الاثنين، 17 يناير 2011

قلب القطه مــــارو (فى مضيفه بيت المدونين )

فى المضيفه




أول الضحايـــا

جادت بنفسها لتكون اول من يطبق عليه الفكره ..... انها حقاً قطه محترمه  ......   :))

كنا اتكلمنا قبل كده عن فكره هدفها اننا نتعرف على بعض اكتر من قرب ونتشارك ....... ونشوف بعض اكتر

وقولنا قبل كده ان اكتر الحاجات اللى كانت بتساعد المدونين انهم يعرفوا بعض اكتر وشخصيات وفكر بعض الحقيقى اكتر هى كانت التجمعات الفعليه ......
لكن بما اننا مش كلنا دايما بنعرف نتجمع لاسباب كتيره ....... فقمنا اقترحنا الفكره دى (فى المضيفه ) ..... مضيفة بيت المدونين .....

هنا هنستضيف مدون فى تدوينتين ورا بعض .....
الاولى هتكون لاعلان اسم المدون الضيف وده هيبقى هدفه ان كل الناس اللى عايزه تبعت سؤال للضيف او توجهله كلمه ، او ( الاتنين ) هيجوا ويكتبوا فى التعليقات اسألتهم ....
( وهتبقى التعليقات عليها اشراف ، وغالبا مش هتتنشر وهتتجمع فى شكل اسئله وهيتم ارسالها للضيف علشان يجاوب عليها )

وهنا هييجى البوست التانى اللى هيبقى عباره عن اجابات (المدون  الضيف ) على الاسئله دى او الرسايل دى ......





الهـــــدف

زيادة فى معرفتنا ببعض .... قراءه لاتجهات بعض ..... معرفة جزء اوضح لمن هو خلف الشاشه  .... حيث ان الشاشه تحجب الكثير وغالبا من هو خلف الشاشه ليس كما هو امامها  ........ (فقد يكون حزيناً فى التدوين طوال الوقت  ومقطع قلبنا معاه ومخلص مناديلنا ....... بالرغم من انه مرح جدا فى الحقيقه طوال الوقت ......)

( هذا مثال من عدة امثله ).

وطبعاً علشان نبدأ الموضوع ده ....... لابد من ضحيه نسمى عليها ... ااااقصد نبدأ بيها
وقد كان
فقد قبلت الاخت  المحترمه المبجله نورمندى توووو
يييييييه 
قلب القطه   اقصد 

انا شكلى شربت كابتشينوا ولا ايه ؟!!




ووافقت انها تكون الضحيه دى ........... هههههههههههه ..........يلا
كانت طيبه والله .... هه هنبقى نفتكرها بالخير ان شاء الله



المطلــــوب

الناس تدخل تسيب اسئلتها لمارو وتعليقاتها  (الموضوع زى تاج كده جاى لمارو ..... بس اكثر تفاعليه .... لانه متفَصل لها هى بعينها  ..... أسئله عنها هى
 (كمدونه طبعاً ) ....... مش أسئله ثابته جايه للكل ).



عايز حمااااااااس فى الاسئله ............ عايز خباثه ........ ههههههههههههههه
هو الواحد هيتسأل كام مره يعنى ..............

التعليقات عليها إشراف وهتتبعت للضيف إن شاء الله بأسم صاحبها مالم يطلب غير ذلك.


لما نشوف بقى الجماعه المدونين دول هيعملوا ايه لما حد يقع فى ايديهم
هههههههههههه

وبعدين انتوا جاييييين فى مييين
حبيبة الملايين
يعنى عايز احلى خربشه
هههه


هناك 19 تعليقًا:

richardCatheart يقول...

هههههههههههههههههههههههههه
بسم الله الرحمن الرحيم

ربنا يستر ومش عايزه العجل لما يقع تكتر سكاكينه
انا جيت انقذا للموقف كاضيف اول
ياريت يتم تقدير التضحيه دى علشان التدوين يعيش
ههههههههههه

ربنا يستر

ومتشكرين ياحج على التقديمه اللى كلها محبه واضحه
جدا منقبل سيادتكم

وحسبى الله ونعمه الوكيل فيك يا فخرى

لــــ زهــــــراء ــــولا يقول...

ماااااااااااارو
ياترى اسالها فى ايه امممممممممممم
عاوزه اقولك على سر انى كنت باكتب اسمها ماوووور مره قالت لى يا بنتى اكتبى اسمى صح هههههههه
على فكره شهادتى فيها مجروحه اوى اوى
سؤال بقى تقدرى تقولى اكتر موقف بكيتى فيه من قلبك واكتر موقف ضحكت فيه من قلبك
انتى عارفه انا ماليش فى الاسئله الساخنه خلينا فى الهاااااااااادى عشان مارو دى عشرة الايام الجميله

زهراء

ويكا يقول...

