الثلاثاء، 10 يوليو، 2012

بت خيخه واى كلام + تحديث

الحمد لله رب العالمين 
اطمنوا يا جماعه 
الزميله نوران بخير والحمد لله 


الشخص السخيف اللى كان باعت التعليق 
كان بيقول كلام معناه 
ان ربنا يبارك فى عمرها انها توفاها الله 
فعلا عالم سخيفه


الساده المدونين الاعزاء 
تحيه طيبه وبعد
نعتذر لكم عما قد يسببه هذا البوست   او للاخت العزيزه المدونه نوران الشاملى صاحبة مدونة ( بت خيخه واى كلام ) من قلق او ازعاج
الا ان الامر يستوجب سرعة الاستجابه
فقد تم ارسال إلينا اليوم تعليقان من غير معروف
الاول موقع باسم "اسلام "
يسأل فيه عن المدونه العزيزه و سر اختفائها الفتره الاخيره 
وهذا سؤال طيب يحمل فى طياته الخير ويُحمد عليه
و نسأل الله العلى القدير ان تكون الزميله فى صحة جيده و طاعه للرحمن
و التعليق الثانى   من غير معروف ايضاً
الا انه لم يحمل اى توقيع كما انه  يحمل معنى غير سار بالمره بل مفزع عن الاخت المدونه 
لذا لم نقم بنشره حتى لا تحدث بلبله 
الا ان فحواه مهمه جداً وتستوجب الاهتمام 

لذا نرجوكم من يستطيع التواصل مع الاخت الكريمه المدونه / نوران الشاملى  صاحبة مدونة ( بت خيخه واى كلام )
 ان يقوم بالتواصل معها فورا ً والاطمئنان عليها وطمئنتنا عليها 
ونرجوا الا يتواكل احد على احد فى هذا الامر .... فالخبر مهم للغايه 
كما نرجوكم الا تبخلوا علينا بإبلاغنا بأى جديد وقت حصولكم عليه 

شكراً لكم 
ودمتم فى خير و طاعه و رضى من الرحمن

شكراً لكم


هناك 17 تعليقًا:

غير معرف يقول...

هو المشرف اللي كتب البوست ده خد اذن من المشرف ويكا ولا كتبتوه من وراه
كلنا عارفين ان ويكا مبيطقش خيخة الحقو بئا شيلو البوست ده قبل مايشوفه و يولع فيكم وفى بيت المدونين وفى خيخة نفسها هههههههههههههههههه

ظلالي البيضاء يقول...

لا أعرف الأستاة نوران سابقأً .. لكنني أسمع سيرتها الطيبة في مدونات صديقة .
وأرجو المولى تعالى أن تكون بألف خير ..
وأن نطمئن عليها قريباً ..
دمتم طيبين ..

غير معرف يقول...

ده رقمها اللى كانت بتحطه فى بوستات دعوة التبرع بالدم 01019790270
بس انا اتصلت عليه الصبح علشان اسالها عن التبرع بالدم لقيته مقفول
وسالت المدونين اللي اعرفهم محدش منهم معاه رقمها الخاص
الواحد كان ممكن ميقلقش عليها لان هى بقالها فترة بتختفي وتظهر
بس المشكلة ان دى اول مرة خيخة متعلنش عن التبرع بالدم وده اللى مخلى الواحد قلقان
بس انا بصراحة مستغربة مش قلقانة عليها!!!


مروة

Bahaa Talat يقول...

السلام عليكم..
بعد إذنكم فقد قمت بنسخ الرسالة وقمت بإعادة نشرها في مدونتي!

زينة زيدان يقول...

أتمنى أن تكون بخير
ويصلنا خبر يطمئنا عنها

Haytham Kilany يقول...

أعتقد أن دة الطبيعى بتاعها
لكن بما أن جات رساله من حد بيقول انه فيه حاجة
يبقى وجب السؤال والاطمئنان

غير معرف يقول...

كما انه يحمل معنى غير سار بالمره بل مفزع !!!!!!!
مفزع ازاي يعني ؟؟؟؟
ربنا يستر
طيب عرفتوا حاجة عنها ولا لسة ؟

كريمة سندي يقول...

أتمنى أن تكون بخير وعافية طمنا عليها

Hani يقول...

