وحشتينــــــــــــا يااااااااااا مصــــــــــــر




في الكون ملايكة
وفي الشوارع ناس
تخطف نجوم السما
وتحضن الحراس
الشعب بجزمته
دايس علي الميدان
يرهب شعوب الطغاة
ويزلزل الجدران
أن الأوان تفرحي
يا مصر وتغني
يا شمس يا منورة
يا نهر في النني
وحشتيني يا ست الكل
يا بهية
يا أغلي ما في الكون
يا كحل في عنيا
وحشني شوارعك
حجارة وكراسي
مرايه بتضهي
علي كل النواصي
بتنده عليا
وعلي كل ناسي
يا ابني يا بنتي
يا ولاد عرابي
تعالوا نغني
علي كل الروابي
نطير حمامنا
إمري وبناني
ونقابل صباحنا
بعزف وأغاني
ونملا النيل تقاوي
تطرح محبة
علي كل غاوي
ونزرع محبة
في حضن الأحبة
تبدر سلام
وتطرح غناوي

بقلم
أحمد الصعيدى

هناك 13 تعليقًا:

الحــب الجميـــل يقول...

الله عليك يا شاعر البلووووووووووووجر

مبررررررررررررروك علينا مصر

mrmr يقول...

مبرررررروك علينا مصر

خواطري مع الحياة يقول...

مبروووووووووووووووووووووووك عليك ياصمر
مبروووووووووووووووك عليك ياشعب الاحرار
وان شاءالله بكرة يوم جديد امل جديد حياة جديده
الف مبرووووووووووووووووك
للللللللللللللللللللوي

الحــب الجميـــل يقول...

مبررررررررررررررررروك يا شباب

موناليزا يقول...

مبروووووووووك يا شعبى الحبيب

Ms Venus يقول...

مبروووووووووك علينا الحرية

eng_semsem يقول...

وحشتنا كلنا والحمدلله رجعت لينا من تاني
مبرووووووووووووك لينا كلنا

Noha Saleh يقول...

مبروووووووووك

من كل بستان زهرة يقول...

الله عليك يا شباب مصر
مبرووووووووووووووك لينا
بلدنا عادت لينا
الحمد لله

carmen يقول...

الحمدلله اتحقق الحلم ربنا يكملها علي خير

كلمات من نور يقول...

مبروك النصر ورفع الراس عاليه وسط كل الدنيا ......الناس في كل بلاد العالم فرحانه علشان فعلا مصر أم الدنيا

البتول يقول...

حمدا لله على سلامتك يا بلدى

الف مليون مبروك

الحمد لله على نعمه الحريه

اللهم ارحم شهدائنا واسكنهم فسيح جناتك

وارزقنا الشهاده فى سبيلك عن صدق

محمد الجرايحى يقول...

قد أراد الشعب واستجاب القدر
فالقدر يستجيب لإرادة الأحرار المخلصين ولقد أخلص شباب الأمة نواياه للمولى عزوجل فكان النصر المؤزر
الحمد لله ولاإله إلا الله