الثلاثاء، 14 فبراير 2012

مبادرة المعونة المصرية + تحديث

ما شاء الله ولا حول ولا قوة الا بالله 
لازال الاقبال يزيد اولاً بأول على المبادره على الجروب على الفيس بوك 
مما يؤكد انه يوجد اناس صادقون عمليون فى حبهم لهذا البلد
وكلهم بفضل الله يسأل بحماس عن رقم الحساب 
منهم من هو بداخل مصر ومنهم من هو بالخارج
الا ان الجميع اتفق على اننا 
ولابــــد وان

" نحيـــــــــــا كــــــــراماً "

 شاركوا معنا على مدوناتكم او على Event جروب بأيدينا مصر بكره احلى 
على الفيس بوك

سنحيا كراماً

انا مع المبادره دى ان شاء الله 
وناوى اتبرع باذن الله 
هاااا؟؟؟ هتبقى معانا؟!!
ولا هتكتفى بالشعارات والكلام الكبير ؟َ!!!



الشيخ حسان يطلق مبادرة المعونة المصرية للاستغناء عن الأمريكية ويقسم بجمعها فى ليلة
__:::__
أطلق الداعية الإسلامى، الشيخ محمد حسان، مبادرة حملت اسم "المعونة المصرية" للاستغناء تماما عن المعونة الأمريكية، "عسكريا واقتصاديا"، بحيث يبدأ التنفيذ الحقيقى للمبادرة من الليلة، تمهيدا لإبلاغ الجهات المسئولة فى مصر، وهم (المجلس العسكرى ومجلس الوزراء ومجلس الشعب) بإلغاء المعونة الأمريكية نهائيا، وتعهد "حسان" بجمع مبلغ المعونة فى ليلة واحدة، قائلا: "أقسم بالله وعلى مسئوليتى أمام الله أن الشعب المصري سيجمع مئات الأضعاف مما كانت تقدمه لنا أمريكا من معونات تافهة".

جاء ذلك، على شاشة التليفزيون المصرى، من خلال برنامج "ستوديو 27"، حيث كان ضيف البرنامج الذى استمر حتى الساعات الأولى من صباح اليوم الأحد، وأضاف: "أقول لأمريكا.. مصر قامة كبرى.. وستبقى قيمة إلى أبد الدهر.. ولن نركع أمام معونتكم التافهة.. ولن نُذل أمام بضع ملاليم.. وأقسم بالله أن الشعب المصرى سيجمع من خلال شبابه وعلمائه ورجال أعماله..حتى السيدات اللاتى يبعن "الجرجير والطماطم فى الشارع".. عشرات المليارات من الجنيهات لهذه المبادرة، حتى لا ينكسر المصريون أمام دولة عدوة مثل أمريكا.

أضاف: "إذا كانت أمريكا تحاول كسر مصر بـ 1,3 مليار دولار، فإننى أقسم لكم بأننى بهذه المبادة -بفضل الله- أستطيع جمع هذا الملبغ فى يوم واحد، لأن مصر أرض العطاء، والجود، ولن يقبل مصرى واحد أن تذله أمريكا مهما كان المقابل "وحتى لو مات من الجوع".
وقبيل انتهاء البرنامج بدقائق معدودة، انهالت المكالمات الهاتفية لتأييد المبادرة، من رجال أعمال مصريين، غالبيتهم يعيشون خارج مصر، وعدد من القضاة والمستشارين، وائتلاف ضباط الشرطة ونقابة الفلاحين وعمال مصانع النسيج والشيخ أحمد المحلاوى، خطيب مسجد القائد إبراهيم بالإسكندرية، معلنا أنه سيبدأ من اليوم جمع التبرعات رسميا تحت اسم "المعونة المصرية".

وطالب المتصلون بالبرنامج -الذى رفض الرد عليهم لكثرة عددهم وتأخر الوقت- معرفة رقم الحساب الذى سيتم التبرع عليه باسم المبادرة، فرد الشيخ محمد حسان بلغة الفخر من سرعة رد فعل الجمهور مع المبادرة وظهرت فى عينه الدموع: "مصر لن تسقط.. وغدا سيتم البدء فى فتح الحساب بعد الاتفاق مع المسئولين بالدولة".





