الأحد، 25 سبتمبر 2011

الــحــمــلــة الــنــســائــيــة لــلــتــبــرع بــالــدم + تــــحـــديــــث



بناءاً على طلب الاخت نوران الشاملى    ...... صاحبة مدونة هذه انا ...... هذه حياتى
لنشر هذا البوست 
وبما ان فكرته مرحب بها لدينا تماماً (واننا نتبنى فكرة فصل القوات هذه بشده )  :)  ....... لذا نتمنى لها فيها التوفيق والنجاح ان شاء الله.


وإليكم البوست 




ميعاد الحملة النسائية للتبرع بالدم
اول جمعة من شهر ابريل
اول جمعة من شهر اكتوبر
من كل سنة إن شاء الله

الحملة مقتصرة على النساء فقط
ممنوع حضور الرجال نهائيا

التبرع بالدم هدفه التبرع بالدم
ممنوع الحضور بنية التعارف
يعني اللي تنزل من بيتها
تبقى نازلة علشان نيتها فعلا انها تتبرع بالدم
مش نازلة علشان تشوفنا او علشان تتعرف علينا

ده تبرع بالدم يا جماعة مش لقاء حريمي

لذلك أرجو من النساء اللى مش ناويين يتبرعوا
او عندهم موانع صحية تمنعهم من التبرع
يلتزموا منازلهن وعدم الحضور

واللي عايزة تتعرف علينا او تشوفنا
تبقى تستنى لما نعمل لقاء حريمى وتبقى تيجى تشرفنا
لكن يوم التبرع بالدم
ياريت الحضور فيه يبقى بنية خالصة لوجه الله

اول ميعاد للتبرع بالدم النسائي
هايكون يوم الجمعة الموافق 7 اكتوبر
التجمع الساعة 10 صباحا
قدام هيئة المصل واللقاح بالدقي
رقم تليفوني هايكون مفتوح يوم التبرع فقط
01519790270

ولمزيد من التفاصيل
الرجاء معاودة قراءة
شكرا لكم

انتهى


تحديث:



نحن ندعم هذه الحمله بقوه  ............ وليشوهها المشوهون ............. نسأل الله ان يمكن من يسعى لانجاحها ..... لله خالصه .....


وندعوا جميع الأخوات الفضليات بالمشاركه فيها ان شاء الله.


فقد يكون دمكن سبباً فى انقاذ حياة

هناك 30 تعليقًا:

الـسـيـدة نـون يقول...

جزاكم الله خيرا على النشر

شكرا يا جماعة



سلام
اختكم نورا

غير معرف يقول...

من انت حتى تتبنى و تتكلم بصفة الجماعة

و ما هذا الاستظراف فى كلمة فصل القوات

تسمح لى ان اعلق ان هذه سماجة لا تليق

بناء على طلبها تنشر فقط

انت لست مسئول عن المدونين

لو لك راى فمكانه صفحة التعليقات

بيت المدونين يقول...

الغير معروف

انت ليه بتتكلم بصفة المذكر ؟!

ومين ققالك اننا بنتكلم عن المدونين ، احنا بنتكلم عن سياسة بيت المدونين

و عموما نحن مقدرين زعلك وضيقك .... او ضيقك ( بصفة المؤنث) لان غالبا انت انثى

وسنترك تعليقك لن نزيله

لانه برده بمزاجنا هنا مش بمزاجك

وسنتركك للمدونين المحترمين هيردوا عليك ان شاء الله ان لم يترفعوا فى ذلك

غير معرف يقول...

الاسلوب التحريضى
اصبح موضة قديمة

طالما تتكلم عن كيان يبقى لازم اتكلم بصفة المذكر
اما سياسة بيت المدونين فما هى السياسة التى تتحدث عنها

اما موضوع مزاجك و مزاجنا فيبقى فى مدونتك
اما الحق فى ازالة التعليق فذلك ليس من حقك
و لكن حقك فقط فى الرد
اما زعلى و ضيقى فانا مش زعلان خالص
و لكن اعتراضى على السماجة فى الحديث
اما اتركك للسادة المدونين المحترمين فالعب غيرها
اللى معاك محترم و اللى مش معاك مش محترم تصنيف بايخ و قديم
و عايز تشيل التعليق شيله
لكن لا تتكلم بصفة الجماعة
فقد انتهى عصر الديكتاتورية
فكلمة فصل القوات تدل على الاعداء

بيت المدونين يقول...

