الخميس، 29 سبتمبر 2011

هذه رسالتنا ..وهذا هدفنا

اليوم نتوجه بكلماتنا إلى كل متابع وقارئ للموضوعات التى يتم طرحها هنا فى بيت المدونين ، الى كل صغير وكبير فى عالم التدوين ( ونعنى بذلك العمر ) ،إلى كل مبتدئ ومحترف وإلى كل قاص ودان ، نتوجه إلى الجميع برسالة تعريفية بمن نحن ؟ وما هى رسالتنا ؟ وما هى اهدافنا التى نسعى لتحقيقها ونشرها من خلال ما نقوم بنشره أو مشاركته هنا فى بيت المدونين كما أسميناه ؟
حزنا وتألمنا كثيرا  من النيران التى أشتعلت مؤخرا بسبب كلمات بسيطة أساء البعض فهمها وأخذها بمحمل غير الذى كتبت من أجله ، كلمات لم يكن أبدا لها أن تصل إلى هذا الحد ولكن إرادة الله كانت فمعظم النار من مستصغر الشرر.
تابعنا تعليقات وكلمات كثيرة هنا وفى مدونات أخرى ، نرى بعضها نقدا هادفا يسعى الى تقديم النصح وتوضيح رؤى لم تكن بدت لنا أو جالت فى خاطرنا ، وبعضها نراه سوء أدب وقلة دراية وخبرة وندرة حكمة ، ربما خرجت من قائلها دون أن يلقى لها بالا ولكن ربما كلمة تخرج من أحدنا دون ان يلقى لها بالا تهوى به فى النارسبعين خريفا أعاذنا الله واياكم .
نرسل كلماتنا الى الجميع دون استثناء فلا نقصد بها أحداً بعينه سواء كان يبغى لنا خيرا أو غير ذلك فمنزلة الجميع عندنا ومكانتهم عاليه نجلهم ونوقرهم فهم جميعا أساتذة لنا وربما بعضهم يفوق بعضنا علماً وخبرة ولا ننسب لأنفسنا أى علم فما أتانا الله من العلم والحكمة إلا قليلاً .
لقد قمنا بافتتاح هذه المدونة وأطلقنا عليها هذا الاسم لا لأننا نصبنا أنفسنا متحدثين بإسم كل المدونين ولكن بغية الوصول إلى مجتمع مترابط من المدونين والمدونات وسعينا نحو إيجاد علاقات من التواصل وبناء جسور من الثقة والمحبة بين الجميع ممن استطعنا الوصول إليهم ورغم ذلك فهم قليل فسماء التدوين تحفل ربما بما يفوق ألاف المدونات ولو حاولنا حصرا لهم لأعيانا ذلك ، ورغم ذلك سعينا واجتهدنا بالقدر الذى وفقنا الله إليه فى الوصول إلى الكثير ومازلنا نسعى وننتظر دعمكم فى ذلك .
حاولنا مشاركة الكثير فى أفراحه وأطراحه لاستكمال رسالتنا ونشرنا رسالة مفادها أننا نطلب من الجميع إرسال ما يخصه من بيانات وأخبار الينا بغرض نشرها حتى يتشارك الجميع فنصبح يوما كيانا واحدا ، البعض تعاون والبعض لا ، وربما لم يعلم العدد الأكثر بنا ولم تصلهم رسالتنا ابتداءا ، فليبلغ من علم بنا من لم يعلم ليجمع البيت العدد الأكبر فهو ليس بيتنا وحدنا ولكنه بيت الجميع .
احتفلنا بأعياد ميلاد المدونين الذين توافرت لدينا بيانات عنهم وشاركنا العديد مناسباته ونشرنا هنا دعوات موجهة الى الجميع لمشاركتهم ما لديهم من مناسبات وكذا شاركنا فى نشر دعوات الحملات واللقاءات التى يدعو اليها اى مدون ويخبرنا بها وحاولنا التواجد بأنفسنا فى بعضها لتسود الألفة والمحبة والاحترام بين الجميع .
سعينا نحو مساعدة المدونين المبتدئين ودعمهم وتشجيعهم والأخذ بأيديهم فقمنا بنشر بعض اعمالهم هنا كخطوات فى حياة مدون رغبة منا فى أن يعرف بهم العدد الأكبر من المدونين ومن متابعى بيت المدونين .
لم نسعى أبدا أن يشتمل النطاق الخاص بالمدونات التى نتابعها على كل المدونات فنحن نعجز عن ذلك وجميعكم يعجز أيضا عن ذلك إن صدق القول مع نفسه ، وما استطعنا سوى مشاركة أقل القليل باجتهاد شخصى من القائمين على هذا البيت وهذا لا يعنى ولا يعطى اى ميزة للمدونات التى تظهر عندنا دون غيرها ولكن الكل عندنا سواء مادام قد امتلك قلما يخط به كلمات تراعى قيم مجتمعاتنا ، فعذرا لكل من لم تظهر مدونته عندنا .