السلام عليكم ورحمة وبركاته 



الزميل / الزميله المدون 

يدعوك بيت المدونين 

للمشاركه فى مبادرة " المعونه المصريه " 
من خلال مدونتك الكريمه 
المبادره ابتدأها بعض المشايخ المحترمين للرد على تهديد امريكا بقطع المعونه عن مصر 
مع العلم ان هذه المعونه لا تغنى ولا تسمن من جوع فهى دائماً مشروطه ويتم انفاقها على الخبراء الامريكان الذين يتم اشتراط تواجدهم فى المشاريع التى توجه لها المعونه ، بالاضافه الى المحاصيل التى يتم الاشتراط على مصر فيها شراءها من امريكا وأشياء اخرى كثيره لا مجال لحصرها 
فبالتالى كانت هذه المعونه وبالاً على مصر . اقتصادياً وسياسياً وعزة وكرامه

وقد آن الاوان لوقفها واثبات اننا رجالا لا نمد الايادى لغيرنا 

نريد ان :
نحيا كراماً 

رابط المبادره على بيت المدونين :


رابط المبادره على الفيس هو :


http://www.facebook.com/events/307332485983060/


حساب البنك سيتم نشره قريبا
ان شاء الله


هناك 32 تعليقًا:

ابراهيم رزق يقول...

عندما نتكلم يجب ان نكون عمليين

اتحدى ان يتكلم محمد حسان عن الاموال التى تأتى من السعودية و الامارات و قطر

هو لم يفتح النار على المعونة الامريكية الا بعد الخلاف بين المجلس العسكرى و امريكا فمنذ اكثر من 35 عام تأتى المعونة الامريكية و لم نسمع لمحمد حسان صوتا و منذ قيام الثورة و المعونة الامريكية تطرح لماذا الان فقط تكلم محمد حسان و بكى
الاجابة واضحة محمد حسان يعمل لحساب المجلس العسكرى هذا هو المنطق الواضح
من السهل ان نضع السم فى العسل فى شكل مبادرات و غيره و نبكى و نزرف الدموع
انها لعبة السياسة لها من يديرها و لها ادواتها و محمد حسان احدى ادواتها
مثلما كانوا يوزعون صوره فى الدعاية الانتخابية و بعد ان انتهت الانتخابات صحى و فاق و تبرء ممن يوزع
انا مع المبادرة و لكن بشرط ان يعلن هذا الموقف من اموال قطر و الامارات و السعودية و لكنه لن يقدر
لانه ببساطة ؟؟؟؟؟؟؟؟؟ للسعودية
و المجلس العسكرى كلب لقطر و الامارات و السعودية

ظلالي البيضاء يقول...

أبارك هذه الخطوة الطيبة ..
وأرجو أن يوضع رقم الحساب في تدوينة خاصة هنا .. لأنني شخصياً وبكل فخر سأساهم من سوريا الجريحة بدعم هذه المبادرة ولو بدراهم قليلة .. فكلنا أمة واحدة .. ولن نركع إلا لله ..

شكراً لبيت المدونين على طرح هذه التدوينة وبانتظار رقم الحساب .

ويكا يقول...

يا استاذ ابراهيم

ربنا يكرمنا ويكرمك يا رب

احنا دلوقتى بنتكلم عن مبادره طيبه من شأنها رفع رأس مصر والمصريين ، و إرجاع بعض من كرامتنا التى استذلت من قديم الاذل بسبب الخانعين والعملاء الذين تنقبوا البلاد ، وليس هدف المباده هنا القول ان محمد حسان هو راعى الامه او مخلصها او حتى اى احد اخر

دعنى ننظر للمبادره بعين اكثر ايجابيه وحباً للوطن
فجميعنا مع اى احد واى توجه مادام الفعل والعمل لمصلحة اوطاننا وامتنا


وكنت اتوقع من حضرتك ( وخاصة لعلمى بمدى ايجابيتك وتفاعلك ) انك ستتبنى الفكره بسرعة البرق وتدعوا لها معنا ، وتكون مفتاحاً للخير مغلاقاُ للشر .... وتنحى الاختلاف فى وجهات النظر بين اى ايدولوجيه وتبنى هذه الفكره الطيبه المباركه

اعلم ان ردك لا يعنى عدم موافقتك على الطرح والفكره .... واتعشم كثيراً فى تعاونك معنا فى هذه الفكره ونشرها
فكم هو من الرائع التوحد بعد خلاف عندما يتوحد الهدف وتتوحد الوجهه

ننتظر مشاركتك ودورك معنا ان شاء الله

وفى انتظار اقتراحاتك البنائه فى نشر الفكره

ويكا يقول...