شكراً للتوضيح

بيت المدونين يقول...

وبالمناسبه صحيح

هذا هو تعليق المدونه نوران صاحبة الدعوه على المقدمه الخاصه بالبوست هنا التى اعترض عليها الاخ الغير معروف :

"وعاجبتنى المقدمة اللي حضرتكم اضفتوها قبل البوست ...... شكرا لحضرتكم"

مع تغيير الضمير فقط ، لخصوصية النشر

اتمنى ان نكون الان اثبتنا اننا حياديين ومحترفين فى عملنا هنا لذا نرجوا اى احد لم يتعود على لباقة الحديث مع غيره ان يتوقف عن اى تهكم بدون وجه حق .

شكراً للجميع ......

غير معرف يقول...

المدونة نوران لا تمثل الا نفسها
عجبتها لكن لم تعجبنى
اعتقد هذا من حقى

اما الحيادية و الاحتراف غير موجود بالمرة

انت تناقض نفسك ما هى الحيادية و انت نقول نحن نتبنى بشدة

نصيحة مخلصة
انت او انتى لا تصلحون للتكلم بأسم المدونيين
اما لباقة الحديث فانا لم اشبه المدونين و المدونات بالاعداء و يجب فصلهم

بيت المدونين يقول...

يا اخى الفاضل

اولاً انت معك كل الحق فى عدم حياديتنا فى كلمة (بشده ) لذلك لن نغيرها ان شاء الله ، وسنغير كلمة ( حياديه ) نفسها ....... ( فالامر هنا لله ) نحن لسنا حياديين فى اى امر فيه ولو ( فضل ) من الناحيه الشرعيه فنحن منحازين بكل فخر للجانب الشرعى.


ثانياً فى موضوع عدم صلاحيتنا ان نتكلم باسم المدونين هذا فهذا يجيبه عدد المتابعون بفضل الله المتزايد فى وقت قياسى ولا حول ولا قوة الا بالله

هذا رأيك لنفسك ، اما رأي هذا الكم من المتابعين فى اقل من سنه قد يكون شئ اخر.

واخيراً موضوع الاعداء الذى تصر عليه هذا نحن نتعجب من هذا الفهم جداً

فالكلمه واضحه وضوح الشمس انها كلمه ضاحكه تسترعى الأنس والملاطفه فى الفكره ....... حتى تُأخذ بمحمل اللطافه وعدم الزعل.

والكلمه مستوحاه من الطابع الذى طُبع علينا هذه الفتره بسبب الاحداث التى نعيشها
لذا لا يوجد ما تصر عليه فى هذا الامر بتاتاً

فلو هم اعداء فنحن اعداء فهم اعداء فجميعنا اعداء

المشرفين هنا رجال ونساء فهل تستطيع ان تخبرنا من كتب هذه الكلمه عن من ؟!!


نرجوا حسن الظن وحسن الحوار

غير معرف يقول...

يا غير معروف ياللى ملكش اسم انت

حضرتك يا تعلق بشكل ادبى وحضارى يا تمتنع عن التعليقات وشكرا لحضرتك

واى شىء مش يعجبك ممكن حضرتك تروح لأقرب اسم وتقدم بلاغ

ولو احنا لا نصلح نتكلم بأسم المدونين يبقه انت كمان لا تصلح انك تكون مدون

وخليك اشجع من كدا وابقى ادخل بالأسم بتاعك يا حضرت

غير معرف يقول...

الحب الجميل

ما هو الاسلوب الغير حضارى و الادبى الذى علقت به
يجب ان ترك الاكليشهات الجاهزة للرد
اما اقرب قسم الذى تتحدثين عنه فيصلح للمجرمين و ليس لمجموعة تتبادل الراى
اما ارائى فى انكم لا تصلحون للتحدث بأسم المدونيين فهذا رائى
اما انا لا اصلح مدون فذلك رائيك و احترمه بشدة
اما الشجاعة فاعتقد انى امتلكها
و ساعلن عن نفسى ببوست يفضح الفكر العتيق الذى سيطر على بيت المدونين
تحياتى

ويكا يقول...

