النهاردة عيد ميلادي
النهاردة هاكمل تلاتة وتلاتين سنة
كتير ... مش كدة؟
بس اللذيذ فى الموضوع انى مش حاسة انه كتير
مازلت حاسة من جوايا انى لسة صغنونة
ودى حاجة كويسة
ولسة شكلي مش باين عليه انى عديت التلاتين
ودي حاجة رائعة
انا مبسوطة والحمد لله
وناوية ابسط نفسي اوي النهاردة
مش ناوية انكد عليا
ناوية ازئططني وادلعني وافرفشني
يارب اجعلها سنة سعيدة عليا
اكون فيها اكثر إيماناً و طاعة ليك
واقل ارتكابا للذنوب
و أقل وزناً
و اكثر أمومة
و أكثر تبرعاً بالدم
و أكثر تسامحاً
اى نعم معنديش هدف محدد عايزة اوصله السنادى
لكن اتمنى انى اكون انسانة كويسة ربنا راضي عنها
يارب حبب فيا خلقك
وابعد عنى ولاد التيييييت
يارب ماتحوجنيش لحد ابداً
يارب بارك لي في إبني
يارب ارضى عني
واغفرلي ذنوبى
وسامحنى على أى حاجة غلط عملتها بقصد او بدون قصد
***
بحبكم كلكم
ولو حد فيكم زعلان مني ياريت مايزعلش
ويسامحنى على اى حاجة عملتها غلط فى حقه
****
بس خلاص
وكل سنة وانا طيبة
****
اختكم نورا
كل سنة وأنتى طيبه يا أحلى خيخه
عيد ميلاد سعيد عليكى
يارب
الصراحه ملقتش أحلى ولا أجمل من كلامك أقوله
ربنا يحقق لك كل اللى تتمنيه
ويخليلك شريف
يارب العالمين
بنت خيخه وأى كلام
ونبتدى حفلنا الساهر بأحلى الأمنيات
وأجمل الدعوات
ربنا يسعد قلبك
كمان وكمان
يلا حالا بالا حيوااااااااااا أبووووووووو الفصاد
هيكون عيد ميلاده الليلة أسعد الأعياااااااااد
فاليحيا أبو الفصاد
هييييييييييييييييييييييييييييييييييييييييييه
ويلا شوية تورتات ومشروبات
بالهنا والشفاااااا
فريق عمل بيت المدونيين
هدية الحب الجميل
كل سنه وأنتى طيبه يا حبيبتى
هدية ويكا
هدية مارو
هدية خواطرى مع الحياة
هدية فينوس
هدية جايدا العزيزى
هناك 15 تعليقًا:
كل سنة وانتي طيبة وعقبال 100 سنة
كل سنه وانتى طيبه يا خيخه
عقبال مليوووون سنه
وفرحانه بشريف
يارب
يا صباح الفل
كل سنه وانت ديما احلى واجدع واطيب
يارب سنه سعيده عليكى كلها خير
تعالى هنا بقى انا عايزه كادر
طيب تعالى الفصل وشوفى التدريس العملى اللى على اصوله
بس اوعى تقولى جاااااااااه ههههههههههههههههههههههههه
خدى يا ابلتى هديتك اهى علشان تكملى المسيره التعلميه التقدميه
http://www.anahawaa.com/album/1241030746.jpg
كبيره علشان الشرح يبقى واضح
http://4photos.net/photo/www_4photos_net_1139381666.jpg
هاتى بوسه بقى انت عارفه منين ههههههههههههههههه
كل سنة وأنتى بخير ويارب السنة الجديدة أحلى من كل اللى فات وأكتر من ما أنتى عاوزة
كل سنة والقمر بخير وبسعادة وبحب كل سنة وانتش طيبة يا جميلة
وانا عايزة من التراميسو اللي فوق ده ماليش دعوة
كل سنه وانتى طيبه يا نورا
وعقبال ما نحتفل بالعيد الماسى