ظلالى البيضاء

رفع الله الكرب عن اهل سوريا ..... وانجاهم الله ولا انجى الجبناء

مشكور اخى الفاضل وحبيبنا فى الله
وانها والله لمصلحة امه وليس وطن فقط

ورأس لن تنكس باذن الله طالما فيها امثالك


ان شاء الله الاعلان عن الحساب قريباً باذن الله

أحمد عبد الحميد يقول...

توقيت الكلام مش مريح
الأولى إنه يناشد المجلس بعدم تقبل المعونة من أمريكا وليكن ما يكون
طيب لو ماعرفش يجمعها حيقول للمجلس معلش بقى خدوا المعونة علشان مش عارفين نجمع بدالها؟
طيب والمجلس اللى عمال يخوفنا بمخططات أمريكا وتقسيم مصر كان ليه بيستقبل الوفد العسكرى الأمريكى وصورهم ماليا الدنيا وهما بيضحكوا وأخر زقططة
كفاية لعب بعقول الشعب المصرى أيها الحكماء والشيوخ

richardCatheart يقول...

بصرف النظر ان اللى عامل المبادرة دى محمد حسان الا انها عجبانى وهحاول اشارك فيها ولو اللى عملها اى حد تانى غير حسان ومش متفقه معه او معه اتجاهه بردو كنت هشارك فيها... بس فى حاله ان اتخذت المبادرة اى اتجاة اخر اعلن انسحابى من دعمها نهائيا وارجوا انها تكون خير وماورهاش اى دوافع تانية

بيت المدونين يقول...

ابو حميد

معاك حق ، بس هنرجع ونقولك هو فعلا ناشد المجلس برفض المعونه تماماً لانه مقتنع وواثق فى المصريين ونخوتهم

وهنرجع ونقول برده
بغض النظر عن مين صاحب المبادره

الراجل مش هياخد الفلوس لنفسه ولا لجمعيه اهليه هو بيديرها

الراجل بيقول للمصريين اعينوا انفسكم واجعلوا ايديكم هى العليا
ولا تخضعوا لامريكا بشوية دولارات ليس لها اى لازمه

وعموماً : ايه رأيك لاول مره فى حياتنا تيجى ناخد موقف الفاعل مش المفعول به

وبدل ما نشكك فى قدراتنا اننا نعين بلدنا بايدينا واننا ممكن ما نقدرشى نلم الفلوس
ماتجيى نكون اكثر حباً و غيره للبلد ونجتهد ونشجع بعض ونتبنى المبادره

الراجل يشكر انه بدأ الفكره .... تعالى بقى احنا ننفذها مش اى حد تانى


تعالى نبقى ايجابيين ونتوقف عن التخوين والتحفظ عندما تأتى مصلحة مصر والامه

جمعنا للتبرعات لن يضر مصر ابداً
وساعتها ماحدش من الساسه هيبقى له حجه قدامنا
انتخابات وانتخبناهم معونه وايديناهم

تعالى نخلى مصر بتاعتنا فعلاً

بيت المدونين يقول...

مارو

شكراً ليكى

ودايماً ايجابيه وسباقه

وزى ما قلتلك
مش مهم مين اللى قال
المهم احنا هنعمل ايه

أحمد عبد الحميد يقول...

مع كامل إحترامى للشيخ محمد حسان وللمبادرة
أنا شايف إنها لإستكمال صورة المجلس اللى واقف فى وش أمريكا (والكلام ده مش حقيقى) علشان كده أنا مش مؤيد لفكرة حيكون الهدف منها تجميل صورة المجلس فى نظر الشعب..
دى وجهة نظر شخصية على فكرة ومن حق أى حد يقبلها أو يرفضها

richardCatheart يقول...

فى شويه حاجات عايزة اعرفها لان مافيش معلومات متوفرها عنها

زى مثلا المعونه مش كلها فلوس سايله فى حاجات عينية تمام هتتجمع كلها فى شكل فلوس السؤال من المنوط كشخص او جهه بالفلوس دى ؟؟؟

المعونه كانت بتيجى للحكومه ه الفلوس دى هتتم من اشعب اغلبان وتروح للحكومه

ولا هايتم التصرف فيها ازاى ؟؟؟

سواح في ملك اللــــــــــــــــــه- يقول...

ايوه كده عايزين نوري العالم

الوجه الجميل لمصر

اللي عمرها ما تخضع ولا تقع بأذن الله

انشاء الله هما يفتحوا حساب واحنا كلنا لمصر

yosef يقول...