يا اخ الغير معروف

هو انت مش بتقول انك بتتناقش ورأيك حر وكده


طب انت ليه مش دالخ بالاكونت بتاعك ؟!

على الاقل نعرف نتحاور فعلا

ينفع حد يحاور واحد مجهول ؟؟؟


وبعدين داخل بمجهول ليه فعلا مادام شايف انك مش بتقول حاجه غلط ؟

اما موضوع بوست وكده فما اظنش اننا هنشوفه لاننا لا نظن انك منضاف فى الريدر بتاع البيت ..... ما نظنش ابداً

amr يقول...
أزال المؤلف هذا التعليق.
عمرو يسرى يقول...

الاخ المجهول او الغير معرف
عجبنى جدا كلامك وانت بتقول انت لست مسئول عن المدونين بس حبيت اعرف هما مش مسئولين عن المدونين انت بقى ايه علاقتك بالمدونين يعنى لو كنت احد المدونين طب داخل مجهول ليه مكسوف مثلا حط اى حاجه على راسك وادخل بحسابك عشان نعرف انك مدون ولو كنت مدون نعرف معاك كام صوت من المدونين شايفين ان بيت المدونين مش مسئول عنهم ولا انت مش مدون ولا ليك حساب اساسا طب داخل عندنا ليه هى تلقيح جتت وغلاسه وخلاص احنا مدونين مع بعض ومتعودين على طريقه بعض سواء فى الهزار او الجد او حتى فى الخناق انت مالك بقى داخل بتتخانق وزعلان وكأنك رئيس رابطه المدونين ولا حاجه وداخل مخفى ياعمى حط اى حاجه على راسك وادخل بحسابك عشان نعرف حتى تدويناتك واراءك عشان منزعلكش تانى ولو ماكنتش مدون اخبط دماغك فى اقرب حيطه عندك او اشرب من البحر او النيل ايهما اقربلك
مع احترامى الشديد ليك نورتنا ويابخت من زار وخفف

الـسـيـدة نـون يقول...

السلام عليكم



قال الله تعالى

خذ العفو وامر بالعرف وأعرض عن الجاهلين

صدق الله العظيم

غير معرف يقول...

ويكا

ما هذه الثقة التى تتحدث بها

انا لا ادخل بالاكونت الخاص بى فذلك حرية شخصية

مثلما كنت ترد بالنيابة عن بيت المدونيين تحت تعليق بيت المدونين

من قال لك اننى غير مضاف الى الريدر
حضرتك بتنجم و ما هذه الثقة التى تتحدث بها
و انت طالما دخلت باكونت مجهول
ما هذه الازدواجية
و اين حرية الراى و انا اجدكم لا تطيقون من يختلف معكم فى الراى

غير معرف يقول...

عمرو يسرى


اولا انا مش مكسوف انا اعرض راى
و الراى يقابله راى
ثانيا انا اعرفك معرفة شخصية و عندما اقابلك ساقول لك من انا
لو انت متعود على الهزار بالاهانة فغيرك غير متعود


انا لا امثل الا نفسى مثلما انت لا تمثل الا نفسك
ساتغاضى عن اسلوبك فى نهاية التعليق

ابراهيم رزق يقول...

ساكتفى بتلك التعليقات

و أسف على ذلك الجمود فى الفكر

لم تتحملوا من يخافكم فى الراى و تطلقون على انفسكم بيت المدونين

تحياتى لكم جميعا

غير معرف يقول...

طيب وليه الف والدوان ومدخلتش دايركت بالاكونت على طول يا استاذ ابراهيم

دى طريقه غير ظريفه بالمره

ابراهيم رزق يقول...

الحب الجميل

انا أسف ان كنت قد تجاوزت

انا لم ادخل بالاكونت الخاص بى لاسباب خاصة بى

اعتقد انى لم اتجاوز فى الحوار و أسف جدا على تعليقى الاخير
تقبلى اسفى
فانا عندما اخطىء لا اجد اى احراج فى قول انا اسف لكن استفزنى طريقة حوار تتحول الى تهكم
ارجو قبول اعتذلرى
تحياتى

غير معرف يقول...