انا مش عارف ازعل ولا افرح
هي نورا دايما كدة بتعمللى حالتين عكس بعض
>
>
>
>
>
>
>
>
>
هو اول تعليق ده عادى ؟؟؟؟؟؟
انا حاسس انه مش مقبول انكم تنشروه
إلا بقا لو فعلا المشرف ويكا مش طايقها بجد
وانتم عايزين ان الرسالة توصلها
!!!!!!!!!!!!!

Hani يقول...

و عموما ً
يا شباب
اطمنوا نورا بخير والحمد لله
هى واخده اجازه شويه بس من باب تغيير الجو وهترجع تانى على طول

شكراً على اهتمامكم وربنا يخليكم لها ويباركلها فيكم

ويكا يقول...

ايه ده ؟!!
مين بيجيب فى سيرتى ؟!!
من انتم ؟!! من انتم ؟!!

هههههههههههههههههههههه

كل ده .... البت ماتت وصحيت تانى .... وانا بكرهها ومش طايقها ؟!!!

ههههههههههههههههههههههه

يا نهار اثوييييييييييييد

يا اخوانا انا قلتلكم قبل كده البت دى زى القطط بسبع ترواح

عموما حمدلله على سلامتها :))

وشدوا حيلكم يا شباب
عايزين البيت يرجع ينشط تانى ... بس بشكل افضل واكثر فاعليه

ومره تانى حمدلله على سلامتها

وشكراً يا استاذ هانى على تطمينك لنا عليها

ووووو
اقعدوا بالعافيه

ღ..Rozy.. ღ يقول...

هو فى ايه ياناس :D

على العموم ان شالله تكون نور بخير
وترجع بالسلامة ترد هى وتطمن الناس عليها ..

إسلام يقول...

كنت اتوسم فيكم امانة نقل المعلومة
ولكن ان تنشروا تعليقا غير مؤكد من شخص لم يوضح ما علاقته بالزميلة نوران
ولم يعطي سببا واحدا مقنعا يشرح لنا فيه ما سبب ان تمتنع نوران عن دعوتها للتبرع بالدم
فقط لتريحوا ادمغتكم فهذا لم اكن اتوقعه منكم
فالتعليق الثاني للاخ هاني لا يطمئنا عليها ولا اعرف كيف لكم ان تسلموا به؟

اذا كانت نوران بخير فأين هي ولماذا لم تكتب شيئا بنفسها ولماذا لا تنشر التعليقات على تدوينتها الاخيرة ولماذا لم تنوه عن دعوتها للتبرع بالدم حين جاء موعدها او اضعف الايمان كانت لتكتب شيئا على سبيل الاعتذار عنها ان كان فى غير وسعها ان تحضر

كل ما اعرفه عن نوران ان ما من شيء يجعلها تمتنع عن الحضور للتبرع بالدم
وان حدث شيئا لدعت الناس وحثتهم على الحضور حتى ولو كانت لن تستطيع هى الحضور
ولكن ان لا تحضر ولا حتى تحث الناس على الحضور من دونها فهذا ما يثير القلق
ولا يخمد القلق الكامن فى الصدور بتعليق من شخص يدعى هاني

ارجو منكم التأكد بان نوران بخير فعلا ولتطمئنونا عليها

بيت المدونين يقول...

استاذ اسلام

لا تقلق هى بخير
والاستاذ هانى معروف

شكراً لقلقك عليها واعلم اننا لا نترك شيئاً او نصرح به الا ان نكون واثقين منه

شكراً مره اخرى

غير معرف يقول...

ليس كمثلها أحد

ليس كمثلها شيء

أنا حقاً أفتقدها

افتقد كرهي لها

وأفتقد عشقي لها

ويكا يقول...

ان لله وان اليه راجعون

نستغفر الله العظيم من هذا الضلال المبين

اسمها :

" ليس كمثله شئ وهو السميع العليم "
ولا تتغير الجمله ولا تتبدل ولا يشاركه العظمة ولا التفرد احد سبحانه لا اله الا هو

ارجوا من المشرفين على البيت مسح هذا التعليق المشين

غير معرف يقول...

يا اخوانا فات اكتر من شهر على غياب نورا ومظهرتش لسة
ده نسميه ايه