اولاً
الموضوع ارتجالي بحث
الفكرة عظيمة
ولكن ....!!!
لكي تنجح لا بد ان تبدأ صح
ولكيّ نبدأ من نقطة صحيحة يجب ان تكون المبادرة جماعيّة ومنظمة ...
رغم الثقة الكاملة في حسن نوايا الشيخ محمد حسان ولكن النوايا الحسنة لا تكفي

لماذا لم يشارك الآخرين في الفكرة بحيث تنزل الفكرة متكاملة وباسم مجموعة من اهل الثقة والمخلصين لمصر

انتهى زمان المبادرات الفرديّة والعمل الفردي ونحن الآن نعيش زمن العمل الجماعيّ المنظم

اذا كان الشيخ محمد حسان قادر على جمع 8 مليارات جنيه مصري في يوم واحد فعشرة من امثاله وهم كثر في مصر قادرين على جمع 80 مليار جنيه مصري او ما يعادل 13 مليار دولار امريكي

يد الله مع الجماعة
على الشيخ محمد حسان محاولة ترجمة الفكرة الى عمل جماعي منظم ليضمن نجاحها والا ....لن تنجح مبادرات شبيهة بعد ذلك وتصبح المعونات الامريكية وغيرها هي الحل الوحيد

eng_semsem يقول...

انا مؤيد الفكره بغض النظر عن من اطلقها
ولكن لابد ان تكتمل الفكره
تحياتي وانا معكم

بيت المدونين يقول...

ابو حميد

انت هتتبرع علشان مصر .... علشان تحرج المجلس العسكرى وتحطه امام واقع وتقوله " مابقاش لك حجه "

وعلى الله تخضع لامريكا بقى تانى ، ادينى دعمنا البلد بالجهود الذاتيه اهه ورينا بقى هترفع راسنا ازاى مع الكلاب دول


هو ده اللى احنا عايزين نعمله يا ابو حميد

سيف الدين اليزل يقول...

الموضوع ده محتاج البت خيخة

حد يبلغها يا جماعة

يمكن لما تعرف ان فيه حاجة كدة
ترجع تفتح مدونتها


وانا معاكم مؤيد للفكرة

بيت المدونين يقول...

مارو

اسألتك فى محلها ، ولازم تتجاوب

ونعتقد مع الاعلان عن فتح الحساب والاعلان عنه سيتم توضيح كل مثل هذه الامور وان لم يتم توضيحها سنطالب بتوضيحها

المشكله الكبيره بقى اللى ما حدش حطها فى حساباته لشدة اهتمامه بالهجوم على شخص المبادر نفسه او المجلس
هى ان المجلس نفسه فعلا يطلع متآمر ويرفض المبادره دى علشان يفضل عنده حجه ان يسمع كلام ماما امريكا

بيت المدونين يقول...

سواح فى ملك الله

هو ده الكلام الصح

الله يفتح عليك زى ما فتحت صدرنا وجعلتنا نتفائل

بيت المدونين يقول...

eng _ semsem

ده اللى متوقعينه منك

ظننا فى محله والحمد لله
ياريت نفسك معانا وتتبنى الفكره وننشرها بغض النظر عن صاحبها


وان كنا نكن له كل احترام وتقدير واجلال

سيف الدين اليزل يقول...

اشمعنا بقا تردو على كل الناس معادا يوسف وانا

احنا مغضوب علينا ولا ايه ؟

بيت المدونين يقول...

يوسف

معك حق

وهذا ما يجب ان نسعى اليه جميعا الفتره القادمه ان شاء الله

بيت المدونين يقول...

سيف الدين


هاهاهاهاها

اضحك الله سنك

لا لسنا غاضبين عليكما

الا اننا لا نجد ما نرد به على تعليقك
فتعليقك لا يوجد به اهتمام بالفكره نفسها .... فلذا التزمنا الصمت

سيف الدين اليزل يقول...

هو لازم اقول كلام كتير زي باقي صحابكم عشان ابين انى مهتم بالفكرة
ما انا قلت انى معاكم ومؤيد ليها
بس فهمت انكم انتو كمان مستنين رقم الحساب اللي هيعلن عنه الشيخ حسان

هو انتو بتاخدو بس باللي بيتكلم كتير وهما دول اللي تهتمو بتعليقاتهم و تردو عليهم والباقي تطنشوه ولا ايه؟

وهو انا لما اقول حد يبلغ خيخة ابقى كدة مش مهتم بالفكرة

انا بقول كدة لان خيخة كانت اول مدونة تدعو الناس لعمل خيري عظيم وهو التبرع بالدم
وهى دايما بتشارك فى الحاجات اللى ليها علاقة بخدمة المجتمع
يعنى لما جبت سيرتها كان في سياق الفكرة نفسها ومن ضمن اهتمامى بفكرة المعونة المصرية


انا قلت كلام كتير اهو انشروه بقا وردو عليا

بيت المدونين يقول...