يا استاذ ابراهيم حضرتك داخل بغير معروف فكرك هتستنى مننا ايه ؟؟؟

غير كدا لو حضرتك دخلت باسمك اكيد كنا هنتقبل لغة الحوار بشكل جيد لكن مع شخص غير معروف ومجهول لا اعتقد اننا ممكن نتحاور معاه

غير معرف يقول...

واولا حضرتك لو شايفنا اننا لا نصلح كمشرفين فى بيت المدونين ممكن حضرتك تتفضل معانا وتعلمنا ازاى نصلح لهذا بس مكنش لازم التجريح والاهانه

غير معرف يقول...

ومش معنى ان كلمه واحدة او جمله واحده حتى مش عجبت حضرتك انك تهاجمنا بالطريقه دى

ومش اعتقد ان اى بوست فى التدوين هتشوفه ومش يعجبك فيه جملة او كلمه هتجمه بالطريقه دى

عشان كدا انا مستغربه من هجومك

ومستنيه توضيح اسباب

عمرو يسرى يقول...

هههههههههههههه
استاذ ابراهيم رزق
حبيب قلبى
ماهو حاجه مستفزه ان واحد غير معرف يدخل يتكلم بلسانا ويتخانق مع ناس مننا ويعترض عليهم وهو مجهول ونشعر انه مش مننا انما لو كنت حضرتك دخلت باى اكونت كان الوضع اختلف لان هيكون مدون معترض على طريقه مدونه بيقوله انها بيتهم ويبقى اختلاف راى انما مجهول بيبقى السؤال على طول وانت يخصك ايه اصلا وانت مش مدون بس
انما لما تدخل باكونت مدون اى كان راى مدون فى بيت مدونين وقديكون متواجد كثير لهم نفس الرائ وتكون حريه راى بس بصراحه انا سعيد انى خليتك تدخل بالاكونت بتاعك
واعتذر ليك على اى اساءه

ابراهيم رزق يقول...

انا لم اعلق الا بتعليق وحيد

انا لا امانع من الحملة النسائية للتبرع بالدم فهذا من حقهم و هى حريتهم الشخصية بل قد اؤيدها

لكنى لا افرض وجهة نظرى
انا مقتنع بحرية الرأى تماما و من حق الجميع ان يقول وجهة نظره
اما فصل القوات فاعتقد انها لا تليق تلك وجهة نظرى و ما عبرت عنه فى صفحة التعليقات
لو كانت وجهة النظر فى صفحة التعليقات لما اعترضت ابدا
قد اكون مؤيد و قد اكون غير مؤيد حتى لو كنت انا الوحيد
اما باقى تعليقاتى فهى مجرد رد
تحياتى

ويكا يقول...

هههههههههههههههههههههههه

مش قولتلك مش فى الريدر

ههههههههههههه

ابراهيم رزق يقول...
أزال المؤلف هذا التعليق.
ويكا يقول...
أزال المؤلف هذا التعليق.
ويكا يقول...
أزال المؤلف هذا التعليق.
ويكا يقول...

ارجوا من الجميع ملاحظة تلون الاستاذ ابراهيم فى التعليقات وتناقضه لنفسه وفى مدونته الخاصه ايضاً

كنت اتمنى ألا تحوجنى للتعليق عليك

لانى لا اجد ان الامر كان يستدعى لذلك .... الا انك احرجتنا واجبرتان

ويكا يقول...

استاذ ابراهيم ارجوا عدم مسح اى تعليقات منك اكثر من ذلك حتى يرى الجميع اسلوبك ....


كما ارجوا ان توضح لى ، هل علمانيتك تدعوك لان تقول لى فى مدونتى فى تعليق لم استطع نشره " يلعن ابوك " ؟!!

لمجرد عدم فهمك لمغذى مقالى ..... او لاحتلافك فى رأيى سياسى معى ؟!!!

ان كنت تحقد علي فى انتمائى الاسلامى
فالعز كل العز فى الدين
والخير كل الخير فيه والحمد لله
اما وان تلعن والدى ...... فليس لك عندى الا .......... الله


كم تكتمت على هذا الامر ولم ارد اظهاره على الملا ولم اشأ فضحك امام الناس الا انك اصررت الا ان تفعل ذلك

فلى عندك انا ووالدى حق .... تفحشت فيه بسبب الله

سبحانك اللهم وبحمدك ....... سبحانك لا اله الا انت استغفرك واتوب اليك....