القائمون على هذا البيت مجموعة من المدونين ربما لا تربطنا ببعضنا اى صلات شخصية أو روابط عائلية ولكن ربط بيننا هدفنا وهو محاولة إسعاد اخواننا و اخوتنا من المدونين والمدونات بمشاركتهم فى كل ما نستطيع .
لا ننتمى الى اية احزاب او تيارات او ائتلافات ولا نحصل عل اى دعم او مقابل من اى جهة كانت وليس لدينا ما يشغله فالحمد لله لكل منا عمله ونسعى لاقتطاع جزءا من وقتنا قدر الاستطاعة للقيام بهذا العمل لإيماننا بجدواه متمنين من الله ان يمن علينا برؤية حصاد جهدنا مجتمعا تدوينيا تسوده المحبة والاحترام ومراعاة الأخر وتفهم احتياجه وتقديم النصح له دون تجريح .
قدم البعض عددا من الاقتراحات البناءه ولكننا لسنا متفرغين لتنفيذ ذلك ولسنا جهات تربوية او معاهد تعليمية تعلم قواعد للغة ومبادئها وإن شئتم فيمكنكم انشاء مدونات متخصصة فى هذا المجال ويقوم عليها متخصصون فلا نرى انفسنا اهلا لذلك وبالفعل توجد بعض المدونات التى تهتم بذلك وكذلك المجموعات على شبكة التواصل الاجتماعى الفيس بوك ، وما ألمنى أكثر أنى وجدت البعض يتكلم عن الاخطاء اللغوية املائية كانت او نحوية (ولسنا ندعى عصمة فكلنا خطاءون) وعندما تصفحت مدوناتهم وجدت اللغة العربية تتجرع مرار الألم بما يفعلونه بها وفيها بوما أدخلوه عليها من كلمات لاتمت إلى لغتنا بصلة أما هنا فنستخدم العربية الفصحى أحيانا وأحيانا العامية وأحيانا نمزج بينهما هدفنا الأول والأخير ايصال الطرح بأبسط صورة يستطيع الكل تقبلها وفهم ما بها ببعض من الفكاهة دون الخروج عن النص .
لكل من القائمين على هذا البيت مدونته الخاصة وربما اكثر يعرض فيها افكاره واراءه ويتابع من خلالها العديد من المدونين والمدونات ويشاركهم التعليق باسمه فقط ، أما بيت المدونين فلا يشارك أيا من المدونين بكيانه ونكتفى بالمتابعات الفردية من الأعضاء .
القائمون على هذا البيت عدد محدد لهم مزاياهم وعيوبهم لهم حسناتهم وسيئاتهم لهم فكرهم وثقافتهم التى تختلف فيما بينهم ولكن ما يجمعنا هو إيماننا بهدفنا ورغبتنا فى رؤية الكل فى محبة وسلام .
رسالتنا لن تقوم بنا وحدنا ولكن تقوم على إمدادكم لنا بما تحبون نشره ومشاركته من مناسبات وكلمات ندعوكم لارسالها لنا عبر البريد الالكترونى لمدونتنا هذه ، أما ان يتكلم البعض ويعاتب ويعيب وينتظر مننا أن نعرف تاريخ ميلاده او ننشر اخباره لسنا جهاز مخابرات لفعل ذلك فليتقبل أسفنا .
يكفيكم لمعرفة نشاطنا وما قمنا به وما نقوم به فقط الاشتراك فى متابعينا وسيصلكم كل جديد لدينا ، دقائق قليلة تتصفحون فيها هذه المدونة تدركون خلالها قدر الجهد المبذول من القائمين عليها لا لشئ سوى لإسعادكم ومشاركتكم كل ما فى استطاعتنا .  
نحترم كل القيم والمبادئ ولا يتوقف ذلك على الاعراف والعادات والقيم المصرية فحسب ولكن يتخطاها ليشمل الوطن العربى بل ليشمل العالم أجمع ولدينا بالفعل من بين القائمين على هذا العمل من لا يحمل الجنسية المصرية .
من رأى منا اى تقصير فليلتمس لنا العذر وليحسن تقديم النصيحة ومن رأى فى نفسه قدرة على مشاركتنا فليتفضل فباب البيت مفتوح للجميع .