سيف الدين

بنعتذر عن اى سوء فهم

لا نقصد اى شئ

شكراً لك

ابن الإيمان يقول...


السلام عليكم:
مبادره عظيمه وشجاعه..
لماذا لا نحللها كالتالي:

لاول مره شخص ياخذ على عاتقه هدف ثقيل كهذا, الشيخ حسان كان يمكنه الصمت والاكتفاء بالفرجه كما يفعل البعض, ومبادرته مغامره..لنفترض (لا سمح الله انها لم تحقق الهدف وكانت ضعيفه..)ماذا سيكون موقفه أمام منتقديه ؟؟

ثانيا:
كما تفضل الاخوه:
هي احراج لكل من يتكل على الاجنبي , ومنهم نظام الحكم..الحالي وكذلك كشف لضعف ادارة الحكم السابق..وتبعيته غير المبرره للغرب..

ثالثا:
هي محك للثوريين الذين صدعوا رؤوسنا بخوفهم على الثورة, ها هو ميدان العمل تقدموا وقدموا لمصر (ام العروبة الاولى)..
رابعا:

أملي ان تنجح...ويتحقق أمل الشيخ وأمل كل حر..
عندها ستكون نصرا مؤزرا يرفع معنويات الجميع..من المحيط الى الخليج وليس المصريين فقط..

لكن السؤال:
هل سيظل هناك من يضع العصي في دواليب المسيره يا ترى بعد ان يرى البرهان على صدق من يعمل لرفعة مصر..؟؟!!

نسأل الله تعالى ان يتم النجاح ومن مبادرة الى مبادرة اقوى والى الامام..

شخصيا:
أرى راي الشيخ حسان ,وأرى انها ستكون بداية البدايات الجيده بعد الربيع العربي..

أخوكم

بن الايمان

غير معرف يقول...

ياريت المشرف ويكا يفتح التعليقات عنده فى مدونته الخاصة عشان اقدر ابلغه رسالة
بدل مانشرها هنا وبيتهيالى ان المدونة دى مشتركة وفيها مشرفين كتير واحتمال حد منهم يقرا الرسالة وتحصل مشكلة

بيت المدونين يقول...

ابن الايمان

اخونا الفاضل

لا فض فوك يا اخى والله

هكذا الرجال عندما يتعرضوا للحق

نسأل الله ان يكثر من امثالك

ويزين الجميع بنعمة عقلك وحيادك

بيت المدونين يقول...

الاخر الغير معروف

بالنسبه للمشرف ويكا
نظن انه لو كان يريد فتح التعليقات لاستقبال تعليقات خاصه لكان فتحها

اما لو هناك شئ هام جدا بهذا الشكل يمكنك مراسلته على الايميل الخاص به وهو :
agmalma@gmail.com

شكراً لك

Haytham Kilany يقول...

أولا : مش هنطلع مليم غير لما نعرف هيروح فين وهيجيى منين وتتعمل لجنه محترمة لمتابعته

ثانيا : اللى عايز يبنى مصر بجد عمره ما هيسأل مين صاحب المبادرة

تحياتى للجميع
مصر بكرة أحلى

مها البنا يقول...

معاكم .. بس اتمنى ان توضع فى موضع التنفيذ المخطط جيداً عن قريب على ان يتم مناقشة مصارفها فى مجلس الشعب حتى يتشجع المتشككين فى المشاركه وطلبا للشفافيه المطلوبه

عبدالرحمن المنزلاوى يقول...

وفقك الله يل شخنا الجليل توكل على الله فى رسم طريق تنفيذ هذه المبادرة وما عليك بقول مسيئ الظن ومحبطى الإرادةفإن كل من لايؤيد هذه المبادرة الوطنية فهو إما جاهل أو والعياذ بالله عدو للوطن فكل وطنى منفق فى سبيل الله يريد لبلده العزه والكرامة سيساهم فى هذه المبادرة دون ترددوسيبحث عن طرق المشاركة فلنتحد ونتوكل على الله لرفعة بلادنا

بيت المدونين يقول...

مها البنا

هو ده الكلام العملى

بيت المدونين يقول...

عبد الرحمن المنزلاوى

لافض فوك يا رجل

فين امثالك من زمان