في يوم وليلة
اتبدلت كل الخرايط في الكتب
وانتهي كل الكلام
صاح الشباب في ميدان كبير
واسع أوي مليان زحام
صاحوا وكانوا بيهتفوا
شيلوا النظام
فساد وسارح وسطنا
بقاله قول تلاتين سنة
وكمان عميل للأمريكان
هنقول لمين
إحنا الغلابة المظلومين
أصل الكلام في كلمتين
أولهم أنك أكلتنا اللحمة
مع إنها في الأصل طين
ووهمتنا بوهم السنين
ويا ما مات من بين إيديك
غلابة مطحونين
وجزارين وسباكين
وبنايين وحفارين
وسكرانين ودجالين
ناس كتييييييييييييير
منهم جهالة طيبين
ورجال كتير متعلمين
وفنانين ومثقفين
شوف إنت فين يا عمنا
وهما فين
ناس بتنعم بمليارات
وناس من قوتهم محرومين
لكن خلاص
بدأ الخلاص
نزل الشباب قلب الميدان
عشرات
ألوف
بقم ملايين كمان
يكسروا بعزمهم جبال تميد
ويفتتوا بجهدهم تلال جليد
ويدمروا قيد الحديد
ينادوا من بعد طول غياب
ويعرفوا طريق الحلم البعيد
ويشقوا ظلام الكون ده نور
ويطلعوا من كل سور
تصحي يا مصر تفتحي
علي يوم جديد
نلم الكل حوالينا
ولي وقمص
شاب ووليد
نهتف في قلب الميدان
بأعلي صوت
يحيا الشهيد
يحيا الشهيد
يحيا الشهيد
هناك 10 تعليقات:
كلمات في منتهى الروعة تعبر عن نبض الملايين الذين هم في ميدان التحرير وفي سائر الجمهورية
الذين استطاعوا رغم كل الصعاب ان يخرجوا من غفوتهم ويصرخوا في وجه الظلم والفساد
تحياتي
الشهيد عايش معانا ومش هنرتاح كلنا الا لما ناخد حقه من اللي قتله قريب ان شاء الله
كلمات رائعة تعبر عن كل فرد من شعبك يامصر
والله يرحم كل شهيد
"ولاتحسبن الذين قتلوا في سبيل الله اموات بل احياء ولكن لاتشعرون"
هيحيا في قلوبنا وعقولنا وفي التاريخ
وهيحيا قبل كده عند ربنا
ويكون في أعلى عليين
مصر الحقيقية رفعت الصخرة اللي كابتاها وكبتت على قلبها أكثر من ثلاثين سنة
كلمات الشكر عمرها ما تقدر تعبر عن الدين اللي البلد كلها شايلاه في قلبها لكل الشباب الفاهم الواعي الشجاع البطل اللي نزل وهينزل وبينزل
اللي بيدعم وبيوعي وبيحارب عشان وطنه وعشان أهله ونفسه إخواته المهمشين
كلمات معبره من ارض الواقع الاليم
ربنا يرحم موتانا
ويعم الامن والاستقرار والامان لجميع شعب مصر
ناس بتنعم بمليارات
وناس من قوتهم محرومين
لكن خلاص
بدأ الخلاص
نزل الشباب قلب الميدان
عشرات
ألوف
بقم ملايين كمان
" يحيى الشهيد ويسقط الفساد والظلم ...يحيى الشهيد "
لولا
فعلا كلمات معبره من قلب الميدان
اهنئك علي صياغه المشاعر علي هيئه كلمات
سلمت يمينك
بجد روعة
الله ينور عليك يا شاعر البلوجر
مشاعر فى منتهى الصدق
ربنا يحمى مصرنا الحبيبه
ويحيا الشهيد
حلوه اوى اوى اوى اوى
وبجد مهما قللنا وعبرنا عن الى جوانا ماهيكفى يعبر عن شكر ولا حماس ولاطاقه جوانا
وباذن الله للكل واحد عمل فى ميزانه حسناته
انه ساعد فى رفع ظلم عن ملاين كتير
إرسال تعليق