كلمات اخيرة ...

كانت هذه مشاركتى الأولى هنا وكنت أتمنى ان تكون فى مناسبة أفضل من ذلك ولكنها حكمة الله يصرف الامور ويقدرها كيف يشاء ، أردت فقط بجهد المٌقل ان اسعى لإخماد النيران التى أشتعلت وإغلاق فوهة البركان الثائر وتوضيح الجهد المبذول من الزملاء هنا دون انتظار أى شكر أو عائد من اى مخلوق .
وفقنا الله وإياكم الى ما فيه الخير لأهل الأرض اجمعين
دومتم فى رعاية الله وحفظه
وعذرا على الإطالة

محمد متولى 

هناك 28 تعليقًا:

جارة القمر يقول...

هدف رائع ورسالة اجمل

من اول المدونة ما اتعملت وانا فعلا كنت مبسوطة بيها ولازالت رغم اى مشاكل بسيطة حصلت او اى ملاحظات

حزاكم الله خيرا جميعا

غير معرف يقول...

مصطفى سيف الدين اترك تعليقًا جديدًا على رسالتك "هذه رسالتنا وهذا هدفنا":

اولا طبعا انت يا محمد اضافة مميزة لبيت المدونين واتمنى فعلا يكون تواجدك هنا بداية تطور للاحسن للبيت في وضع اقتراحات جديدة وافكار جديدة لزيادة اواصر المحبة بين المدونين ونبذ الخلافات الجانبية
بس ليا اقتراح بعد اذنكم اي بوست يتكتب هنا لازم يتكتب مين اللي كتبه علشان نعرف بنكلم مين لان زي ما حضرتك قلت كل واحد له ثقافاته واخطائه فعلشان ميختلطش الحابل بالنابل يعني آخر البوست يتكتب
بقلم محمد متولي (مدونة رحلة حياة )
او بقلم الحب الجميل
وهكذا طبعا ده موجود في البوست ده بس بتكلم على كل البوستات المستقبلية
طبعا يا صاحبي انت عارف مدى تقديري واحترامي لافكارك وكلماتك الجميلة وقلبك الاجمل اللي دايما بيحاول يقرب بين الناس وصدقني انا متاكد تماما ان بيت المدونين في وجودك هيعمل تواصل اكبر واقتراحات احسن بس زي ما قلتلك لازم يتكتب امضاء في الاخر وكمان التعليقات تبقى بالاسم الشخصي مش باسم اكاونت بيت المدونين ده مبدئيا اول حاجة علشان يبقى كل واحد مسئول عن اللي كتبه واي خطأ بعدين يتحمله الشخص مش البيت

غير معرف يقول...

معليش يا سيف حصلت لخبطه وتعليقك نزل فى البوست الاول
ونشرته تانى هنا

عمرو يسرى يقول...

رائع البوست بتاعك شامله الاحداث الماضيه
بدايه قويه فى بيت المدونين وجميله
تحياتى

غير معرف يقول...