تنقذى ايه
هههههههه
دا الاسئله بجد شكلها هتبقى فى الجون

ههههههههه
الجماعه المدونين دول والله فعلا كل مره بيبهرونى .
انا شفت سؤال دلوقتى قصه لوحده.

دا انتى شكلك هتتقطعى فعلاً هههههههه

قلبى معاكى بجد
العيال بدأوا يمخمخولك

ويكا يقول...

ايمااااان
اوعى تغشيشيها اى اساله نهائى
انا عارف انكم اصحاب ، بس انا برده واثق فيكى.
مهما اغرتك ... سندوشتات عصير من الفريزر ... اياً كان

اوعى .... دا شغل يا ماما
وبعدين دى ماروا
يعنى لازم الحاجه تندلق كلها مره واحده عليها ..... ههههههه

يعنى انا عايزك تستغليها من الاخر .... لو فيه اى حاجه يبقى بالنص
اوك ؟!!

يا اخوانا انا بجد فعلا عايزكم تبدعوا

ستيتة يقول...

انا كنت معتقدة خير اللهم خير انكم قعدتم في الصورة اللي تجنن فوق دي من غيري
ولسه ها اخلع راسي بقى واكنس عليكم مش عارفة مين طلعتوا براءة
فعلا خيري تعمل شلبي تلقى

المهم أنا ريتشاردي بموت فيها موت كده ونفسي اقيم في الشوقة اللي جنبها لزم
وعليه
ياريت يا ريتشاردي تقولي لنا سر خفة دمك
هل هي وراثة فنحيلك لأساتذة الوراثة يدرسوكي ويستخلصوا خفة دمك كبسولات
وعلى راي طير انت لازم ماما نحلة كبيرة

ولا خفة دمك نتيجة لنظرية فلسفية في الحياة الدنيا
فنعرفها ونلتزمها

وما رد فعل مستر ريتشارد على خفة دمك هل يتجاوب معها بخفة دم مماثلة ولا ظروفه ايه بالصلى ع النبي؟

هذا مع العلم ان محدش اساسا ها يعرف انا بتكلم في ايه الا لو قعد معاك واقعيا :)

شكرا يا اخواننا اني كلمت مسز ريتشاردي قبل ما تقعدوا
وامانة عليكم لو عملتم مجلس كده زي الصورة لا تنسوا أختكم ستيتة المسحولة في ستة ابتدائي شهادة ياناس

Haytham Alsayes يقول...

اللي فهمته ان كل واحد يسأل اسئلة
لمارو
صح
اكيد صح
طيب اسأل
امممممممم

انت خريجة ايه يا مارو
وايه المواد اللي كنت بتحبيها
وايه اكتر حاجة بتزعجك
واكتر حاجة بتبسطك
وبس كفاية كدة

هاستني الاجابات بقي

تحياتي

غير معرف يقول...

متقلقش يا حج

هو أنا برضو بتاعة الكلام دا
اصحاب اه بس وقت اللعب مفيش هزار
هههههههههههههه

الشغل شغل
ولا اييييييييه ؟؟
هههههههههههههههههههه


قاعده على اعصابك انتى دلوقتى يا مارو
قلبى معاكى يا حبيبتى
وحياة البيتزا والكوكاكولا صعبانه عليا اووووووووى
هههههههههههههههههههه

ربنا معاكى
ياااااااااارب

Ramy يقول...

طب انا عمال من ساعت ما نزل البوست

أفكر اسأل اقول ايه مش عارف

طب هسأل و أقول أخبار الحج ايه

السلام امانة

مؤقتأً لغاية ما ربنا يسهل كدة و اعرف اسأل سؤال دسم (:(:

جايدا العزيزي يقول...

ههههههههههه

طبعا هبدأ واقول صلوا على الرسول

1_ اسمك

2_ سنك

3- ما هى الصداقه من وجهه نظرك وعل تثقى فى صداقه النت ومن هم اصدقائك المفضلين

4- من هم اغلى الناس فى حياتك

5- اذا طعنك صديق قى ظهرك ماذا ستفعلى

6- ما هى احلامك للغد

ما هو رائيك فى جايدا العزيزى كمدونه

حرام كده كفايه عليها

مش هش هتقل واسال رقم الموبايل والشبكه والعنوان

هههههههههههههه

احسن تطفش من بلوجر

بس والنبى ايمان شويه شيكولا وايس كريم احنا برده اصحاب

ههههههههههههههه

بالتوفيق يا قلبى

والدور الدور موعوده يالى عليك الدور

ههههههههههههه

انا مش معاكم انسونى

تحياتى

SHAPE YOUR LIFE (ABOALI) يقول...

قالت له
كلمنى عن الموت
ترى ماذا ستكون اجابتك
قالت له كلمنى عن اليأس
فماذا ستكون اجابتك
قالت له كلمنى عن الحزن
قالت كلمنى عن الفشل
قالت كلمنى عن الالم
قالت كلمنى عن السراب
قالت له كلمنى عن البلاء
قالت له كلمنى عن الندم
قالت له كلمنى عن الدموع
قالت له كلمنى عن المرض
قالت له كلمنى عن نفسك

فياترى يا قلب قطة ماذا ستكون اجابتك عليها

خالص تقديرى لانسانه من الزمن الراقى
قالت له كلمنى عن

Ms Venus يقول...

