الجمعة، 6 مايو 2011

عزاء واجب ... جدة كركبة دماغ

 

 إِنَّا لِلَّهِ وَإِنَّا إِلَيْهِ رَاجِعُونَ 

بكل الاسى ننعى جدة الاخت المدونه صاحبة مدونة كركبة دماغ

وخبر الوفاه منشور هنا  فى مدونتها وهذا نصه 




جدتي ماتت
...

مش قادرة اوصف اللي انا حاساه
بس أمي صعبانه عليا قوي
كل اما ابصلها بتوجع وجع عمري ما حسيت بيه قبل كده
انا مش زعلانه على جدتي
مش قصدي مش زعلانه يعني مش حزينه عليها بس ممكن اكون مش مرتبطة بيها بشكل كبير
بس انا بالعكس انا حزينه لموتها جداً
لكن النصيب الاكبر من الوجع هو أمـــي
انا مش قادرة اشوفها كده قدامي
مش قادرة اتحمل اشوفها مكسورة كده
معرفتش اقولك حاجه او اخفف عنك في ساعتها
قعدت كام ساعه بعيط لعياطك انتي
وبعدها قولتلك انا آسفه عشان يمكن ماشوفتيش مني رد فعل
بس الموقف اول مرة يعدي عليا ومكنتش عارفه اتصرف
حاولت اخفف عنك بشوية كلام
وحسيت اني لو اتكلمت اكتر يبقى هوجعك اكتر
صورتك وردة فعلك اول ما سمعتي الخبر
مش قادرة اشوف غيرها قدامي
انا عارفه انك محروقه ومجروحه عشان حرموكي منها وهيا عايشه
وعملتي كل اللي يتعمل عشان تقدري توصليلها بس للاسف كنتي بتتعاملي مع بشر معندهمش قلب
عارفه انك تماسكتي عـ طول
واما الناس جت تعزي كنت قايمة بكل حاجات البيت كانه مفيش حاجه حصلت
بس بمجرد انه حد بيعزيكي بتفتحي في العياط
عارفه انك بتحاولي تهربي من الحزن بشغل البيت
واني حتى اما احاول اجي اساعدك ترفضي بشدة وتصري انك تعملي كل حاجه
رغم اني عارفه انك مش بتبطلي عياط من جواكي
وكل اما ادخل عليكي والاقيكي بتصلي الاقيكي بتعيطي
وكل اما اجي اقولك حاجه اصبرك بيها بتبقي هتعيطي فـ بتخليني مش عارفه اقول ايه
ومش قادرة اعمل حاجه اخفف بيها عنك
الاحساس ده مموتني يا امي
انا حاسه بيكي قوي
وبكل اللي جواكي
انا مش عايزة اعيط عشان ما اخليكيش تعيطي
انا كمان بحاول ابان قوية
واللي يشوفني بعدها بيوم في الجامعه ما يعرفش اني في حالة وفاة عندي
انا اصلا من تاني يوم رحت الجامعه عشان مش قادرة اتحمل اشوفك كده
كنت بتعامل مع الناس وكانه مفيش حاجه وبهرب ان حد يبص في عنيا
بس اول ما حد اخد باله وسالني مالك
كانت عيني بتدمع غصب عني وقولتلهم جدتي توفت امبارح
وقربت انهار زي امي بس مسكت نفسي لاني ما بحبش اعيط قدام حد
وما بحبش ابين حزني قدام الناس
انا ضعيفه وعارفه ان انتي في الوقت ده محتاجه حد قوي جنبك
واخواتي الولاد ده كان وقتهم
لاني اما شوفت اخويا بيحضنك وانتي بتعيطي في حضنه كان بيطبطب عليكي وبيصبرك
غير لما انا حضنتك وعيطت معاكي كنت بزيدها عليكي
انا قلبي واجعني قوي
ومش عارفه اعمل ايه
وبحاول ابان طبيعيه مع كل الناس
بس انا حاسه بحاجه بتقتلني من جوا
انا مش زعلانه
كلمة زعلانه
ولا حزينه
الكلمات دي قليله قوي
انا موجوعه من جوايا قوي
ومش عارفه اتكلم مع حد عن اللي حاساه

....

انا لله وانا اليه راجعون
اللهم اغفر لجدتي وارحمها وعافها واعفو عنها
اللهم اكرم نزلها ووسع مدخلها وآنس وحشتها
اللهم اغسلها بالماء والثلج والبرد
ونقها من الذنوب والخطايا كما ينقى الثوب الابيض من الدنس

اللهم بدلها داراً خيراً من دارها وابدلها اهلاً خيراً من اهلها
اللهم اسكنها الفردوس الاعلى

اللهم امين


~

ادعولها ॥ ارجوكم ادعولها
وادعوا لأمي ربنا يصبرها ويربط على قلبها
ربنا ما يكتب عليكم فراق حد بتحبوه ابداً
ولا تدوقوا طعم الوجع اللي حاساه

~

دكتورة ستيته ... شكراً قوي بجد
عمري ما هنسى مكالمتك دي
ولا هنسى وقفتك دايماً جنبي
وآسفه جداً لاني قلقت حضرتك
وعشان كنت سبب في زعلك

هناك 11 تعليقًا:

Haytham Alsayes يقول...

ربنا يرحمها ويغفر له ويجعل مثوائها الجنة باذن الله
ان لله وان اليه راجعون

حمدى جعوان يقول...

البقاء لله

انا لله وانا اليه راجعون
ادعو الله ان يرحمها ويجعل قبرها روضه من رياض الجنه

غير معرف يقول...

ان لله وانا اليه راجعون

ربنا يرحمها ويغفر اليها ويسكنها فسيح جناته يارب العالمين

ربنا يصبركم يارب ويخفف عنكم فرقها

لــــ زهــــــراء ــــولا يقول...

انا لله وانا اليه راجعون

البقاء لله وربنا يرحم امواتنا

هشام الجندي يقول...

قـال تعالى :- " وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ "
اللهم ألهمها الصبر والسلوان

مصطفى سيف الدين يقول...

اللهم اغفر لها وارحمها
واسكنها فسيح جناتك
وارزق اهلها الصبر يا رب العالمين
البقاء لله

... سعد الحربي ... يقول...

أسال الله أن يغفر لها ولنا الذنوب وأن يرحمها ويرحمنا برحمته
وأن يرزقها ويرزقنا الفردوس الأعلى من الجنة.

وجميل أن تخرج أمكِ مشاعرها الحزينة لكن من غير تمادي وأن لا تسيطر عليها هذه المشاعر طول حياتها.

والله يرزقكم الصبر والسلوان.

ياره عبدالله يقول...

ان لله وان الية راجعون ربنايرحم جدتك ويجعل مسواها الجنة ان شاء الله
ويصبر والدتك ويقويكى على الى انتى فية

gogo!sf يقول...

انا لله وانا اليه راجعون

ربنا يرحمها ويغفر لها ويسكنها فسيح جناته اللهم امين

ربنا يصبر والدتك ويقويها اللهم امين

Haytham Kilany يقول...

انا لله وانا اليه راجعون
ادعو الله ان يرحمها ويجعل قبرها روضه من رياض الجنه

كــركــبــة دمـــاغ ㋡ يقول...

جزاكم الله كل خير يا جماعه
وربنا يرحم موتانا وموتى المسلمين


شكرا بجد لبيت المدونين على اهتمامكم
عاجزة عن الشكر فعلاً

ربنا يجمعنا دايماً على كل خيييييييير