جارة القمر

فعلا يا مى رساله جميله من محمد جمع فيها تاريخ بيت المدونيين اللى الكتير مش يعلم بيه ..
نورتى بيتك يا مى

غير معرف يقول...

عمرو يسرى

بدايتنا كانت قوية يا عمرو بس هى فترة رمضان اللى الكل ريح فيها وفعلا أهملنا فى بيتنا وأن شاء الله يقوى من جديد ويكون للأفضل وللأحسن ان شاء الله

ولو فيه أى أفكار ياريت تشاركونا ويبقى بيتنا كلنا كعيلة تدوين واحده محبه راقيه

عمرو يسرى يقول...

الحب الجميل
انا اول مره اعرف ان محمد معاكم
ولما بقول بدايه قويه بقول على بدايته مع بيت المدونين مش بدايه البيت
لان انا عارف ان بدايتكم كانت قويه
مش اول مره اعرفكم يا استاذه

Haytham Kilany يقول...

نقطة ....ومن أول السطر

دائما ما أقول عندما تتأزم المسائل
وتغلق السبل وجب عليناان نقف وقفه ونعيد فيها حساباتنا


ومن المحن تأتى المنح
فهيا لنبدأ مع بعض من جديد
بروح جديدة

مونتي بوكيه ورد يقول...

كلام جميل من انسان كريم ربنا ينور عليك يا محمد

ابراهيم رزق يقول...

السلام عليكم و رحمة الله و بركاته

قبل ان اكتب كلمة اسجل احترامى الكبير لبيت المدونين و جميع القائمين عليه

سعيد جدا بهذا البوست فمعناه اننا بدأنا نسمع انفسنا نناقش الافكار الاخرى نطور بعضها نتقبل بعضها نرفض او ننحى جانبا بعض الافكار لكن ان نسمع مجرد ان نسمع الاخر
مثلا لو اعلن كل من يكتب عن هويته لما حدثت اى مشكلة اى ان الموضوع كان بسيط جدا
سعيد ايضا بالغاء الاشراف و عد السماح باالتعليقات المجهولة فحين نسمع الاخرين و نستجيب لبعض مطالبهم ليس من الضعف و لكن دليل قوة اما التمسك و العناد فهو بداية التراجع
اتمنى لكم كل التوفيق و ان تكونوا بيتا و قلعة لكل المدونين بعيدا عن اى ايدلوجيات فبيت العيلة يسع جميع افراد العيلة

تحياتى و تقديرى

ابراهيم رزق يقول...

عربون محبة و سلام و ان انا بسمع الكلام

تاريخ ميلادى 18 نوفمبر بس مش هاقول السنة
ههههههههه

تحياتى لكم جميعا

Ramy يقول...

أنا مش هتكلم عن اللى فات خالص

يمكن انا مش نشط مع البيت هنا

لكن متابع

عمرى ما قللت من مجهود اى حد فى اى حاجة

و كنت شايف ان البيت هنا بيقد حاجات جميلة

بس الأعتراض على حاجات فى الكلام

و برضه مش هخش ف تفاصيل

بس يارب يكون الناس فهمت وجهات نظر بعض

بدون الأساءة لبعض

ربنا يوفقكم دايماً

ويكا يقول...

نورت يا استاذ ابراهيم


واحنا اللى سعداء يا فندم بالتطور الجميل اللى حصل فى صفحة التعليقات هنا دى وهو وجودك تانى معانا بذلك الشكل الايجابى الودود

نتمنى الفتره الجايه نبقى عند حسن ظنك

وذى ما قلنا قبل كده احنا بنرحب بأى وجهات نظر او افكار مادامت فى صالح الجميع وستضيف شئ ......

شكراً ليك ولروحك الطيبه ...... وننتظر منك كثيراً من التعاون الفتره الجايه ...........
اه كثيراً فعلاً :)) واعمل حسابك على كده ........... انت اللى دبست نفسك يا ريس :) فبقى مطلوب منك افكار على طول ومساعده لينا فى تنفيذها طبعاً ....... لان احنا قلنا احنا مجموعه من المدونين المتطوعين لن نستطيع فعل شئ لوحدنا بدون وقوف جميع الزملاء معانا علشان نقدر نعمل شئ كويس


شكراً ليك مره اخرى ونتمنى الا يكون فى صدرك شئ من اى شئ بدر مننا الكام يوم الغراب اللى فاتوا دول ...... سوء تفاهم غير مقصود ونتمنى يكون زال.......


