الجمعة، 20 يناير، 2012

فى المضيفه









نرجوا من الساده المدونين 

وضع اقتراحاتهم بخصوص شخصية ضيف حلقة " فى المضيفه " القادمه ان شاء الله 




فى المضيفه



للى ما يعرفشى



 اكتر الحاجات اللى كانت بتساعد المدونين انهم يعرفوا بعض اكتر وشخصيات وفكر بعض الحقيقى اكتر هى كانت التجمعات الفعليه ......
لكن بما اننا مش كلنا دايما بنعرف نتجمع لاسباب كتيره ....... فقمنا اقترحنا الفكره دى (فى المضيفه ) ..... مضيفة بيت المدونين .....

هنا هنستضيف مدون فى تدوينتين ورا بعض .....
الاولى هتكون لاعلان اسم المدون الضيف وده هيبقى هدفه ان كل الناس اللى عايزه تبعت سؤال للضيف او توجهله كلمه ، او ( الاتنين ) هيجوا ويكتبوا فى التعليقات اسألتهم ....
( وهتبقى التعليقات عليها اشراف ، وغالبا مش هتتنشر وهتتجمع فى شكل اسئله وهيتم ارسالها للضيف علشان يجاوب عليها )

وهنا هييجى البوست التانى اللى هيبقى عباره عن اجابات (المدون  الضيف ) على الاسئله دى او الرسايل دى ......

الهـــــدف

زيادة فى معرفتنا ببعض .... قراءه لاتجهات بعض ..... معرفة جزء اوضح لمن هو خلف الشاشه  .... حيث ان الشاشه تحجب الكثير وغالبا من هو خلف الشاشه ليس كما هو امامها  ........ (فقد يكون حزيناً فى التدوين طوال الوقت  ومقطع قلبنا معاه ومخلص مناديلنا ....... بالرغم من انه مرح جدا فى الحقيقه طوال الوقت ......)

( هذا مثال من عدة امثله ).





نرجوا وضع الاقتراحات من هى الشخصيه القادمه


دمتم بخير



هناك تعليقان (2):

ظلالي البيضاء يقول...

السلام عليكم ورحمة الله وبركاته ..
أحببت أن أنضم لبيتكم ..
لكنني لم أعرف الطريق لذلك ..مع التحية الطيبة

ويكا يقول...

صاحب الظلال

حللت اهلا ونزلت سهلا

نتشرف بأن ضفنا مدونتك الكريمه الى ريدر البيت