ههههههههههه ربنا يستر


مارو بصى يا مارو انا هبقى طيبة اوى معاكى جدا خالص ومش هسأل سؤال محرج علشان انا عارفة انه كاس وداير

هو يمكن مش سؤال اوى هو شىء انا لاحظته من بداية معرفتى بيكى كنتى بتدخلى مدوناتنا كلنا وتعلقى وتناقشى وتردى وتتفاعلى معانا بشكل جميل اوى ودمه خفيف
حبناكى كلنا فعلا من تعليقاتك الجميلة زيك

ولما عملتى المدونة فرحنا جدا انا شخصيا فعلا من قلبى فرحت

سؤالى بقى

هل انتى كنت مخططة تعرفينا الاول وبعدين تعملى مدونة ولا فكرة المدونة جاتلك ازاى ؟

وبس بقى

عاشقه الرومانسيه يقول...

بتحلمى بايه؟
خدى راحتك بقى فى الاجابه

م. حجاز يقول...

السلام عليكم
دا يمكن تكون تانى مره ليه فى بيت المدونين بس حبيت اشارك معاكم واضرب سؤالين فى الهوا كده واجرى مع انى مش عارف مين اللى هاتتسأل بس كان الله فى العون أنتم السابقون ونحن مش اللاحقون ابدا ان شاء الله

سؤالى يافندم هو هل تستخدمين التدوين كترفيه و متعه ومكان لتجمع الأصدقاء الحلوين ام أنه رسالة يجب عليك توصيلها الى الناس أم أنه طموح ما فى خيالك ؟ ولماذا تشعرين بالسعاده عندما تقرأين تعليقات بعض أصدقاءك رغم أنك تدركين تماما أنها من باب المجاملات فقط يعنى تجاملينى فى فرحى اجاملك فى فرحك وعادة معظم المدونات كده؟
سؤالى الأخير متى تتخذين القرار بالتوقف عن التدوين؟وما السبب؟

داليـ ـ ـ ـ ـ ـ ــــا يقول...

والله فكره جميله
السؤال لمارو
برنسس اليكس
إيه أكتر حاجه خلتك لجئتى للتدوين ؟؟
سؤال بالعاميه اهوو

Mona Hekal يقول...

حبيبة قلبي انا مؤدبة مش هاسأل اسئلة سخيفة لحسن يطلع عليا
هو سؤال و طلب ليه ماتسجليش الخواطر و الشعر بصوتك انا سمعتك و انتي بتقوليه كنتي هايلة
صبااااااااح الفل

Mohamed Elsayed يقول...

تستحق التحية للفكرة العبقرية

بجد فكرة حلوة لتقارب افكار المدونين

و دايما منورة يا مارو بكتاباتك مش ضحية لتضحياتك

ياريت يقدروا التضحية الغالية

و يا ترى يا مارو اول قصيدة كتبتيها كانت لمين؟

يا رب يكون سؤالى خفيف عليكى

ليس فقيرا من يحب يقول...

عااااااااااا انا لسه مش سألت كده بقيت طيشه انا ولا ايه
مليش دعوة سؤالى سؤال لولبى هل ياترى الحج ريتشارد مش بيغير من نشاطك التدوينى والنتاوى وماقصدش من ده انو منفسن من موهبتك كلا الفته هههههههه ولكن قصدى مثلا بتتواصلى مع رجال وكده وتعليقات ولقاءات مبيقوليكيش مثلا لاءة متكتبيش فى المدونه مترديش على رجاله او تهرجى معاهم وما الى ذلك
ههههههه هو سؤال اهبل بس بصراحه قطعوكى اسئله قولت انا اغير شويه

وحشتيييييييييييييييينى اووووووووووووووى
سلميلى على الحج والعيال وبوسيلى نفسك بوسه كبيييييييييييييير

باحث عن حب يقول...

سؤالى بقه لو وصل
اشمعنا قلب القطه مش فاره او تمساحه

richardCatheart يقول...

ههههههههههههههههههههههههههههه
هههههههههههههههههههههههههههههه
هخهههههههههههههههههههههههههههههه
اه يانى
انا ماشوفتش التعليقات غير بعد مارديت عليكم فى الاسئله والردو

هههههههههههههههههههههههه
حقيقى ماتصوريش ساعدت بيكم اللى يعرفنى واللى اول مره اعرفه هنا
بجد ربنا يخليكم رينا ويسعد قلوبكم
انا تعبت اه بس تعبكم الذ راحه فى الدنيا

كنت صريحه معاكم اوووووووى لدرجه خضه بعض الناس
اتمنى يارب تكنو مبسطوين معايا
بالبوست