احنا بنعتذر يا جماعه اننا ما ردناش لسه على التعليقات اللى فاتت لكننا هنرد فى الاخر

بس الاستاذ ابراهيم كان حاله استثنائيه و مفاجأه بصراحه جميله جعلتنا لا نستطيع الانتظار

شكراً

لــــ زهــــــراء ــــولا يقول...

حلو قووووووووووووووي الكلام ده

ميرسي يا ابو معاذ على رسالتك الهايلة المعبرة اللي لخصت الكتير واجابت على تساؤلات الكثيرين

(:

لولا

حَنيّـن نِضال يقول...

و فقنا الله و إياكم الى كل ما يحب و يرضى

و البوست جدا عظيم وضع النقاط على الحروف و هذه لفته جميل من الاخ محمد متولي و هذا ما عهدناه عنه

و ان شاء الله الي حصل ما يتكرر و ناخذ درس و لعلنا تعلمنا ثقافة الحوار التي كنا نفتقدها و ادبياتها

و ان شاء الله البيت بيوم يصير بالفعل بيت كل المدونيبن بعمل عنكبوتي بحيث الكل يربط الكل

و مش بالضرورة بس القائمين على العمل يجمعوا بين الكل فكل منا عضو في هذا البيت ليكن سفيرا في الخير

جمعنا الله على الخير و ما يرضيه تحياتي

أحمد عبد الحميد يقول...

حلو قوى قوى قوى
مين بقى رايح المنصورة؟

eng_semsem يقول...

بالتوفيق ان شاء الله وربنا يعينكم على المجهود اللي انتم متبرعين بيه عشان تجمعونا في عيد ميلاد او لقاء او معرفة الجديد من المدونين والتدوينات الجديده
تحياتي لكل القائمين على العمل
واكيد محمد متولي اضافه جيده لبيت المدونين

مصطفى سيف الدين يقول...

امبارح كان في تعليق هنا من الاخت الحب الجميل بتشكرني على اقتراحي وبتقول فعلا ان كل واحد من المشرفين يعلق باسمه علشان يتحمل مسئولية اللي بيكتبه
النهاردة اكتشف ان التعليق اختفى
يا ريت يعني يكون في سبب واضح لحذف التعليق ومين اللي حذفه وليهوليه اللي حذفه مجبرش بخاطر الناس اللي تاعبة نفسها وبتدور على اقتراحات تفيد البيت ويرد عليه
بصراحة انا شايف ان بيت المدونين بيتهاوى بالسياسة الغريبة للقائمين عليه من تجاهل للمدونين

بيت المدونين يقول...

سيف

الاول صباح الخير

ثانياً انت زعلان ليه بس مين قالك اننا ما اهتمناش برأيك بل بالعكس احنا فعلا قعدنا نتناقش طول الليل كلنا فى رأيك ده بس بس كل ما فى الموضوع اننا اتفقنا على شئ واحد الا وهو ان البيت هنا مش مدونة مشتركه لكام مدون بيكتبوا فيها ارائهم الشخصيه لا خالص دى مدونه مهتمه بالمدونين كلهم واغلب مواضيعها عامه وغالبا ما البوست واحد بيكتبه بس وواحد تانى يدخل ينسقه وواحد يراجع اسلوبه يعنى غالبا اكتر من واحد بيكتبه ساعتها مين بقى هيكتب اسمه عليه ؟!
ثانياً يا سيف مش لازم كل اقتراح يجيلنا نقدر ننفزه ولا صاحبه يزعل ويفكر اننا اهملناه بالعكس خالص احنا مش بنهمل كلام حدة ابداص بس زى ما قلنالك اتناقشنا فيه ولاقيناه مش ماشى مع فكرة المدونه
وكمان فيه نقطه تانيه هى اننا مفيش حد هنا بيكتب حاجه الا بموافقة الجميع قبالتالى كلنا هنا بنتحمل نتيجة كتابة بعض وما حدش فينا بيتنصل من الاخر لان فى الاخر الكلام كله بيطلع باسم بيت المدونين مش باسم مدون بعينه
وبما اننا اغلب المشرفين مدونين فبالتالى كل واحد فينا عنده مدونته يكتب فيها اللى يحبه على مسئوليته ماحدش له حق فى التدخل فيه

