوب ايمي ومارو والمدونين ال بحترمهم من قلبي كنت ناوي اكتب ردي في جروب كلمات هنا لكن الحقيقه شوفت ان الموضوع مجرد سوء تفاهم وللامانه ولان وعدت ايمي عاوز اقولكم ان انا مدون من 2006 يعني من قبل ناس كتيره مبدعه هنا زي وجع البنفسج و ريماس وموناليزا ومارو و سيف و محمد متولي و ميرا مار و هبه غاندي و مبدعين كتير اوي بحبهم متالقين وبتعلم منهم ومع ذلك فانا لا اعتبر نفسي مدون شاطر لان بتعلم منهم و اسلوبي لا يرتقي انه مثلا يتعمل كتاب في الوقت الحالي او يعجب كل الناس .. ومع ذلك فلو دخلتوا مدونتي وقريتوا بسم الله الرحمن الرحيم ابدأ مدوناتي هتفهموا بدايتي في التدوين واني بفضفض في املكان دا كانه اودتي و بين صحابي .. ودا متكلم عنه في لقائي في اول حلقة في راديو النهارده علي النت اللي هنبتدي نشتغل فيه قريب جدا كلنا كمدونين وناس عندها احساس راقي .. انا شخصيا شخصيتي مش جاده اوي ومش بحب اخد الحياه علي صدري وبحب اهرج و ابقي جد وقت الجد و مبسووووووط ان في مكان زي دا بيفتكرنا في عيد ميلادنا ولو انه عليا تورتايه هنا ومع ذلك عملولي احلي عيد ميلاد في جروب كلمات وعلي بروفايلي علي الفيس بوك
و طبعا لن اقلل لحظه من حد تعب نفسه عشاني كمدون و عشان يشوف حاجه مفيده لينا ..
ودا ردي في جروب كلمات للمانه
----------------------
احب انا بقي اقول لل شاف بيت المدونين الجميل انه بيت للمبتدئين فالمكان دا مكان رائع لانه بيهتم بالتفاصيل الصغيره للغير مشلازم اكون محترف عشان اكون وسطكم .. انا مدون من 2006 وكل المحترفين مدونين من بعدي واحسن منلي مليون مره .. ودا شيء يسعدني وافتخر بيه .. ولا اقبل ان تهان الفكرة بسبب حد شايف ان المكان فيه بعض المشاركين علي ادهم
----------------------------
و ياريت يكون رساله لكل حد ممكن يفهم الجروب الراقي دا فهم غلط .. وبالمناسبه بقي انا ال عامل الصوره ال ع الغلاف دي .. :))) واحب اعتذر لملره المليون لاصحابي ال بينوروني في مدونتي البسيطة بوكيه ورد ومش بلاقي وقت ارد مش انشغال ولا اهميه اكتر من ان يسومي بيطير بسرعه الحمدلله
وشكرا لحبكم و ابتسامتكم واحتوائكم لبعض
Montana master of love