بس عارفه اجمل شئ احساسك بالطفله اللى جواكى
اقولك كلمه سر بس فى ودنك علشان محدش يسمعنا
( بنت يا ايمى ودى ودنك الناحيه التانيه علشان مش تسمعى ) انا يا قمر عندى نفس الشعور والاحساس حتى لو لو وصل عمرى 70 سنه برضه ح ابقى طفله مش ح اكبر ابدا
ربى يسعدك
وسنه سعيده عليكى
ويباركلك فى شريف وابو شريف
سمعت سمعتتتتتتتتتتتتتتت يا مرمر
ههههههههههههههههههههههه
مش عارفه انا ايه يا اخواتى اللى الستات دى
اللى عايزة تصغر نفسها بالعافيه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
كل سنه وانت طيبه يا نورا وعقبال مليون سنه وربنا يبارك ليكي في ابنك شريف
كل سنه وانت طيبة ويارب تكون اجمل سنه عليك وتكوني سعيده ويحقق كل امانيك
عيد ميلاد الليلى مين
عيد ميلاد النونا
ونفرحكم ياحلوين ونشلهى بعينونا
ودي هديتي ليك ياقمر
http://www.mar2a.com/wp-content/gallery/bracelets/bracelet-11.jpg
واجمل سلام لاجمل نورا.
كل سنة وانتي طيبة وعقبال 100 سنة تقضيهم في سعادة وسرور
يرااااااادل
كل دي حاجاااااات
ربنا يسهلووووووووو
انا بقرر مش بنق علي فكرا:))))))
عقبالنا ياااعم لما يكون عندنا كل الحاجات الحلوا دي
ويفتكرونا
يلا كل سنه وانتي طيبه وعقبال مليون سنه الا837456يوم بس:)
كل سنة وانتى بكل خير دايما يارب
http://i9.glitter-graphics.org/pub/1544/1544139equnvuoz15.gif
انا جييييييت
مش عارفة اقولكم ايه
كل سنة وكلكم طيبين
والف شكر على تعبك يا إيمو
والف شكر على تعليقاتكم
وهداياكم
عايزة اقول لإيمو ان الخاتم شكله يجنننننن
واقول لويكا ان انا فعلا كنت محتاجة ساعة واتبسطت ان فيه حد جابلى ساعة حتى ولو كانت مجرد صورة
اما مارو
فانا عايزة اقولها ان انا مش محتاجة سبورة وتباشير الادوات التعليمية اللى انا محتاجاها مالهاش عاقة خااااالص لا من قريب ولا من بعيد بالتباشير والسبورة
انا هابقى اجيب معايا ادواتي
نيهاهاهاهاهاهاهاع
خواطرى مع الحياة
ده انسيال ولا خلخال
انا هاخليه انسيال لان عندى خلخال قريب منه اوى
فاممكن يبقوا طقم مع بعضهم
وفينوس بشكرها على التورتاية
بشكركم كلكم
بشكر كل وحد ساب تعليق هنا او عندى فى المدونة
وبشكر مرمر
وعايزة اقولها انى مطلقة
لانى حسيت انها بتدعي لابو شريف
اعتقادا منها انى على ذمته
بس برضه عموما يعنى طلاقى من ابو شريف
مايمنعش انها تدعى لابو شريف ان ربنا يكرمه
اصل هاني طيب ويستاهل ان اى حد يدعيله
بشكركم كلكم تاني
واسفة انى اتاخرت عليكم
بس معلش كنت برة البيت ولسة راجعة حالا
شكرا ليكم كلكم
سلام
اختكم خيخة
نورا
كل سنه وانت طيبه ياقلبى
وعقبال 100 سنه
ويارب تتحقق جميع احلامك
ودى هديتى
http://img156.imageshack.us/img156/1301/68704247bo5qu9.png
تحياتى
كل سنه وانتي بالف خير يا قمر
إرسال تعليق