اما هنا دع مكان جماعى المشرفين بيكتبوا فيه اللى بيجتمعوا ويشوفوه صح ( على قدر اجتهادهم)

الكلام اللى فوق ده بقى نطلع منه بايه

1. المدونه هنا قائم عليها فريق عمل ( واحد) ايد واحده وكلهم مسئولين عن اداء بعض وماحدش بيتنصل من اداء التانى فبالتالى ما فيش سياسة لهو خفى.
2. اى فكره بتجيلنا بنناقشها كويس اوى اوى اوى ولو لقيناها مناسبه بنفذها ( زى فكرة التعليقات وفتحها والغاء الغير معروف ) ولو مش مناسبه بنعتذر لصاحبها ونشكره على اجتهاده وبنوضحله سبب عدم نفعها ( ذى ما بنعمل دلوقتى )
3. مش عايزين لما حد مننا ( المدونين كلهم ) يقترح فكره لو ما اتنفذتشى يزعل لان فى الاول والاخر هو بيجتهد واحنا بنجتهد .
4. مش لازم كل ما المشرفين يجتمعوا نقول مين قال ايه بالتفصيل ومين ما قالشى ايه لان ده مش منطقى ولا يهم حد اللى يهم الناس النتيجه فى الاخر
5. نتمنى ما تمشيش ولا حاجه لان الموضوع ما يستحقش خالص خالص وكده بنكبره على الفاضى

شكراً ليك يا سيف

بيت المدونين يقول...

عمرو يسرى
متشكرين ليك يا جميل ودى فعلا اول بداية لمحمد معانا
شكرا على المرور والتعليق

بيت المدونين يقول...

هيثم كيلانى
نعم من المحن تاتى المنح فدوما بعد كل فجر شروق
دومت بخير

بيت المدونين يقول...

مونتى بوكيه ورد
ربنا يخليك يا مونتى
منور الدنيا دايما

بيت المدونين يقول...

رامى
بيت المدونين مفتوح للجميع مش بيت القائمين عليه ابدا احنا مجرد قائمين عليه ومفيش مانع من النقد مادام النقد وراه افادة وتطوير للبيت
شرفتنا يا افندم

بيت المدونين يقول...

لولا وزهراء
منورين الدنيا كلها
دى رسالة البيت حبينا نوضحها مش اكتر
دومتم بخير

بيت المدونين يقول...

حنين
يارب
نتمنى نشوف البيت فعلا بيت لكل المدونين وهو هدفنا من الاول وعشان كدا بدانا نبنيه ونحاول نطور فيه عشان نرضى الجميع
دومتى بخير

بيت المدونين يقول...

ابوحميد
انت احلى يا ريس
اكيد انت عارف دلوقتى مين راح المنصورة
دومت بخير

بيت المدونين يقول...

م اسامة
مفيش مجهود ولا حاجة كله يهون عشان خاطر عيونكم
دومت بخير

بيت المدونين يقول...

مصطفى سيف
بيت المدونين بيت للجميع
مش بيعرض حاجة شخصية لاى حد من القائمين عليه عشان يكتب اسمه الشخصى
القاشمين عليه معروفين وظاهرين فى المساهمين للكل يعرفهم
فى حالة نشر اى شئ لاحد المدونين طبعا هنقول دا مين
ولو حاجة شخصية بتعبر عن راى واحد هنقول دا مين بردوا
لكن بيت المدونين القائمين عليه مالهمش غير تحقيق اهدافكم وازاى يسعدوا الجميع ويقربوا بين الكل
تنورنا دايما يا افندم ومتشكرين على اهتمامك وافكارك الجميلة